الملاك المتمرد «قيد التعديل»

الفصل الثالث و العشرون..

نكمل روايتنا(الملاك المتمرد)بقلم سلسبيل كوبك..
الفصل ال23..
اخر حاجة وقفنا عندها في الفصل ال22..
جاسر كان هيخرج بس لفت انتباهه حاجة و اتصدم..
جاسر(بخضة):تاج!!
جاسر لقي تاج واقفة و لسة هتنزل السلالم اغمي عليها و وقعت علي السلالم لغاية ما وصلت ل رجل جاسر..جاسر وصل ل مستواها
جاسر(بقلق):تاج تاج فتحي عيونك..سمعاني؟!
ريتاج(بخوف):تاج..
جاسر شال تاج بين ايديه و خرج بره المدرج و وراه ريتاج و عامر..
جاسر ودي تاج للدكتورة اللي في الجامعة..
الدكتورة:الخبطة مكنتش قوية..
الدكتورة:بس الفترة الجاية دماغها مش هتبقي مظبوطة ل كام يوم..
جاسر:ماشي شكرا يا دكتورة..
ريتاج(بعياط):تاج..
عامر(ببرود):هتبقي كويسة متقلقيش..
جاسر(بحدة):يلا كله علي محاضرته..
عامر و ريتاج خرجوا و راحوا ل محاضراتهم...جاسر فضل قاعد ما تاج لغاية ما صحيت..
تاج(بتعب):انا فين؟!
جاسر:معايا..
تاج(بخضة):افندم!!!
جاسر:متخافيش اوي كدة مش هأكلك..
تاج(بوجع):اه يا دماغي...هو حصل تيه؟!
جاسر:مفيش اغمي عليكي وقعتي علي السلالم انا شيلتك جبتك هنا الدكتورة كشفت عليكي...
تاج كانت بتحاول تقوم لقي جاسر مسكها من كتفها و نيمها تاني علي السرير..
جاسر:مفيش خروج من هنا قبل انتهاء الجامعة و انا بنفسي هوصلك للبيت..
جاسر كان هيمشي بس رجع تاني..
جاسر(بهدوء يخوف):لو مشيتي مع حد غيري او خرجتي قبل ما اجي انسي انك تفضلي عايشة..
جاسر ساب تاج و ضحك علي منظرها...تاج كانت باصة بصدمة و لا ارديًا فضلت قاعدة مكانها...
**********************************
-في مكان تاني...
_في بيت عمر..
عمر:يعني المطلوب مني اعمل ايه يا سيف؟!
سيف:مش عارف مش عارف تايه يا عمر..و ازاي ملاحظتش ان في عربية متبعاني؟!
سيف:دماغي هتنفجر بعت كل رجالتي لكل الاماكن اللي ممكن يخطفها فيه مفيش حد وصل..
سيف:و بالاخص انها تعبانة..
عمر:اهدي ان شاء الله هترجع...قول انت يا رب..
سيف:يا رب يا عمر يا رب..
الباب خبط..
عمر:ادخل..
مريم:اتفضلوا العصير اهو..
سيف:اشربوه انتوا..
سيف سابهم و ركب عربيته و راح لمكان لوحده..
عمر:تعالي نشربه مع بعض..
مريم:تمام...و مين هيدير المكتب!.
عمر:انا و انتي و باقي الموظفين لغاية ما ملاك ترجع و سيف يستعيد نشاطه و قوته من جديد..
مريم:طيب..طب طب..
عمر:متتردديش..
مريم:هنطلق امتي؟!
عمر:للدرجة دي زهقتي يعني..
مريم:لا بس انا الصراحة خايفة من زياد..
عمر(بحدة خفيفة):قولتلك متخافيش منه مش هيقدر يلمس شعرة منك..
مريم(بعصبية):طيب بتزعق ليه؟!
عمر:هو انا زعقت؟!
مريم:لا انا..
مريم سابته و مشيت و عمر رمي وراها كوباية العصير..
***********************************
-في مكان تاني....
_عند ملاك..
