🌸💍يوميات جارات💍🌸|مكتملة✨️

الحلقة23: الخطوبة

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة23: #الخطوبة
📖💜الجزء 1📖💜
اليوم هو اليوم الموعود و لي هو خطبة سكينة و امها طامو..البنات مجموعين فدار مينة تيوجدو فلحلوة...
إكرام:سكينة مديلي الزنجلان اصحبتي مكتشوفينش مثقلة
سكينة:هااكيي هاااكي اوووف راني متوترة بزااف اصاحبتي عدريني
إكرام:ماتوتريش اصاحبتي وزعما كتعرفيه مزيان ياله شهيق زفير شهيق زفير ههه
سكينة:اووووووووف استغفر الله اش تنعرف اصاحبتي معاه الى الراس فالراس
إكرام:جلسي جلسي تهدني اصحبتي عيقتي واه هدشي كاملو خلعة اش درتي دابا علم الله اش ديري ليلة العرس
امينة تضور فعينيها:شوف اوا شوف لي كانت تتنصحني نتهدن هههه
سكينة:علاه شكون قال ليا حتى انا انتخطب؟؟
إكرام:اش تقولي عليا اللي معمري شفتو كان شوية التوتر مي ماشي كاع هاكا نتي شوية وطيحي شوفي وجهك صفار بالخلعة كولشي غيدوز بخير ان شاء الله
سكينة:انشااااء الله اختي
مينة:متخااافيش (غمزاتها) عارفاك شويطينة مع راسك ههه
سكينة:هههههه الله يمسخك
إكرام:عطيني ا سكينة شوية من هاديك الحلوة حمقاتني سكينة:هاكي ا الزين
إكرام:عرفتوا ا البنات غلاضيت يزااف هاد البنت عندي شهيتها مفتوحة ديما راني كناكل ايلا بغيت هاكا غاضيع الفورمة غير تخرج الكبيدة ديالي نعطيها للرياضة انا ومينة ياك ا مينة ههه؟
مينة:اشمن رياضة حتى نتي هكا بغاني مولاي الشريف هههه إكرام:ههه راجلي مكيبغيش الغلض وانا عاد ما كا نزيد
سكينة:اه ا البنات الرشاقة تم الرشاقة تم الرشاقة هههه امينة:هدى ستغلت الفرصة و بغات هي تقابل الدراري باش تهرب من الشقا
إكرام :هه اييه ولكن واخا هاكاك تبدلات ولات احسن من الاول يمكن غير حيت ياله وصلات من المطار بغات ترتاح شوية و ولدها شحال زويون ما شاء الله كيحمق
سكينة:ااه غير ديال لعضااان هههه
إكرام:خوفاتني يا ختي واحد الراس كيقولي نولد بالفتيح ونتهنى و واحد الراس كيقولي نولد عادي باش نحس بالامومة دك الساعة
مينة:ولدي كيفما ولدو كاع الناس حتى نتي 
سكينة:ديري لي يرييحك ا حبيبة
إكرام:الله يعاونا
كاملين بقاو كيديرو الحلوة و حيت بزاف بيهم دغيا سالاو و ستفوها فبلاطووات...
إكرام:ها حنا سالينا ايمتا غا تجي الطيابة؟؟
مينة: راني تاصلت بيها غاتجي هي و بنتها
إكرام:سكينة طلعي دوشي بحرا تسالي تقاد ليك خديجة
مينة: والله الى فرحت ملي جات خديجة تحضر الخطبة الله يرزقنا شي حجة حتى حنا
إكرام :اميين ياله اسكينة طلعي دوشي ماتنسايش تطلي الماسكات
سكينة:اه اختي غنطلع دابا هه متخافيش مفكراهم
إكرام:غا قلت نفكرك ازين ياه سيري خديجة طلعي معاها تا نتي بحرا توجدي دكشي اللي خصك
خديجة:واخا هانتوما حضيو معاكم بنتي بيسان
امينة:ماتخافيش راها ف أمان
بقاو البنات كيجمعو الدار و امينة طلعات عند هدى باش يدوزو عند دار سكينة يقادوها اما إكرام بقات مع مينة مقابلين الطيابة اللي جات و طيبات كولشي...
