#زوج أختي والماضي
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
الكل انصدم من الكلام الكاله عمي ابو هند ماتحمل
راسن كامت بطوله وكاله بحدة "
عمي _ شتكول؟
الولد _مثل ما سمعتوا بطلت مااريد ازوج هند
وطلع بره .. قبل مايسمع الرد من احد من الاهل طلعت وراه امه واخوه ضاج اهل هند هواي كاموا يعاتبون
ويكولون شنو أنتو تضحكون علينا
تجيبون شخص مايريد يزوج بتنه مو لعبة عدكم هند ضاجت كلش كامت كمت وراها سديت الباب كعدت
على الجرباية حضنت جسمها
بحزن كعدت بصفها _ هند باعيلي
بدون مترفع راسها كالت "
حظ معندي مثلج زهراء
خليت ايدي على راسها "
الله يعوضج بالاحسن يمكن الولد
جان مجبور عليج ؟
رفعت راسها باوعتلي بضحكة وكالت "
لا مو مجبور ولا شي خربوا
الخطبة ولد الحرام
_ منو قصدج خربها
_ اكو غيره النذل ريان
_ نفترض ريان بس هو شمدري أنتِ راح تنخطبي
لابن خالج وتحديدن اليوم ؟
_ أني كلتله
_ أنتِ غبية شلون تكوليله ؟
_ كلت بلكت من يسمع اني راح انخطب يبطل مني ماتوقعت راح يخرب الخطبة الله لا ينطيك ريان
_ الله لا يوفقه اذا هو صدك
_ منو غيره يسويها قابل
_ هسة تبين الحقيقة هو لو واحد غيره
_ هو والله هو ماكو غيره
_ استهدي بالرحمن هند وان شاءالله الله يعوضج
بإنسان احسن من ابن خالج بألف مرة
_ مااريد اتزوج بعد انعل ابو الزواج
_ هند شبيج أنتِ القوية لا تضعفين هيج
_ لا اني قوية حيل وما اتأثر ابد طبع الف طب ابن خالي هو الخسر مو أني والله بس قلبي مكسور ليش ريان
يحب يعذبني ويسببلي المشاكل
_ الولد يحبج ويريدج لذالك خرب عليج الخطبة
_ لا مايحبني والله يريد ينتقم مني لا أكثر
باوعتلها بعدم فهم "
ينتقم منج ليش أنتِ شمسويه ويا ؟ غير سالفة
الرفض للزواج منه
_ بعدين اكولج كلشي
_ اكو سالفة
_ ايي سوالف منو سالفة بايام الجامعة ويه ريان
_وأني معندي علم ؟!
_ اي معندج علم خجلت اكولج
_ هو شنو اليخجل بالموضوع هند اخاف ريان
غلط وياج كولي
YOU ARE READING
زوج أختي والماضي { مكتملة }
Short Storyقصة واقعية "ماذا لو عاد الماضي مرة أخرى لكن هذه المرة يعود بطريقة مروعة تثير اشمئزازي من أجل أن يسلبني كل شيء جميل في حياتي ويحرمني من أجمل أيام عمري وأجمل الأحلام التي أحلم بها وأصبحت ضحية وأجبرت على فعل أشياء لا أريدها ولم أحلم بها حتى تغيرت حيا...