ملاك بدأت تفوق بس مش شايفة اي حاجة لقت رجليها مربوطة و ايديها مربوطة ورا ضهرها..و بوقها محطوط عليه حاجة و محطوط حاجة سوداء علي عينيها..
ملاك حاولت تتحرك لقت رجليها مربوطة بسلسلة حديد..
ملاك(لنفسها):لا لا مش حقيقي اهدي يا ملاك اهدي..
ملاك(لنفسها):ايه الصوت ده؟!انا فين؟!يا رب ارجوك..
ملاك(لنفسها):في حد جاي؟!!!
ملاك سمعت صوت اقدام حواليها..
...1:تفتكر الباشا عايزها ليه؟!
...2:هيكون ليه هيقتلها...
...1:هي مين اساسا؟!
...2:شوفت صورها قبل كدة علي النت زي عارضة ازياء كدة..
...1:اه علشان كدة جسمها زي كأنه مرسوم..
ملاك(لنفسها):ايه التلوث اللي انا سمعته ده؟!
...2:عندك حق..
...1:بس اكيد مش هيسبها من غير ما يقرب ليها..
...2:عندك حق..
...1:طب ايه رأيك..
...2(بسرعة):الباشا جه اسكت اسكت..
شخص(بصوت قوي):هي دي؟!
...2:اه يا باشا..
شخص:شيل اللي علي عينيها و بوقها ده..
...1,...2:حاضر يا باشا..
شخص:ايه هتتخانقوا مين اللي يشيل قبل التاني..
...1:الصراحة يا باشا هي مزة..
شخص:ابعدوا..
الشخص ده قرب من ملاك و نزل ل مستواها و فك الرباط اللي حوالين بوقها..
ملاك(لنفسها بدموع):لا بليز ارجوك لا..سيف تعالي..
-و بدأ الشخص يفتح الرباط اللي علي عينيها..اتسحر بعيون ملاك اللي فتحتها براحة و بصت للشخص اللي قدامها مقدرتش تتعرف علي ملامحه لانه كان مقنع...
شخص:انتي مين؟!.
...2(بهمس):ده الباشا ذات نفسه اتسحر...
...1(بهمس):عندك حق..
ملاك(بصوت واطي):ملاك..
شخص:باين انك ملاك لكن اسمك...
ملاك:انا اسمي ملاك...و بليز سبني امشي انا معملتش حاجة..
شخص مشي ايده علي شعر و وش ملاك..
ملاك(بحدة)ابعد ايدك...احترم نفسك..
شخص:هنتقابل تاني..باي..
الشخص ده خرج و ركب عربيته و مشي و هو مسحور برسمة عين ملاك و لونها لون القهوة..
ملاك ضربت رأسها بالارض و هي بتعيط و فجأة حست بالدنيا بتضلم لغاية ما غمضت عينيها و استسلمت للظلام..
***********************************
-في مكان تاني...
_في بيت محمد..
محمد:مالك يا خالد؟!
خالد:ملاك مش عارفة توفق بين اي حاجة يا جدو..
خالد:مكنتش كدة..
محمد:معلش معلش..و كمان عندنا عارضات تانية..
خالد:ايوه بس ملاك الاساس..
محمد:ماشي يا عم اهدي شوية..
خالد(بغمزة):قولي اخبار المزز ايه؟!
محمد:بيسلموا عليك يا خفة..
خالد(بغمزة):يا ولد..
محمد(بحدة مزيفة):خالد..
خالد:خلاص يا عم سايبها ليك..
خالد:هقوم اشتغل علي اللاب شوية..
خالد قام و كان داخل لقي شروق واقفة زي كأنها بتتصنت..
خالد:شروق..
شروق(بخضة):ايه!!
خالد:بتعملي ايه؟!
شروق بصتله و بعدها بصت علي تليفونها رفعت ايديها بسرعة..
شروق:بتكلم في التليفون..
خالد:و هي دي طريقة تتكلمي بيها؟!
شروق:اتكلم براحتي زي ما انا عايزة عندك مانع..