مينة: لالة زبيدة(الطيابة)عافاك عمري ليا واحد لخبزة لمولاي الشريف
طامو خرجات من لكوينة طالية الطين لوجهها: مابانشلكم سي الروفيكس؟؟
امينة: هههه راه مشا مع الرجال عند الحلاق
هزات طامو التليفون كتصوني مجوبهاش السيد كايحسن...
الروفيكس: اممم شوف ا سي عبدالله التحسينة كيكانبان ليك هههه؟؟؟
عبدالله: ماعندي مانقول شاب تباركالله
عمران: هههه اه السي الروفيكس تباركالله باقي شبابي
محمد كايدير الذهنة لشعرو: وانا كيجيتكم اممم شي حساد مكيهضروش ههه(غمز هشام)
هشام: هههه مغانديهاش فيك ليوم غانتزوج باجمل بنت فالكون
عبدالله: وايلي زعما تكون حسن من مينة هههه
الروفيكس: اشكاتعرفو فالزين ههه
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة23: #الخطوبة
📖💜الجزء 2📖💜
عبدالله: واحد علي كاع مابان هه
الروفيكس: شكون هذا؟؟
عبدالله: جارنا راجل هدى عاد جاو من كندا
هشام: وااو حتى انا بغيت ندوز شهر لعسل فشي بلاد برا
عبدالله: انا راني مدوز شهراين برا بسبب لوحم د مينة ههه
عمران: امتا غاتولد ليك لمدام تقريبا حيث انا مخلوع كثر من مراتي ههه
عبدالله: معرفناش عنداك غي لا تولد فالعرس هههه
🌸فدار مينة🌸
إكرام:خالتي زبيدة ديريلي شوية دالدغميرة دالدجاج فالخبز و شوية داللوز
زبيدة:اويلي اححاي هادي بغات ل بوركابي ديالها وتي لكرشك بغيتي الضياف يبقاو بلاش؟؟
إكرام:واعافاك اخالتي راني منقدرش نصبر بنتي بغات دغميرة راه الخير موجود غا عطيني
زبيدة:تهزي لهيه ياك ما بقى وحم؟؟
إكرام:خالتي بنتي مكتعرف لا وحم لا والو خصها تاكول وا مينة عتقي ختك
مينة: هااكي هاد لخبز خبيتو لمولاي الشريف دايز فيك
إكرام:سيري يا مينة الله يخفف عليك حريق الولادة
مينة:اميين معرفت واش وجدتو الصالة هاني غانطلع نقولهم يديرو لبخور و يقادو الطوابل و التمر و الحليب
طلعات مينة هي وطامو تشوفهم فين وصلوا لقاتهم قريب يساليو وتا سكينة بدات فالماكياج اما إكرام بغات تخلي تال من بعد وتطلع باش ماتهبطش وتطلع تاني حيت الحمل الأول جاها صعيب دغيا كتعيا..
