🌸💍يوميــــــات جــــــارات🌸💍
🏢العمارة رقم 6🏢🌷الجزء الأول🌷
الحلقة5: #الخيانة
📖💜الجزء 3📖💜
رهام: حل فمك...هااام برافووو هاهاهاهاها ..
علي:ههه ممم يخليلي هاد اليدييات
رهام:اوى دبا فطرنا اجي(حطات ليه راسو فوق فخدها) البارح فاش هضرنا بنتي ليا مقلق بزاااف..مالك ا حبيبي عندك شي مشكل؟؟(كتلعب ليه بشعرو )
علي:مراتي تبدلات عييت منها مهلية فراسها غير فالخروج فالدار كتولي حالتها فرق كبير بين دابا و فالاول دالزواج ولات مقابلة غير الانترنت و المجلات تا من التيليفون انا اللي خصني نعيط نسول مبقيتش كنفرق بين حياة العزوبية و فاش تنكون معاها تا من الطياب عمرها حسساتني بداك الجو عمرها طيبات شي حاجة كنبغيها و نجلسوا نهضرو بجوج بففف مليت
رهام: ياك تنقوليك مديرش فيها راسك..شوف فيا مزيان (شدات لو فوجهو)..محدك معايا عمري نخليك مقلق..فيما تحس براسك ماشي تالهيه اجي لعندي نسيك ف الدنيا و مافيها(باستو)شتك نسيتي العراضة ههههه يالله نوجدو الغدا و من بعد نبرعك هههه
علي:فاش تنكون معاك تنسى كووولشي ياله احياتي انا نوض نعاونك شوية باش نساليو دغيا
مشات رهام لبسات بيجامة قصيرة و دارت طابلية و جمعات شعرها و بدات بترقاد الدجاج و شلظت البصلة و حطاتو يطيب و دازت للحم تا هو حطاتو يطيب و حطات البرقوق و المشماش يتعسلو و من بعد دازت للخضر والروز حطاتهوم يطيبو حيت غدير شلاضة الجردة بقاليها الكروفيت والطون مكانش عندها سيفطاتو يجيبهوم...
وبدات فطارط دالفواكه و العصير و حطاتو فالثلاجة
من بعد ما جابليها داكشي صيباتو و وجدات شلاضة الخضر زوقاتها و حطاتها فالثلاجة..ملي طاب كولشي طفات عليهم حتى يجيو الضياف و تحمر الدجاج...
علي مشا جاب الضياف دخلهوم للصالون و رجع للكوزينة
علي:يممم الله على ريحة كتشهي
عند هدى اللي عاد فاقت من النعاس لقات الكوزينة خاوية وعلي مكاينش جبدات التيليفون تتاصل بيه...
هدى:الو فينك؟؟فين التقدية؟؟
علي:عولنا عليك بكري قطعي قطعي راني مع الضياف
ايوا العشيقة تهلات ف علي و كبرات بيه قدام صحابو ياكلو و يشكرو وهما كيظنو انها هدى حيت هو مبغاش رهام تبان باش ميخصرش صورتو قدام صحابو تحجج ان مراتو جاها اتصال طارئ ومشات..ايوا تغداو سالاو و خرج معاهوم علي وصلهم وداز لدارو لقى هدى فالصالون ممسوقاش رجل على رجل وكتقلب فصفحات المجلة...
داز بلا ما يهضرها دخل بدل حوايجو و دخل يدوش
تبعاتو للبيت مشات هزات القاميجة لقات فيها بارفان دالعيالات و واحد الطبعة دالعكر شوية جاه ميساج...
"حبي نتمنى نكون حمرت ليك وجهك مع الضياف و تهليت فيهم عندك تنساني جا دورك باش نتهلى فيك هاد الليلة مواح بااي"
هدى تصدمات و عينيها غرغرو..علي خرج مقاد والريحة سابقاه...
هدى:بلاتي نهضر معاك
علي:مامساليش ليك..مزال عندك الوجه اللي يهضرني؟
هدى:عليييي وقف
وشكون تسوق لهدى خرج و سد الباب خلاها معصبة ضربات المراية بالغدايد حتى تجرحات و ناضت تتقلب على الدوا...
هدى:اوووف فين هو نمشي عند إكرام تعطيني
دقدقدق
إكرام:شكون؟
هدى:هادي انا هدى اختي
إكرام حلات:سلام هدى مالك اختي دخلي دخلي اويلي مال يديك؟؟؟
هدى:عطيني اختي باش نداويها
إكرام:اجي جلسي بلاتي انا جاية(جابت علبة الإسعافات)اري يديك اايي على جرحة
هدى كتشهق:كيخوني كيخوني اهئ اهئ
إكرام:تبثي ا هدى هاكي شربي الما اش واقع؟؟
هدى:كيخوني علي كيخوني اهئ اهئ
BINABASA MO ANG
🌸💍يوميات جارات💍🌸|مكتملة✨️
Humor💜سلااام بنااات💜جيت اليوم نشاارك معااكوم بأول كتتاباتي فعالم القصص الفيسبوكية بالدارجة و بعمل جماعي فقمة الرووعة لي واخا نوصفو حتال الصباااح مغنقدرش نوصف قداش قريب لقلبي هههه على كل هاد العمل هو سلسلة روائية كتبتها انا و صحاباتي ف 2016 تنتمنا تعجبك...
الحلقة5: الخيانة
Magsimula sa umpisa
