احببت شيطان خفي (ملاكمتى الصغيره) بقلم اسراء عامر

احبك رغم امتناعى

*""""""”الفصل السادس عشر : *"""""""""

الشعور بالخوف شيء طبيعي ولكن اذا تحولت الحياه الى خوف يحوطنا ف اعلم ان هذا المرض بعينه فلا تدع الخوف يسيطر عليك دائما كن انت من يحافظ على موازين مشاعرك ايا كانت ........!
ركان : همس!!!
محسن: ايوا للاسف دخلت اللعبه
ركان: بحده  طيب اسمعني همس تتراقب اربعه وعشرين ساعه ولو حصل ليها حاجه ي محسن مش هيكفيني موت الكل فاهم
محسن : تحت امرك ي باشا بس ليه !
ركان: بغضب من امتي بتسال ليه ي محسن بس هقولك علشان هي الانقذت اخويا ودا دين عليا ومالهاش ذنب تدخل اللعبه
محسن: باستفهام ما حنين دخلت اللعبه عادى
ركان: بهدؤ حنين هي الختارات تدخل اللعبه من الاول بمزاجها مقابل الفلوس ولا نسيت انها كانت مع اكرم
محسن:باحراج وتبرير  بس كانت مراتك وكان ممكن نلغي الثفقه و تعيش
ركان: بحده و اكرم وعصام كانوا يكسبوا وايوا هي مراتي لكن دى خاينه واكرم مقلبش عليها الا لما حس انها ممكن تفضحو لينا وتكون معانا علشان كدا خطفها ولما انا موافقتش عرف ان انا عارف انها معاهم فباتالى معادتش تلزموا فقتلها
محسن:وهو ينظر إلى ملامحه التى أصبحت شراسه فاردف بتوجس  وهمس!
ركان : مصححا بعيون تضئ من لونها الكهرمني من كثره الغضب اسمها استاذه همس او متقولش اسمها خالص وقولتلك دى مختلفه ولازم تحميها
محسن: بتفاهم نص ساعه ورقمها هيكون عندك و هحميها بنفسي احنا عنينا لمدام ركان الحريرى بعد اذنك
ركان: بابتسامه فدائما يثبت محسن له انه يفهم ما يفكر به فلاعجب انه دراعه اليمين
..........................$
صباح اليوم التالى
عند محمد فالمستشفي
سميره: حمد لله على السلامه اى ماما حنان مش هتيجي علشان تروح معاها
محمد: ههههه ماما حنان زعلانه اني سبت مغاره على بابا الكان نفسها فيها
سميره: بعين قويه ودون حرج ولا يهمك تعال معايا على بيتى ماما هتفرح بوجودك
محمد: بستفهام طيب وامك هتقول اي !
سميره: هي عارفه اننا هنتجوز اقعد معانا النهارده وبكرا نكتب الكتاب
محمد: طب ما اروح شقتنا احسن
سميره: هتقعد فيها لواحدك
محمد: ايوا على ما بكرا بقي انتى تنوريها
سميره: خلاص ي حبيبى تعال نروح هناك
...........................$
امام المطار
كان يودعهم ويوصي ابنه بأن يركز جيدا في غيابه
محمود: خالى بالك من الشغل ي وليد وفكر فى كلامنا تاني ودى لنفسك فرصه
وليد : ان شاء الله تيجوا بالسلامه
..............$
ثم ذهب وليد الى المقابر كعادته كل يوم لكن اليوم كان مختلفا فهو يشعر بالذنب انه سمح لقلبه يدق لاحد غيرها فاردف باسف انا اسف ي ملك انا محبتش غيرك ومش هحب بعدك ثم اردف ب اصرار ومش هسمح لقلبي يدق لغيرك ابدا وخرج منطلقا الى شركته وفى دخله يقسم على ان لا يفكر ب غيرها ايا كانت
............. .......$
من دخل شقه صلاح
- يبني هتفضل لحد امتي حابس نفسك فى الاوضه كدا انت انسخطت خالص يبني حرام عليك نفسك
فتحى: ..........
سناء: يبني رد عليا متوجعش قلبي السكوت دا غلط طب قوم كل حاجه بلاش تتكلم
فتحي: نظر اليها بلوم ثم تمدد على فراشه واغلق عينه لعل النوم يرحمه من هذه الحياه فقد فاق على واقع بشع لم يتخيله يوما
سناء: بيأس لازم لما ابوك ييجى يشوف صرفه انا تعبت
........................$
من دخل شقه عائله المهدي
تحدث إليها بحزن 
قدرى: ابنك طلع امبارح من المستشفي
حنان: بحزن ولكن تصنعت القوه عرفت زمانوا قاعد مع حبيبه القلب
قدرى: طب اى خلاص كدا نستيه دا الوحيد ي حنان
حنان: بقسوه لا منستوش بس هو الختار وانا متاكده اختياره غلط وهييجى يوم ويندم فيه لحد اليوم دا بقي انا مش هسئل فيه خليه يتحمل نتيجه اختياراتوا الهباب
قدرى:بلوم  طول عمرك انتى بتشجعيه يكون معه فلوس زاي خالوا عمرك ماقولتى ليه قد ايه خالوا تعب فى الفلوس دى وبرضوا خطبتي ليه همس علشان الفلوس فمتجيش دالواقتى تعيبي عليه وانتى السبب فى كل دا واختياراتوا
حنان: بنرفزه انت شمتان فيا ي قدرى
قدرى: اشمت فى ابني ومراتي ازاى بس لكن انا بوريكى العينك مش شايفه مش اكتر
حنان: بجحود خليهولك مش عايزه اعرف