إكرام كتصوني لعمران:الو حبي شنو كادير؟؟
عمران:كنحسن 
اكرام:😳😳😳 شنوووو؟؟
عمران:درت قريعة
إكرام:اويلي احء احء احء خالتي عطيني الما امم الحمد لله
عمران:مالك ادبدوبتي كتاكلي تاني عندك تخلينا بلاش
إكرام:امم باقا مبغيتيش تحيد هاد دبدوبتي
عمران:ايوا نتي اللي غلاضيتي ههه
إكرام:اش ندير بنتك اللي خرجات وكالة بحال باباها ولمن غير نولد نوريك دبدوبتي اش هي غولي مانكة ههه
عمران:نتي فكل حالاتك زوينة احبي
إكرام:امم اجي لهنا كدوخني ياك علااش حسنتي ونتا عارف شعرك كيعجبني
عمران:ههه كنضحك معاك راه باقي مقستوش
إكرام:واااياك تقيس شعرة منو راك عارف مكنبغيش صليعة
عمران:اوكي الحوب تهلايلي فبنتي عطيها تاكل
إكرام كتاكل:بلا متوصي احياتي مواح
زبيدة هاكا صبع على وجهها:اححاي على جيل اليوم
إكرام:مالك اخالتي ههه ياك راجلي حلالي
زبيدة :تي فزماننا كنا منطلعواش الراس فيهم 
إكرام:ايوا اخالتي هدشي عادي مخصش الحشمة مع راجلك خص العفوية
زبيدة:عوفية شنو هاد عوفية
إكرام:ههه عفوية زعما تهضر وتضحك عادي 
زبيدة:احح احح على هاد الجيل
إكرام:طيابك بنين اخالتي ان شاء الله السبوع نعيط عليك 
زبيدة:ربي يخليك ابنتي ايوا ربي كيجيب الرزق ماتلي الراجل خلالي الأولاد خصني نصرف عليهم المسؤولية صعييبة إكرام :بصح اخالتي صعيبة تا انا معنديش بابا موتو كانت صعيبة معمري نسا دك النهار (تنهدات وبدأت تبكي) الله يرحمهم
زبيدة:متبكيش ابنتي ربي عوضك براجلك و ببنتك
🌸فدار سكينة🌸
سكينة:كييف جييت واش مزاال مساليتي؟؟
خديجة:غيير بشوية عليك مالكي متوترة هكا و تترعدي ههه
سكينة:اودي خايفة شوية و صافي
خديجة:متخافي والو كلشي تيفوت هااا حناا ساليناا ليك تباارك الله ما شاء الله شحال غزالة و تتحمقي ليوم ايتسطا سي هشام ههه
سكينة"حشمانة ناضت تتشوف للمراية:واااو رضيتيني بحال دوك الاميرات هههه الله يعطيك الصحة و صافي  خديجة:تستاهلي ازيين عهه
أمينة:واو تتباني كتحمقي احبيبة
هدى:ويي كييوت كتحمق تبارك الله عليك اخديجة
خديجة:هي خصني نفتح شي صالون هنا
هدى:وي غتجيبي لي كليون
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة23: #الخطوبة
📖💜الجزء 3📖💜
🌸فدار مينة🌸
إكرام:مينة واش لبستي صافي انا صافي واجدة
مينة:ايه ايه واتاني هاد القفطان الصفر
إكرام:ههه ايوا ياله نطلعوا قبل ما يوصلوا..خالتي زبيدة دبا نعيط للبنات يجيو يهزوا معاك الطناجر
زبيدة:واخا ابنيتي غنتسناهم
طلعات إكرام و مينة لفوق فدار سكينة و دخلو...
إكرام:فين هي العروسة بسم الله ما شاء الله الله يحميك من العين قراي المعوذتين احبيبة
سكينة:لهلا يخطييكووم ا البنااات و يحفضكوم ليا شحاال فرحااانة بوجوودكوم معاايا بجنبيي تشاركوني لفرحة ديالي
مينة:ااييييه الى تزوجتي شكون ايقابل ليا لوليدات حتى ولفوووك عاد باغا تهربي ههه
سكينة:هههه معندي فين نهرب ازين راني معاكوم فهاد لعمارة نسيتي بلي هشام هنا فين ساكن هههه
امينة:شكوون قاال سوكا و هشام ايتزوجو عههه
هدى:فنييونين تبارك الله عليكوم مينيوون
اكرام:راه الاقدار بيد الله ا البنات
خديجة:ايواا الله يككمل بلخير
إكرام: امينة هدى هبطوا طلعوا الحلوة و الطناجر من التحت خالتي زبيدة تتسناكم
خديجة:اه ياله تا انا غادي نهبط نعاونكم