خالد قرب من شروق خطوة طلعت تجري علي اوضتها...
خالد:غبية..
خالد طلع علي اوضته و لسة بيفتح اللاب لقي تليفونه بيرن..
الخط اتفتح..
خالد:الو مين معايا؟!
شروق:لحقت تنساني يا حبيبي اخس عليك..
خالد بص علي التليفون و بعدها حطه تاني علي ودنه..
خالد:انتي حد مسلطك عليا يا بت؟!
شروق:لا شوفتك حبيتك...
خالد:جذاب اوي كدة؟!
شروق:ايوه و احلي مية مرة..
خالد:الصبر يعني انتي عايزة ايه؟!
شروق:نرتبط..
خالد:طيب ان شاء الله و الف الف مبروك..
خالد:خلصتي الفيلم بتاعك..
خالد:مع السلامة..
شروق:باي يا حبيبي...اكلمك بعدين..
خالد:ده ايه البلاوي دي؟!
خالد قفل التليفون و رماه علي السرير..
خالد:ده ايه القرف ده؟!
_عند شروق..
شروق:هقرفك بعيشتك لغاية ما اخليك هتموت..
شروق:انا غبية يا سي خالد..
شروق:طب هوريك يا استاذ خالد..
شروق:الدنيا قدامنا كتير..
شروق بصت علي موبايلها بخبث و بصت علي باب اوضتها..
***********************************
-في مكان تاني....
_في القصر..
سهي:البيت بقي حاله مش عاجبني يا مني...
مني:اه..
سهي:و ملاك دي سافرت راحت فين؟!
مني:هتلاقيها في شغل ده كان شرط من شروط الجواز...
سهي:بس البيت بقي ممل و كئيب..
معتز(و هو نازل علي السلالم):ايه مجتمعين علي خير؟!
سهي:ازيك يا معتز؟!فينك يا ابني محدش بيشوفك..
معتز:في الشركة اللي ببنيها جديدة..
مني:اسمها ايه؟!
معتز:مفاجاة...
مني:مستنين..
معتز:هتندهشوا اسم غريب..
سهي:مش مطمنة ليك..
معتز:لا بالعكس انا طيب خالص..
مني:اوي يا معتز..
معتز(بضحك):طيب...
معتز:عن اذنكوا...
مني:تاج اتأخرت؟!
نور:لا بتيجي دايما بعد الوقت ده..
سهي:اه فعلا..
مني:اقعدي يا نور..
نور:شكرا يا مدام مني..
و التلاتة قعدوا يتكلموا في مواضيع كتيرة تسلية للوقت..
***********************************
-في مكان تاني...
_عند جاسر...
جاسر خلص محاضراته و راح ل تاج..
جاسر:جاهزة نمشي؟!
تاج:اه..
تاج نزلت من علي السرير و وقفت و هي بتعدل هدومها..
جاسر:ورايا..
تاج:الخدامة بتاعتك يعني..
جاسر:ليه لا؟!
تاج ضربت جاسر بوكس في كتفه جاسر بصلها بطرف عينه..
جاسر:اركبي..
تاج:قولها باحترام..
جاسر زق تاج في العربية و قفل الباب و ركب جمبها..
جاسر:قال احترام قال..
تاج:علفكرة انت شخص حقير و حيوان و سافل..
جاسر:شكرا..
تاج:عيل قليل الادب..
جاسر:ما قولنا شكرا..
تاج:انت يا ابني ايه ما تحترم نفسك شوية...
جاسر:لو فضلتي ساكتة هعمل كدة..
تاج و جاسر فضلوا ساكتين طول الطريق..
جاسر:غوري يلا..
تاج:غورة تأخدك انت هتتكبر ياض علشان خليتك توصلني..
جاسر:هحاول افهم بطريقتي...انا اللي خليتك تركبي معايا غصب يعني كلمتي هي اللي مشيت..
جاسر ساق العربية و خرج بره القصر و تاج قعدت تدبدب في الارض برجليها...
تاج(بغضب):لو مقتلتكش يا جاسر لاكون فرماك..