قدرى: هههه طول عمرك متسمعيش غير لدماغك والى فى يوم هتخليكي تندمي على كل حاجه واولهم خسارات ابنك الطلعتيه شبهك يخسر اى حد علشان الفلوس عادى وتركها وذهب
...................$
من دخل منزل الحريرى
*""" خصوصا حجره سامر
سهام: مش كنت قاعدت كمان يومين فى المستشفي ي حبيبى
سامر: بإصرار لا انا هرتاح هنا اكتر وبعدين علشان تقولوا ل خالوا وعبدالله ييجوا علشان خطوبه ندي الفرحه حلوه برضوا
عبدالعزيز: مزاحا وهتحضر الخطوبه معانا وانت مربط اكده
سامر: ههههه دا شرط اساسا اكون كدا علشان اذلهم بعدين قد ايه انا ضحيت علشانهم هههههه
مروان: بنشاط وتأنق صباح الخير
الجميع: صباح النور
مروان: مازحا مجمع الكل حواليك والله وبقيت مهم هههه
سامر: بضحك لا ي ابيه انا طول عمرى مهم لكن انت مخدتش بالك هههههه
سهام: مقترحه طيب اي رايكوا نقراء الفاتحه والخطوبه بكرا
ركان : بدهشه فاتحة مين !
مروان: ندي انت نسيت !
ركان : ايوا افتكرت بس ليه الاستعجال
سامر: اهو فرحه ي ابيه
ركان: تمام التشوفوه بعد اذنكوا
وتركهم وذهب وكل منهم يخطط للغد كيف سيكون فهي اختهم الوحيده ويريدوا ان يدخلوا السرور والبهجه على قلبها الصغير
....................$
نفس الوقت في الصعيد عند اكرم
فرجاني: الحق ي كبير المزرعه الشرقيه اتحرقت ي كبير
اكرم : بصدمه بتقول ايه عملتها يابن عبدالعزيز الحقتوا شيء منها
فرجاني: لا ي كبير كلها بقت فحم وفي تلات احصانه ماتوا
اكرم: مقاطعا سامر مات!
فرجاني:بتوجس لا ي كبير الطلقه كانت في درعوا بس
اكرم : بغل كلو من الحرمه السعدتوا عملت اي فى موضوعها
فرجاني: مرقبنها ي كبير بس هي مالهاش علاقه بولد عبدالعزيز وفى الاخر حرمه واحنا مش بنقتل حريم دى عيبه في حقنا ي كبير
اكرم : بحده القولوا يتنفذ وفى اقرب فرصه تقتلوها علشان كلو يعرف اليقرب من رجالتى بنهيه وبنسبه لعبدالعزيز وعيالوا جاى عليهم الدور والمره دى هيكون على الشيطان ذات نفسوا تعال نشوف  المزرعه علشان هدفعوا تمن الزرع والمواشي غالى قوي قدامي ي ولد
....................$
في شركه المرشدي
يتجنب وليد الحديث مع ياسمين تماما لكي يستطيع ان يسيطر على قلبه اما بالنسبه ل ياسمين فلا يهمها كلامه معها من عدمه فهي لا تكن له اي مشاعر سوء الخوف من نظرته الجامده في بعض الاحيان .....
................$
منتصف اليوم فى احد المطاعم
مروان: تحبي تطلبي اى
ولاء: بإحراج ممكن لمون
مروان : تمام واى كمان! 
ولاء: بستفهام بس
مروان : بس دا وقت غداء اظن لمون مش كفايه
ولاء:بهدؤ وذوق متشكره انا مش جعانه كفايه لمون
مروان: باصرار لكن انا عايز اتغداء وهتتغدى معايا خلاص النقاش لو سمحت اتنين سمك مشوي و سلطه تحبي حاجه تاني !
ولاء: بدهشه بس انا مش بتغداء
مروان : موجهه حديثه للنادل تقدر تتفضل انت هات الطلبات ومعهم اتنين عصير مانجا
ولاء: بنرفزه ممكن اعرف حضرتك طلبت تقابلني ليه واى الموضوع
مروان : بهدؤ الصراحه مفيش موضوع
ولاء: بصدمه نعم!
مروان : بشرح انا عارف ان دا اسلوب مش كويس وبعتذر عليه لكن انا حاسس اني شوفتك فى مكان قبل المحكمه
ولاء: ودا هيفرق معك في اي
مروان: بحيره مش عارف
ولاء: طب بعد اذنك لما تعرف ابق عرفني سلام
مروان: بعصبيه انتى رايحه فين
ولاء: بعند ماشيه عند حضرتك مانع
مروان: ايوا اقعد لو سمحتى نتغداء سوا
ولاء: باصرار انا مبتغداش مع حد معرفوش ولولا انك قولت موضوع مهم مكنتش قبلت حضرتك بعد اذنك وتركته وذهبت تائه لا يعرف لما فعل هكذا ولما يصر على انه قد راها من قبل وايا يكن ما الفرق سواء اقبلها ام لا لكن الوضع لها مختلف فهي كانت في غايه الفرح من اصراره وتلاماسات بدايات حبه لها ولكن حزنت انها تركته وذهبت ....
..................$
مساء ذات اليوم
اردف الماذؤن قوله الشهير عقب عقد اي قران بارك الله لكما وبارك عليكما وجمع بينكما في خير وكان الحضور يعدوا على اصبح اليد حيث لم يحضر سوء العريس و العروسه ووالدتها وبعض الشهود فقط.
محمد : مبروك علينا ي حببتي
سميره: الله يبارك فيك
هيام : طيب ي حببيبى نمشي احنا وان شاء الله اجيى ليكوا الصبح
*اسراء عامر