إكرام:فين هي خالتي طامو؟؟
سكينة:و الله معرفت سادين عليا فهاد لبيت من ديك الساعة هههه
إكرام:غتكون تا هي كتقاد ههه غاتركبوا الخواتم اليوم ياك واش راهم عندك؟؟
سكينة:ااه (جبداتهوم من الماريو)هااهوما ا حبيبة
مينة:اريي نشوف
إكرام:تيحمقو دوقك زوين نفس الدوق ديالي
سكينة:ههه وايلي اشمن شهر فاش مزيودة نتي؟
إكرام:شهر 9 نهار 20
سكينة:انا شهر 9 نهار 7 ههههه نفس الشهر
إكرام:ههه وانا نعيق ههه هاهما البنات جاو عطيني الخواتم نقادهم فالصينية
سكينة:هاااكي اجي نتوما بانت ليكوم ماما ملي كنتو هابطين؟
خديجة: مشفناهاش
أمينة:كاع ما بانت ليا
هدى: هاهي ههه هايهاي على طاميتا والقفطان بيض
سكينة:تباارك الله ما شااء الله ا ماما منوورة ههه
طامو:هانااا كيجيتكم يتزعط ولا ما يتزعط؟ الجميع:يتتزعععععط ههه
إكرام:هاهما جاو كنسمع الزغاريت
سكينة تيضرب قلبها بجهد:نااري هاهوماك تيقربوو
إكرام:امينة نيشي عليها بديك الحرابة غادي تسخف ههه دابا شكون غيستقبلهم؟؟ مينة دوزي حلي الباب
مينة:هانا غادة(حلات الباب) ياااو مرحبا مرحبا ياو نهار غليض هادا دوخلوا دوخلو مرحبا اجي اهشام هنا نبخر ليك تفتقتتتف ياله زيدوا 
ربيعة:اهلا عشيرتي مواح مواح كيف بقيتي اموكرش؟
مينة:بيخير ا العزيزة زيدو سيي الروفيكسسسس ياااو جا معاك الكومبلي نعاماس
الروفيكس:يحفضضك ا بنتي 
مينة:مرحبااا بييكوم و الف مرحبااا لولولولوووووووووووي
اكرام:البنات واش الحلوة محطوطة فوق الطبلة؟؟
امينة:اه حطينا دواز اتاي كولو
الروفيكس قال بالزربة:انا جيت طالب راغب ف زينة النيا لالة طامو
مينة:ههه وا خود لك اتاي منعنع اسي الروفيكس عاد ندخلوا فالموضوع (كتصفق)اجيبو هاه افينكم اااه اجيبو المسرارات
سكينة شدات ف هدى:نااري ا ختي قلبي غيسكت
إكرام:هاهما كيعيطو ياله نوضو
طامو دافعة صدرها وغادة تفرنس...
إكرام:ههه خالتي اجي دي معاك بنتك شجعيها
هدى شادة ف سكينة: متخفييش احبيبتي كلشي غادي يدوز على خيير(كاتقادلها)يخليلي الزين طالعة كاتحمقي
سكينة و طامو داخلين بالزغاريد و الصلاة و السلام...
ربيعة:ما شاء الله تبارك الله على عروستي زيدي جلسي حدايا
مينة كتكب اتاي مطلعة البراد و واقفة معاه باش دير الكشكوشة:مرحبا مرحبا خديتي و عرفتي اش تاخدي الالة ربيعة
الروفيكس :اححم احمم ندخلوا فالموضوع
ربيعة:حنا جينا طالبين راغبين ف سكينة لولدي هشام و لالة طامو لسي الروفيكس ومعندي منقول فيهم الرجلة والدراع
سكينة حانية راسها:مرحبا بيكوم
ربيعة:ترحب بيكوم الجنة ختاريتي و عرفتي متختار ا ولدي هشام ههه 
مينة فمها عامر حلوة:واييه تبارك الله و الصلاة على النبي وصافي على ختي سوكا راها تتعرف طييب و دير كلشي
طامو:احم احم اييه طلعات لمها تبارك الله
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة23: #الخطوبة
📖💜الجزء 4📖💜
مينة:تا حنا ما تلقاوش ما حسن منهم الزين والتباثة والحداكة خمسة وخميس (كتشير بيديها) زيدو زيدوا كولو كعب حمار ههيهي بغيت نكول كعب غزال
ربيعة:الخير موجود اخويتي مينة ايوا اش قلتو رانا عائلة ومعرفة كولشي على عينيكم موافقين اعرايساتنا؟؟
طامو:الله يكمل بلخير و صافي نشوفو البنييتة واش قابلة سكينة حانية راسها حشمانة...
