🌸💍يوميات جارات💍🌸|مكتملة✨️

الحلقة6: السبوع

🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة6: #السبوع
📖💜الجزء 1📖💜
🌸فدار مينة🌸
امينة و إكرام مع الطيابة فالكوزينة حيت اليوم السبوع...
إكرام:امينة ختي مديلي داك الخبز حداك ندير فيه شوية لحيمة لولاد مينة جاهوم الجوع
امينة: هادو من الصباح و هوما تيحنجرو دبا اتسالا الخبز و مانلقاو منعطيو للضياف
إكرام:غير جيبي اختي الخير موجود
امينة: اوكي...مروااان اااا مروااان عيط على خوتك واجيو نعطيكوم تاكلوو
مينة جات: واا واااالبنات وا عنداكم تنساو ليا سي....
امينة: سيدي مولاك الشريف عبلا
مينة : واييه الخبار فراسكم هههه
إكرام:ههه راهو مع الرجال كاع ما تسوق ليك لقى الجماعة ميجيهش الجوع
امينة: قوليها ليهااا ههه
إكرام:معرفتش واش الصالون عمر بالرجال ولا لا (الرجال جلسوا فالصالون ديال دار إكرام حيت عندهوم الناس وماقداتهومش دار مينة)
امينة: بلاتي نصيفط واحد ف الدراري اشوف..زكرياء اجي سير طل على الرجال شوف واش عمر الصالون ولا مزال...
إكرام:ايلا عمر نحطوا الغدا ياله اختي نمشيو نجلسوا معاهوم مبقالنا ما نديرو هنا
سكينة دخلات لكوزينة:فيااا الجوووووع البنات
امينة: واحد هدى جات للسبوع ولا لا؟؟
سكينة:اه مبانتش ليا نوض نعييط ليها؟
امينة : ااااه جيبيها تبدل الجوو
سكينة:واخااا عنداااكوم تحطووو لمااكلة بلا منحضر
امينة: الجوعانة الخرى هههه و متيبانش فيك يا حسرة خخخخخ
سكينة:شفتي شفتي لاطاي الرشاقة و داكشي تي راه بحال هاد لاطاي تتمناها الف وحدة ياك ا اكرام
إكرام:ههه مكدبتيش
امينة: خلينا من ديك الصباغة و سيري عيطي على هدى
سكينة:مهم ديرو لي قلت ليكوم غنمشي نجيب هاديك
مشات سكينة لقدام شقة هدى و بدات تدق حتى حلات ليها هدى حالتها حالة دخلات ل الدار و سكينة تبعاتها سادة الباب موراها..هدى دخلات لبيت النعاس تلاحت فوق الناموسية و جرات الغطا عندها...
هدى مكمشة:الى خاصاك شي حاجة هزيها
سكينة:واش مغتمشيش ل السبوع؟؟
هدى:لا
سكينة جرات الغطا:نووضيي زيدييي قادي حالتك اوجه اللفت سيري غسلي كمارتك وديري مكياج و قادي شعرك و لبسي شي قفيطين دايزو لكلام يالاه الخميرة نووضي
هدى لي كان وجها صفر وعينيها منفوخين بالبكا و شعرها واقف:اااح اختي..واش بحالي انا لي يدير الماكياج اااافف راني مخنوقة غا خليني بوحدي عافاااك
سكينة جراتها: يتصحاب لمك بلبكا و الشعكاكة غترضيييه تيي نوووضي هو لمك ينشط معاها و كاع متيفكر فيك و نتيا تجلسي بلبكا نوضي نوضي يالاه ولا نجمع معاك بواحد صندالة
هدى عينيها غرغرو بالدموع و يائسة بزاااف مزال متقبلات الصدمة ديال الخياانة...
هدى: غاا سيري اختي الى حسيت براسي مزيان غنلحق عليك و الى خاصاك شيحاجة هزيها من الماريوو..معنديش الگانة و الله
سكينة:شوفي عمرني دويت معاك مقاد ياك(تنهدات) اووووف هدى حبيبتي الزوينة ديالي زين دلعالم نوضي غسلي ليا وجهك و تقادي ليا باش الى شافك ينساها هدى فيقي شوية راه مغترجعيهش بهاكا نوضي و ديري بهضرتي و الله متندمي
هدى بعد تردد:صافي واخا..غنوض نوجد راسي نسا الهم شوية
هدى وجدات راسهاا و لبسات تكشيطة ف الحمر مرصع بالجوهر بيض صوبات وجهها و دارت گلوس خفيف و سرحات شعرها ولات بحال الأميرة و مع ذلك النضرة ديالها حزينة...
