روايه حبيبتي المجهوله

البارت الاول

_انت بتهزر صح انت عارف انا اي وانت اي قال بتحبني قاال
روح شوف نفسك في المرايه وتعالا كلمني ياحبيبي

انا سيف عندي 21 سنه من الكلام اللي فوق دا اكيد عرفتو اني مش حلو وشكلي وحش بس مش مشكله هوصفلكو شكلي
انا بشرتي بيضه عيوني عسلي فاتح شعري اسمر وغزير نازل علي عيوني لابس نضاره كبيره الناس هنا في الجامعه مسمينها كعب كوبايه بشرتي فيها حبوب كتير اووي حب الشباب وزني 115 طولي 178 من الاخر محدش بيحبني ومعنديش صحاب
في كليه طب قسم امراض نفسيه وعصبيه مش دكتور مجانين زي ما اهلي بيقولو انا بحب القسم داا فدخلتو
اول يوم ليا في الجامعه كنت شايل كتبي ومقربها من حضني قربت النضاره علي عيوني ودخلت الجامعه في ناس كتير كانت بتبصلي بقرف وفي اللي بيضحك بس مهتمش تقدرو تقولو اخدت علي كداا
دخلت المدرج وقعدت في مكان فاضي وزي مايكون قنبله في المكان محدش قرب مني ومحدش قعد جمبي ولا ورايا ولا قدامي كنت مكسووف جداا من نظراتهم بس حاولت اتمالك اعصابي لحد ماجت بنت مشوفتش في جمالها شعر اسود طويل نازل علي ضهرهاا عيون واسعه ممزوجه بالون البني بشره بيضه ناقيه جسم رشيق فضلت سرحان فيهاا بس ماخدتش بالها مني اصلا جت قعدت في المدرج الي قدامي هي واتنين صحابهاا ميقلوش عنهاا في الجمال ضحكتها خطفتني كنت مركز علي حركتها وضحكتها وعيونهاا
خلصت اول محاضره وخرجت قعدت في الكافتيرياا كانت قاعده ع الترابيزه اللي قدامي فضلت مركز معاها شويه
ودخلت تاني محاضره بس هي مدخلتش كنت بفكر فيهاا وبتخيلهاا جمبي خلصت وروحت علي البيت
كملت يومي طبيعي جداا لحد بليل ونمت ف انا معنديش صحاب ومش اجتماعي
تاني يوم
دخلت المدرج قعدت وهي مفارقتش خيالي كل شويه ابص علي الباب اشوفها بعد شويه دخلت بضحكتها اللي خطفاني وقفت دورت بعيونها علي مكان وكالعاده حوالياا فاضي بس المرادي قعدت جمبي حسيت قلبي بيدق بسرعه جداا وبدأت اعرق بس بردو مأخدتش بالها من وجودي وبعدين دخل الدكتور وفضلت مركز في المحاضره ومتابع كل كلمه قاالهاا بعد المحاضره كنت بلم كتبي واخيراا سمعت صوتهاا
لو سمحت
سيف: سمعت صوتهاا ارتبكت هي بتناديلي اناا بصتلهاا وانا باين علياا التوتر اااا اناا
ايواا انت ممكن اخد الدفتر اللي سجلت فيه المحاضره لو مش هيضايقك يعني
سيف: لا طبعاا اتفضلي
شكراا جداا انا غصون
سيف: غصوون اسم جميل
غصون: شكراا جداا وحضرتك
انا سيف
غصون: اتشرفت
اصحاب غصون
انا لمي
وانا طيف
سيف: تشرفت بمعرفتكم
غصون: شكرا
سيف: مشيت غصون الله اسمها حلو اووي
فضلت طول اليوم بفكر فيهاا ومبسووط ياترا هي مش شايفه شكلي ليه هي الوحيده اللي قربت مني روحت علي بيتي وفضلت افكر فيهاا وابتسم لحد مانمت
تاني يوم
روحت الجامعه كان لسه بدري ع المحاضره روحت الكافيه لقيتها هنااك قعدت ع ترابيزه قريبه منها لقيتها جايه علياا
غصون: شكراا جدا ياسيف الدفتر اهو
سيف: العفو انا ممكن كل مره اسجل المحاضره واديكي الدفتر لو تحبي طبعاا
غصون: بجد شكراا اووي هتعبك معايا
سيف: لا طبعاا انا هبقا مبسوط
غصون: شكرا مره تانيه بااي
سيف: بااي
مش هتصدقو كنت طاير من الفرحه ازااي
ع ترابيزه غصون
طيف: شكلو طيب اووي سيف داا
لمي: هههههه ااه اووي عامل زي مستر كرنبو ههههه
طيف: حرام عليكي دي خلقه ربناا
غصوون: بس بس انتو هتتخانقو