نقز هشام:ايواا السكووت علامة الرضا ولا لا ا سي الروفيكس (غمزو)
الروفيكس:ايييه اييه اولدي زيدو نقراو لفاتحة
إكرام:هههه ايوا دابا مزيان 
هدى:اووه شحال جونتي كيحمقواا
امينة:يستاهلو بجوج
خديجة:ربي يكمل كلشي بالخير
قراو الفاتحة و ركبوا الخواتم من بعد ناضت مينة باش يحطو العشاء فالكوزينة مينة طلعات القفطان بقات بسروال سندباد كيسرسر...
إكرام:ههه اش داكشي كيسرسر تحتك؟؟
مينة:كحازي نعمر تي هادو دبالجي و كورميتاتي خفت ديك العقروشة تسرقهم
إكرام:تا نتي المرا باينة ضريفة
مينة:لا ثقة يا الحبيبة خليت بابي مترع اش عرفني ما تدخل لعشي ياله هانا غنحط ليهم يحنجرو
بقاو يتعشاو شوية تسمعت شي حاجة تفركعات بوووووووووم
سكينة شدات فقلبها:ناااري شهاادشي؟؟؟ 
مينة:تف تف تف وحلو ليا الدغمة
هدى:اوه لالا سيكوا سااا
إكرام:اش هادشي يا ربي السلامة
أمينة:ناري قنبلة هادي
هشام:بقاو هنا نشوف اش طاري
سكينة شادة فحنكها:اهيا ناري اش واقع هنا واش داعش لي سيفطو شي قنبلة لدار مينة ولا شنو
إكرام:اويلي على داعش الله يحفظ
خرجو لقاو الدخان طالع من دار مينة مشاو لقاو البوطة الكبيرة تفركعات والحيط د الكوزينة راب...
مينة: اويلي كوزينتي ميعناتي(جلسات فلرض)اهياناري كنت حاطة فلحيط لومية د الفين و سطاش جاتني من الحج اهي اهي
امينة:ناري على موصيبة 
هدى:اوووف اوووف سيكوا سا تخنقتتت هنا 
طامو:واش نسيتو لبوطة شاعلة ولا شنو؟؟
خديجة:ياربي تلطف اش هادشي
مينة: عبدالله عيطو على لبومبية اهي اهي فين عبلااااا 
سكينة:تهدنيي ا حبيبة تهدني 
هشام:هادشي خصو التحقيق جاب الله مخلفش خسائر بشرية
إكرام:شكون خرج من الدارر آخر مرة؟؟
مينة: متككون غي ديك زبيدة الطيابة فينهيا جايبة ليا بناتها يزردو
سكينة:اااه حگا فين الطيابة ياك خليناها فدارك؟؟
طامو: راني قلت ديك لحلوفة مغريباش عليا معرفت فين شتها
إكرام:الله أعلم منحكموش عليها دابا يبان كولشي
تم جاي واحد الراجل طويل قد بوطو د الضو و كرشو سابقاه هاز عصا:اش ش ش ش نووو طا طا طا طاري فعمارتي طامو:الاسفهااااااني😱
الروفيكس:الأسفهااااني شتدير نتا هنا 😱😱
الاسفهاني: ش ش ش ششنو و و و واقع ف ف ف ف ع ع ع مار ر ر تيي ااي اي اي هاي الس السي السيبة ا سي الر الرو الرووفيكس ز ز ز عما در در درنا بوجهك
الروفيكس: راها واحد الطيابة واقيلة مولات لفعلة
الاسفهاني: شو شو شو ف حطو ليا ما ماما ناكل و و و من بعد نق نق نقلبو على ش ش ش كون دارها 
طامو:على الراس و لعين اسي الاسفهاني زيد مرحبا بيك
سكينة شادة الضحكة تتنغز فهشام قالت لو بشوية:الأسفهاني خههه عقلتي
مينة: واش ابنادم هادي وقت لماكلة اهي اهي
سكينة:صافي ا حبيبة تهدني كلشي ايتصلح انشاء الله يالاه عندي لدار