سكينة:احح شحال تتحمقي تبارك الله ماشاء الله دبت انا محساك هو هههه تي كون تديري ليه هكا وسط الدار موحال كاع يمشي باقي لكندا و يخليك
هدى بتاسمات:ميرسي زين
سكينة:جاو معايا هاد لحوايج بعدا؟
هدى: ااه جااو معاااك بالصحة ياله نمشيو
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة6: #السبوع
📖💜الجزء 2📖💜
هدى داخلة عند العيالات:السلام عليكم
مينة: هاويلي منين جاك الصواب ياختي واش مسلفاه من عند الجران هاهاها
هدى مكتشوفش ف مينة باش متعيقش بها:كيبقيتي ا مينة واااشنو سميتي ولادك؟؟؟
مينة:(مال هادي واش طاح ليها الديجاانكتور العجب) اااه شوية اختي..اوى مجبتي ليا بطبوط بالزيت بلدية مسيمنات بالعسل ولا مكينش لي اركد هاهاها
البنات تيخنزرو ف مينة و هي عاقت بلي كاينة شيحاجة...
امينة بدلات الموضووع:اه سماهم مول الداار
مينة: ششش متگولوش ليها..يالله قدري ا هدى
هدى: سليم و سليمان؟
مينة: لواه حدو و حديدان خخخخخ تتي راه سماهم سيدي عبد الله أنس و إلياس
هدى: ااه الله اكمل بخير و الله اصلحهم اختي
مينة:ااااامييين ...واش مزال موجد الغدا؟؟؟
خديجة خرجات من الطواليت سلمات على هدى و جلسات حداها...
سكينة يالاه جلسات و هو يصوني تيليفونها..هزات تيلي تشوف شكون:شبغا هدا تاني؟(رجعات تيلي لجيب) اكرام اختي واش مزال مغيتحط داك الخير؟؟
هدى:نتي غير كرشك الله يحفض ديها شوية فصحتك و تبعي حمية تستي لماكلة لي تاكلي و تليق لجسمك شوفي الرشاقة شوفي
سكينة:تي غتسكتي ولا نقلب عليك الطبلة ييخ
خديجة:نتوما سكتو زعمة سبوع هدا خصنا نفرحو بمينة
سكينة و هدى تيخنزرو فبعضياتهوم...
تيليفون د سكينة بدا تيصوني تاني:(اش بغا هداا) قطعات عليه و سيفط ليها ميساج فيه غتهبطي ولا غنبدا نهلل حدا لعمارة (اوووف هاد لمرض معند بوه عقل غيديرها) لبنات دابا نرجع
هدى بالنفخة:مشية بلا رجعة
سكينة:ممسالياش ليك دابا حتى نرجع
خرجات من الشقة و بقات طالعة مع الدروج...
مروان:طاطا سوكا طاطا سوكا فين غادة؟
سكينة تلفتات:حتى فين الحبيب دياالي عرفتي شنو سير شد ليا بلاصتي لايجلسو ليا فيها صافي
مروان:واخا طاطا (باسها)
مشا مروان و سكينة طلعات ل السطاح بان ليها ادريس راقف تيتسناها...
ادريس:السلام عليكم الحبيبة تاعي جيتي غزالة جا معاك لقفيطين تتحمقي
سكينة:و عليكم التساع اش بغيتي صبحنا على الله؟
ادريس:بغيتك نتي المشيشة تاعي
سكينة:شوف بلا ضسارة د والو اش بغيتي مبرزط ليا راسي و مخرجني من وسط الناس مبان لمك ايمتا حتى بغاو يحطو لغدا؟؟
ادريس تيضحك:هههه واش تتبغي كرشك كتر مني؟؟
سكينة:اه كرشي تنبغيها و تنموت فيها لي يخسر ليا لخاطر لكرشي ندبحو انا
ادريس:وينو على القتالة تاعي(شدها من يديها)تنبغيك الكتكوتة تاعي
سكينة:تا طلق من يدي نهار حتاجيتك ملقيتك عطيني بتيساع شنو بغيتي و اجي بعدا شفتك هنا تضور على راحتك مخفتيش من معاد؟؟
ادريس:وعلاش نخاف منو مبقا عندي علاش نخاف انا غنخطبك
سكينة:ك ك كيفاش؟؟
ادريس:اه المشيشة تاعي ملي حصلونا مكنتش باغي نبان حيت ممستاعداش داكشي علاش صونيت عليك داك النهار باش نتافقو و معطيتينيش فرصة نشرح ليك
سكينة:بصاااح مي راه كليت لعصا يعطيك دقة😔😔
ادريس:صافي ا حبيبة ديالي سمحي ليا
سكينة:مهم غنهبط دابا تعطلت
ادريس:واخا انا نيت غنمشي
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة6: #السبوع
📖💜الجزء 3📖💜
فالتحت فشقة مينة بداو يفرقوا على الناس يغسلو...
إكرام:مينة الولاد نعسو ياك؟
مينة: شكون شافهم تانتي ههه جيبو لي ناكل عاد نشوفو الدراري
الماكلة تحطات و الناس تجمعو مضورين الطبلة...