تاج:ايه الهبل ده اوف..
************************************
-في مكان تاني...
_عند سيف..
سيف كان قاعد في بار بتاع رجال اعمال و قدامه كحول و بيبص للكوباية و سرحان في ملاك..
سيف:آه يا ملاك آه لو تعرفي قد إيه مشتاق ليكي..
سيف(بوجع):"لو تعلمي بأن دقات قلبي تُطالب برؤيتك, بسماعك,باحتضانك...كم اود أن اتي اليكي و أخذك بين ذراعي..كم اود رؤية عيناكي البنية التي مع ضوء الشمس تعطي بريقًا و لامعًا..كم من آهاتٍ اطلقتها من وجع قلبي علي فراقك"...
سيف(بوجع):"هل تسمعيني مولاتي؟! انني اموت شوقا لرؤياكِ لقد اقسمت بأن ابقي معكِ و لن اترككِ و لكن بما افاد قسمي و انتي لستُ بين يداي و لستُ ما تراه عيناي"..
شخص:سيف بيه..
سيف:ايه؟!
شخص:انا طارق فاكرني..
سيف:اكيد يا عم طارق..
طارق:انا بشوفك بتيجي هنا وقت ما تكون مهموم و حزين احكيلي فيك ايه...انت بتعتبرني زي والدك صح..
سيف حط رأسه علي الترابيزة و بص ل كوباية الكحول..
سيف:م ل ا ك..
سيف غمض عينه و استسلم للنوم العميق..
طارق:لا اله الا الله..
طارق اتصل ب عمر..الخط اتفتح..
عمر:الو يا عم طارق اوعي تقول ان سيف عندك..
طارق:للاسف و حالته اسوء من كل مرة يجي فيها هنا..
عمر(بتنهيدة):انا جاي يا عم طارق..
طارق:طيب..
بعد فترة عمر جه للمكان اللي سيف فيه..
طارق:اهو يا ابني..
عمر:شكرا يا عم طارق..
عمر:سيف سيف فوق..
عمر:فوق يا سيف يلا..
عمر حاول بشتي الطرق يصحي سيف بس قرب منه لقي مفيش تنفس..
عمر(بخضة):سيف...
عمر(بصريخ):اسعاااااااااااف..
بعد فترة بسيطة الاسعاف جه و نقلوا سيف المستشفي..
عمر(بخوف):ها يا دكتور طمني؟!
الدكتور:شرب كمية كحول كتير و عنده القلب الامر كان خطير بس تجاوزه...
الدكتور:اتمني يبقي في اشراف و الا هنخسر محامي شريف زيه..
عمر:تمام شكرا..
عمر دخل الاوضة اللي سيف فيها و بصله بغضب..
عمر(بعصبية):لو كان حصلك حاجة كنت هترتاح كانت ملاك هتعمل ايه من بعدك كنت هتسيبها للكل ينهش فيها و في حقها..
سيف:خلينا واقعيين مش متأكدين اذا كانت ملاك جوا مصر و لا ماتت..
عمر(لنفسه):اهدي يا عمر اهدي..
في رسالة جت ل تليفون سيف,سيف فتحها و اتصدم لما لقي ملاك نايمة علي الارضة و مربوطة و غايبة عن الوعي..
عمر:في ايه؟!
عمر قرب من سيف و شاف الصورة و حط ايده علي كتف سيف..
عمر:هنلاقيها..
سيف غمض عيونه بآلم..
سيف(لنفسه):"كم يصعب عليّ رؤيتك مولاتي و انتي بهذه الحال كم أتمني ان أتي اليك بسرعة البرق لاحملكِ بين ذراعي و نذهب الي عالم آخر ليس به سواكِ,فالقلب ضعيف من دونك و النبضات لا تكفُ عن ندائك"...
عمر:ها يا سيف؟!
سيف:ايه كنت بتقول ايه؟!
عمر:الرقم اتقفل و ملهوش موقع.. ناوي تعمل ايه؟!
سيف:معرفش عايز امشي من هنا الاول..
عمر:طيب...
سيف:يلا..
