🌸💍يوميات جارات💍🌸|مكتملة✨️

الحلقة5: الخيانة

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة5: #الخيانة
📖💜الجزء 1📖💜
هدى:حبيبي على سلامتنا
علي: تووحشتك اعمري
هدى: حتى انا و بزااف
علي تفكر شي حاجة: ااه نسيت حاجة مهمة غدا انشاء الله غادي يجيو شي ضياف و بغيتك توجديليهوم اجمل ماكاين حيت ناس مهمين و متعلقين بخدمتي اوك حبيبة هانتي عندك العشية كاملة تفرجي فيوتوب و قادي شي حاجة دابا نمشي نتقدا شنو خاص اوكي؟
هدى: وخا انشاء الله
خرج علي و هدى بقات تتبقشش و تشوف شي حاجة تصيبها وجات فواحد الفيديو ديال الماكياج والموضة بقات فيديو مورا فيديو حتى جا راجلها...
علي:سلام حياتي هاني جيت
هدى:على سلامتك
علي:راني جبت التقدية غنحطها فالكوزينة..قوليليا واش شفتي شي فيديوات؟؟
هدى:اه اه معلوم معلوم
علي: مزيان كاين شي عشا ولا غير نتعشاو برا؟؟
هدى: لاا راني كنت بغيت نقولك واحد لمطعم عاد حل جديد.. شبانليك نجربو ماكلتو امم؟؟
علي: ااه هي لي ماتعاود
هدى: نلبس دغيا منتعطلش اوك(صيفطاتلو بوسة فالهواء)
علي تيليفونو كيصوني و هو يرتابك:سلام شكون معايا؟
رهام: حمحم(صوت زوين و رقيق) نسيتيني؟؟ صافي تقلقت منك😢
علي كيهضر بصوت منخافض:نو حاشا رهام من بعد ونهضرو اوكي بليييز
هدى: علي معامن كنتي كاتهدر؟؟
علي بارتباك: غير الخدمة جيتي زوينة بزاف
هدى:ميرسي شيغي
علي:امم كنغير عليك كون غير كتقادي بحال هاكا فالدار
هدى:ايوا صافي هاد الشكل خاص بالخروج يالاه باش منتعطلوش
🍔فالمطعم🍔
بعدما كلاو كل من هدى و علي عشاهوم...
علي: اوى كيف دوزتي هاد الايااام بلا بيا هه؟
هدى: شغادي نقولك توحشتك و بغيتك ديما معايا علي.. كتبغييني؟؟
علي: شهاد السؤال؟.. معلوم كنبغيك
هدى: عاارفاك كاتبغيني و حتى انا..حبيبي ايمتا غانمشي معاك لكندا؟؟
علي: غير اوجدو وريقاتك و نديك معاياا(تيحاول ابدل الموضوع)اجي..قلتي لي ولدات شي جارة ياك؟؟
هدى: ااه جارتنا مينة مسكينة تمحنات
علي:العقبال لينا بشي فنيكيش
هدى:بلاتي علينا مزال صغار
علي:ياله احياتي نمشيو الدار خصك تنعسي بكري باش تفيقي بكري
هدى:اوكي

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة5: #الخيانة
📖💜الجزء 2📖💜
بعدما خلص علي رجعو ل الدار...
علي:امم حياتي توحشتك
هدى:تا انا
علي:شحال هادي مجلسنا مع بعض
هدى:عيانة دابا بغيت غير نرتاح
عليا:امم عيانة اوكي
مشا تكا فوق الناموسية وهي دخلات لبسات بيجامة ورجعات للصالون جبدات بيسي و بقات تكونيكطا حيت ممولفاش تنعس بكري
علي:واش مزال مغتنعسي؟؟
هدى:غنوض دابا
علي:اوكي متعطليش
ومعامن داوي بقات حتال سهرانة حتى داز عليها النعاس فبلاصتها...
فالصباح فاق معول يلقاها كتوجد فالكوزينة ساعة لقاها خامرة فوق الفوتوي والكوزينة كتصفر الميكات هاكاك بقاو حتى حاجة ما مقادة...
علي تيفييق فيها:هدى هدى نوضي مشا الحال
هدى مدوخة بالنعاس:خليني
علي:اويلي على خليني نوضي دغيا
هدى:ممم مزال الحال
علي:اناري باش مزوج انا
دخل لبيت و سد عليه..جبد تيليفونو و صونا...
علي :الو ريهام
رهام: صباح الخير..صباح العسل..صباح الورد..كيصبح الزين..
علي:مفقوس ا ريهام مفقوس
رهااام:مالك ا حبيبة؟
علي:رهام حياتي راني محتاجلك ضروري شوفي جايين عندي ضياف مهمين من كندا و عارض عليهوم للغدا ساعة علامن معول على وحدة متعرف تقلي تا بيضة
رهام: هي الاولى اسيد الرجال نطيب لحبيبي لي بغااا...
علي:يخليك ليا الزين ديالي..غادي نجي عندك دابا نجيبهوم تما واش بغيتيني ندخلهوم هنا الدار حالتها
رهام: من عينيا الاتنين يا روحي..افرحتيني والله حيت غتجي عندي شحال وانا تنحلم بهاد النهاار
علي:مننساش ليك هاد الخير كيف ما عتقتيني نبرعك اروحي ياله انا جاي التقدية موجودة غنجيبها معايا
رهام: اوكي عمري..مستانياك ..هههه متعطلش
علي لبس و هز التقدية وشد الطريق..دخل لقا مولات الدار اشمنك يا لباس اشمنك يا روايح وماكياج والدار كتشعل بالنقا ومعطرة...
رهام: وااااو شوف شكون جا اجي نعنقك(معنقاه)توحشت ريحتك.. ياااه تمنيت نشوف هااد الوجه كل صباااح..ماااح
علي محنزز فيها:وااو كتحمقي تا انا توحشتك بزاااف ا روحي
رهاام: يالله اجي نفطرو..بغيت نوكلك بيدي..اجي اجي (جاراه من يدو)
علي:امم يا سلام شحال هادي ما فطرت بحال هاكا