مينة معمرة فمها باللحم:اكرااام ...اجي اختي
اكرام: نعام ا مينة؟
مينة : عار ربي لما سولي راجلك على راجلي شوفي واش تياكل ولا ياكما تسدات ليه الشهية مسيكين مع السبوع و المصاريف موحال ياكل ليا ثاني سيفطي ليه مساج الله اخلي ليك مولا دارك
إكرام:واخا..هاني كنسيفطو ليه
👨🏻عند الرجال👨🏻
عمران: خويا عبدالله راه مينة كاتسول واش كليتي
عبدالله: اناري ميمتي اش غاناكل مضيعاليا سبعين الف فالسبوع عندي العرس
عمران تيكتب:گولي لصاحبتك ملي يسالي السبوع غانوكلها بيدي
مينة: اكرام تيليفونك اش قاليك؟؟؟
اكرام: قاليك غايوكلك بيدو بعد السبوع
مينة: كح كح(وحل ليها) اناري
اكرام: بسم الله عليك كو راه مسكين موجد ليك شي خريجة ههه
مينة: سيري سيري سيفطي راجلك يجيبو لهنا قبل ما يتشارجا عبد الله فاش وصل ليه عمران الميساج جمع الوقفة و جا للدار عند مرتو مت ولادو...
عبد الله كاعي: حم حم..ختي اكرام تهلاو لي ف الضياف مرحباا بكم مرحبا..(اوحل لكم ان شاء الله حنجرو حنجرو تاكلو فيه جغديد)
مينة: فين كنتي ا زماني قرة عياني
عبد الله: حم حم (قرب ليها)تبعيني البيت
مينة لحسات صباعها بزز باش حطات واحد طرف دلخبز غادية وكاتشوف فطبسيل: هاني هاني جاية
عبد الله: الله اغبر لباباك الشقف لاش تابعاني سيري تغسلي يديك بقات لينا غا المرقة نزيدوها على ريحة الحلبة تفو
مينة سدات البيت و تلفتات مخرجة شفتها التحتانية:ياك نتا اللي قلتي نتبعك
عبد الله:قربي ل عندي..زيدي (صرفقها) (مرملاق)
مينة الدموع فعينيها: ااه اش درت؟؟
عبد الله: ا دوي ا البقرة فين كنتي فاش كانو تيحطو 4 دجاجات ف الطبسيل..دوي ا الحمارة(شادها من شعرها ) باغا غا تغرقيني لمك ها دوي...قطعي الحس
مينة: واطلق منييييييي طلق يالشماتة حادگ غي فالعيالات الحمارة هي اللي رباتك تضرب لعيالات تفو
عبد الله: سكتينا فضحتينا ا البهيمة..و زايدينها بالموناضا ياك گلت ليك الموناضا جبتها للرجال..اميمتي اميتي معامن طايح.. غتغبري من گدامي و لا نقجك صبحنا على الله
خرج عبد الله زعفااااان و خلا مرتو طايحة فوق الناموسية تتبكي...
مينة:الى بقيت ليك فالدار راني معندي نفس(جمعات باليزتها و هزات ولادها و خرجات)
امينة: مينة افين غادة؟؟
مينة هزات الطبسيل ضرباتو مع لرض: اهى اهي امينة جيبي ليا ولادي لخرين و لحقي عليا
اكرام: مينة مالك..تهدني..اشواقع؟ واش مول الدار هو السبب؟؟ نعلي الشيطان وجلسي حتى يمشيو الناس
امينة: اهياتا حطي دوك الولاد و تهدني راك نافسة زعماا اشواقع ف ملك الله؟؟
مينة: واش غاتحلي ليا دارك ولا نمشي عند ماما من بلاد لبلاد خديجة خارجة من عند الضيفات بعد ما تغداو:اشواقع هنا؟؟؟ اكرام: قولي لينا غير مالكي؟؟؟
سكينة:تي اري بعدا غير لولاد ليطيحو ليك
مينة: ماتقيسوش لولاد امينة واش تحلي ليا ولا نمشي
امينة: عرفتي شنو هاكي الساروت ا سكينة و سيرو للداار ترتاحي شوية غيير نتصافطو مع الناس و نشوفو حريرتكوم الدراري خليهم ف الدار تيجي ليهوم باهوم باركة عليك غير هادوك لي هازة
شدات سوكا الساروت و مشات مع مينة...غير حلات سوكا لباب دخلات مينة نيشان لبيت و سدات عليها...
🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة6: #السبوع
📖💜الجزء 4📖💜
امينة:اجيو ا حبيباتي مروان ياسين زكرياء يالاه نتفرجو
مروان:مال ماما هرسات الطبسيل؟؟
امينة:والو احبيبي غير مريضة ياله تفرجو شوية
امينةداوية مع اكرام: تي غا قولي ليا دبا اشواقع فهاد العمارة كل نهار حريرة جديدة
اكرام: مفهمت والو فهادي د اليوم عاد مينة كانت ناشطة
امينة:شي عين هادي...
اكرام: ياربي خصنا نطلو على مينة منخليوهاش هكدا
امينة: انا غادا عند عبد الله نقوليه مينة هربات و نتوما خبيو الدراري باش ندوزوها عليه اتعلم اقلقها و هي فهاد الحالة
هدى خارجة من الكوزينة: فكرة وااعرة هاحنا معاك