***********************************
-في مكان تاني...
_عند ملاك..
ملاك فاقت مفزوعة بسبب الماية اللي غرقتها..
...1:قومي يا اختي..
ملاك كانت بين الوعي و اللاوعي بسبب عدم اتزان دماغها...
لقت اللي بيشدها من شعرها مقدرتش تقاوم و لا حتي قدرت تطلع صوتها...
...2:قومي يلا...فكها..
بدأوا يفكوا كل اللي رابطين بيه ملاك...ملاك سندت بأيديها علي الحيطة لغاية ما قامت وقفت..
...1:تعالي معايا..
...2:لا معايا انا..
...1:و اشمعنا مش معايا؟!
...2:و اشمعنا مش معايا انا؟!
ملاك(بحدة):بس بس بتتخانقوا علي ايه؟!
ملاك:انا همشي لوحدي..
ملاك زقت واحد منهم و طلعت تجري علي بره مستحمله كل اوجاعها بس لسوء حظها خبطت في شخص ضخم...
ملاك رفعت عينيها و بلعت ريقها بخوف و رجعت لورا خطوتين لقت الشابين اللي فكوها..
ملاك:انتوا عايزين مني ايه؟!انا معملتش حاجة..
ملاك:قبل ما تقتلوني من حقي اعرف انا ذنبي ايه..
الشخص ده قرب منها و مسك خصلة من شعرها..
شخص:تعرفي شعرك ناعم اوي..
ملاك(بحدة):ابعد ايدك دي عني..
شخص:ليه بس هتنبسطي معايا اوي..
ملاك(بحدة):اذا كان جوزي اللي هو حلال ليا مقدرش يقرب مني...انت هتقدر تقرب تبقي بتحلم و يبقي الموت عندي اهون..
شخص:اسمي زاهر...جوزك اللي بتتكلمي عنه مات..
ملاك(بصدمة):سيف!!!
زاهر:امممممم مش مهتم بنفسه نعمل ايه بقي...يلا مش مهم بقولك ايه بتحبي اللون الابيض و لا الازرق انا بحب الازرق و كمان يلا مفيش وقت للحفلة يلا يا حبيبتي يلا..
زاهر مسك ايد ملاك و شدها وراه اما ملاك كانت تايهة و بتردد باسم سيف..
زاهر ركب ملاك العربية و ركب جمبها..
زاهر:اطلع..
السواق:حاضر يا بيه..
ملاك كانت بتبص علي الطريق و فجأة و بدون مقدمات كانت بتفتح باب العربية و كانت هترمي نفسها بس لقت الباب مقفول..
زاهر:قالوا عليكي متمردة و عنيدة و مش بتسمعي الكلام مصدقتش بس شفت بعيني و طلعوا مش بيكدبوا..
ملاك(بغضب):عملت ايه في سيف؟!..
ملاك مسكت زاهر من قميصه بغضب...
ملاك(بغضب)قسما بربي لو سيف فعلا مات يبقي الموت هيبقي حاجة بسيطة اوي قصاد اللي ممكن اعمله فيك...
ملاك(ببرود):و اياك اياك تثق في واحدة حبيبها فارقها....هتحرقك بمقدار الالم اللي هي بتعيشه..
زاهر خاف منها بس مبينش و زق ايديها..
زاهر(ببرود):انتي تنسي حاجة اسمها سيف دي بكرة هنسافر لندن...
بعد فترة ملاك لقته واقف قدام فندق و نزل و مسك ايديها غصب و دخل الفندق و ملاك كانت بتحاول تشد ايديها من ايده بس معرفتش..
زاهر:دي اوضة فيها فساتين اختاري فستان و تكوني جاهزة خلال ربع ساعة...ساعدوها يا بنات..
زاهر زق ملاك علي الارض و قفل الباب..ملاك قعدت تعيط و البنات واقفين حواليها..
...1:يلا قومي زاهر بيه لو ملاقكيش جاهزة هيقتلنا قسما بربي..
ملاك(بعياط و صوت عالي):مش عايزة حاجة انا عايزة اروح بيتي...