الاسفهاني: ه ه هذ ذ ذي ا ا طي طياا باا دارتها ها ها ب ب بي بيكم كا ااتفرگع ل ل بو بوط بوطات ب باش ش ت تل تلهي الن نا ناا ناس و و تش ش فر
امينة: مال هذا كايتقطع ههه
مينة: اش قال؟؟
طامو: نوووضي ا زغبية شوفي ذهبك
سكينة:اوييييلي فين غتكوون دابا مشات؟؟
هشاام:كييفاش تتسرق شفتو قلت ليكوم خصنا نفتحو شي تحقيق
الاسفهاني:خر خر خر خرجوا عل عل عليا ما ما يب يبقى حد ف ف ف عمارتي
مينة: راني مخبية ذهبي فسروالي لكن بلاتي مندافي دلبلاكيور بقا فلماريو
طامو: منداف؟
مينة: ااه واحد المنداف كايشدو بيه لحلوف شراه ليا عبلا نهار حملت بالتوأم
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة23: #الخطوبة
📖💜الجزء 5📖💜
طامو:الله يهدييك ا سي الاسفهاني راه غا سوء تفاهم
الروفيكس:يالاه بعدا طلع تشرب واحد كوييس د اتاي و نتفاهمو
طامو شافت فالروفيكس: حبيبي شو كيدير مع هاد المعطوب مينة: وازيدو معااايااا نجيب مندافي
إكرام:اجي لهنا حماقيتي شوفي الدخان كيداير
سكينة:اجي اديك المسطية لهنا 
هشام:ختي مينة رجعي لور احسن
جاو لبومبية و طفاو النار و هشام فتح تحقيق...
مينة: عبلا اهي اهي بغيت مندافي
الاسفهاني كيترعد عليهوم:كوكوكوكوكولشيي يخ يخ يخ يخرج جم جم جمعو حوا حوا حوايجكوم
مينة: سي الروفيكس جمع هادا لوحو فشي بيت قبل منبرد فيه جنوني
طامو:يالاه ا سي الاسفهاني نتفاهمو فداري بنتي ليا عييان شوية
ربيعة كانت مخبية مور إكرام والبنات تا تطفات النار عاد بانت:طيرتها مني خلعة
ربيعة قربات منو: مجاتش ولدي مزال حتى مسخن بلاصتو هنا و تخرجوو من هاد العماارة ا سيدي
الاسفهاني لمعو عينيه و بتاسم:رارارارا ربيعة
إكرام نغزات سوكا:بانلي غيتولد حب جديد اليوم و غيوليو 3 خطبات ههه
سكينة:ههه تي شوفي سي الاسفهاني ملي شاف عگوزتي تيلمعو عينيه بلحب احح فكرني فشي عينين ههههه
عمران ومحمد وعلي طالعين بالزربة فالدروج...
محمد:امينة لباس عليك مطرا ليك والو؟؟
امينة:لا متخافش موقع والو
عمران جر إكرام بعيد:حبي تخلعت عليك ياكما تخلعتي ولا شي حاجة؟؟
إكرام:لا الحمد لله تا حد ما طراتلو شي حاجة
علي:بب صافا توا؟؟
هدى:وي بب صافا
علي:فين ولدنا؟؟
هدى:حطيتو فبلاصتو ناعس فدارنا 
الاسفهاني:صاصاصافي ماماعندكوم فيفيفين تمتمشيو
مينة:اهئ اهئ كوزينتي مشااات وفين نطيب البطيبيطاات و فين ندير المجامر
الاسفهاني دافع صدروا وكيشوف ف ربيعة: صاص صاص صافي الكوكوكوكوزينة على حساساساس بي
مينة:العار انعاماس لا لقيتو شي حجابات كوحل سيفتهوملي
سكينة:ههه شفتي ا مينة دابا صفاو لخواطر
تهدنات مينة و طلعو لدار سوكا يكملو احتفالهوم...
#نهاية_الحلقة
يتبع...