...2:طب قومي ابوس ايدك يلا..
قوموا ملاك و ملاك مأختارتش و لا فستان البنات اختاروا ليها و جهزوا ملاك و ملاك كانت بتفكر في سيف...
بنت:جاهزة يا زاهر بيه؟!.
زاهر دخل الاوضة و اتصدم لما شاف ملاك و جمالها..
"ملاك كانت لابسة فستان باللون الازرق بنص كم مايل علي الكتف اوي جسمها من قدام و الضهر باين..طويل اوي و فيه لمعة بسيطة و لبست صندل بكعب فضي...حطت مكياج بسيط روچ احمر غامق و كحل بس.. و الشعر علي شكل كحكة ل فوق مع نزول كام خصلة..و لبست اكسسورات بسيطة"..
زاهر مسك ايد ملاك برقة بس ملاك زقت ايده بغضب..
زاهر(بابتسامة):عادي..
زاهر مشي و ملاك غصب عنها مشيت وراه لغاية ما زاهر خلاها تدخل باب غريب كدة اتصدمت لما دخلت..
زاهر:ايه يا روحي عجبك المكان؟!.
ملاك(بصدمة):ايه ده!!!!!!!!
زاهر:حفلة..
"الحفلة كانت فيها رجالة الاعمال السيئة بالمعني الحرفي و كان في بنات لابسة مش لابسة و حاجات كتير بتحصل لا يُفضل ذكرها"..
زاهر مسك دراع ملاك بقوة و زقها وراه قعدها علي كرسي...ملاك لقت كل البنات بيبصوا ليها بحدة..
زاهر:عارفة بيعملوا كدة ليه؟!
ملاك:مش عايزة اعرف كل اللي عايزاه امشي من هنا..
زاهر:لانك معايا كل دول يتمنوا بصة مني ليهم..
ملاك(بعصبية):خلاص روح ليهم اما انا مش زيهم مش رخيصة زيهم لا..انا احسن منهم مليون مرة و انت شخص حقير و سافل و اناني..
زاهر:خليكي هنا متتحركيش لو اتحركتي حد هيموت زي سيف..
زاهر قام و راح اتكلم مع شوية رجال اعمال..
خادم:اتفضلي يا هانم..
ملاك(بغضب):مش عايزة حاجة...جتكوا القرف في شكلكوا...
خادم:متخافيش يا هانم مش كحول زاهر بيه وصي بعصير علشان خاطرك..
ملاك(بغضب):زاهر زفت ده مش عايزة اسمع اسمه بس...خليه يغور هو و عصيره و ناسه و كحوله و كل الدنيا اللي هو فيها...
ملاك(بغضب):و ابعد من وشي مش طايقة حد و لو قمت عليك هخليك قطع شرايح بانيه و اعملك في ساندوتش لاني جعانة هه..
خادم:انا اسف يا فندم..
ملاك(بعصبية):و انت يا بغل انت ينفع ادخل الحمام و لا دخول الحمام بروح حد..
زاهر:ايه يا حبيبتي؟!
ملاك(بغضب):حبك برص و عشرة خرس..
زاهر:امممم انتي علطول قليلة الادب..
ملاك(بعصبية):مع الناس اللي مش متربية زي جنابك انت و الناس اللي في المحل دي كله...
زاهر(بضحك):محل!!!ضحكتيني..
ملاك(بحدة):اضحك اضحك ممكن تبلع لسانك و انت بتضحك..
زاهر:انتي جميلة اوي يا ملاك و مضحكة و الواحد يستمتع معاكي اوي..
ملاك(بغضب):طب نحترم نفسنا بقي..
ملاك قامت وقفت بس زاهر مسك ايديها بغضب..
زاهر:راحة فين؟!
ملاك:الحمام و لا ممنوع..
زاهر:لا روحي..هتعرفي تروحي لوحدك؟!
ملاك(بعصبية):حد قالك اني عندي سنة؟!
ملاك راحت للحمام بعد عدة اسئلة كدة و اول ما دخلت الحمام لقت الباب اتقفل بصت وراها لقي خادم من بتوع الجرسون و لابس كمامة قفل الباب...
ملاك(بخوف):انت مين؟!
ملاك فتحت عينيها علي آخرهم لما الشخص ده قربها منه بقوة و (لخيالكوا)...
ملاك(بغضب):يا حيوان انت ا..
...:هشششش اهدي يا ملاك انا سيف...
ملاك فتحت عينيها علي آخرهم و فجأة سيف لقاها بتحضنه جامد و هي بتعيط...
سيف:خلاص اهدي اهدي انتي بأمان دلوقتي..
ملاك(بعياط):كنت خايفة اوي..
سيف(بمرح):واضح واضح ده انتي قعدتي تغضبي علي الكل حتي عمر..و كنتي هتعمليه ساندوتش باينه ..
ملاك:هو الجرسون اللي جه كلمني عمر!!
سيف:ايوه..
ملاك(بفرحة):يعني انت هتخرجني من هنا؟!
سيف(بابتسامة):اكيد..
سيف حضن ملاك بحب و ملاك بادلته الحضن..
سيف:اطلعي دلوقتي علشان ميشكش في حاجة..اقل من خمس دقايق و هنخرج من هنا و هأخدك البيت و نتكلم كتير كتير اوي لغاية ما تنامي في حضني و بين ايدي..
ملاك خجلت من كلام سيف و سيف باس رأسها و سند رأسها علي كتفه..
سيف:اوعدك هجبلك حقك منه كامل...و انا اسف اسف..
الباب خبط بقوة...ملاك اتخضت..
ملاك(بتوتر):حح ا ضر(حاضر)..
سيف شاور ل ملاك بمعني انها تهدئ,ملاك امتدت الثقة منه و باسته من خده و خرجت..
زاهر:ساعة في الحمام..
ملاك(بعصبية):هو انت ايه يا ابني منبه و لا ايه بالظبط ما تسبني براحتي..
ملاك(بعصبية):مش كفاية خاطفني..
زاهر:و الله؟!
ملاك:اوف رزل..
-ملاك راحت قعدت مكانها و حصل كلام و في رجالة جت قعدت مع ملاك و زاهر و بيتكلموا مع ملاك بطريقة معجبتش ملاك و غضبت سيف اوي...
و فجأة حصل ضرب نار من ناحية سيف و سيف شد ملاك معاه..
و الناس بدأت تهرب...زاهر بيبص ل سيف و ملاك بغضب.. و رجالة سيف بتضرب رجالة زاهر..
زاهر(بغضب):عرفت المكان ازاي يا ابن فؤاد؟!
سيف:بعدين لما تدخل السجن ان شاء الله..
سيف:دلوقتي بقي اخد حق مراتي..
ملاك:لا يا سيف بلاش تقتله حرام عليك ممكن تخش السجن في شخص حقير زي ده...ولادك محتاجينك يا سيف..بليز اسمع كلامي..
سيف نزل مسدسه اللي كان رافعه في وش زاهر و فجأة حصل ضرب نار من ناحية زاهر...
سيف خد ملاك و جري من باب غير اللي ملاك دخلت منه و كان مطل علي شارع معظمه ضلمة..
سيف:هجري بيكي ازاي بس؟!
ملاك:هو اللي لبسني كدة...
سيف:ما المشكلة انك جميلة و انا كنت هقوم اقتله في ايدي و ربي...بس هيجيله يومه متخافيش..
سيف:بس حاليا لازم نجري..
عمر:انتوا لسة هنا يلا..
-سيف مسك ايد ملاك و بدأ يجري بيها و عمر جمبهم بس فجأة في رصاصة اضربت من مسدس زاهر و التلاتة"ملاك,سيف,عمر"فتحوا عينيهم من الصدمة..

_السؤال:حصل ايه؟!و مين اتضرب بالنار؟!خمنوا🌚..
**********************************
يتبع::::💜..
بحبكوا💜..
يا رب الرواية تنال إعجباكم💜..
رأيكوا يهمني💜..