كلش شكرا لكل الي كتب ♥️
"شحجي عن بغداد يكفي هي مدينتي الجميله رغم كل الي صار بيهها مازلت جميله 💔
احجي عن داعش وانقتلوا هواي من عائلتي ولله لان احنه هيج طائفه وله المفقودين منعرف ميتين عايشين احجي عن الانفجارات الي اخذت مني اعز ناسي مثل انفجار الكراده💔يعني بهل ايام جان راح يجي العيد وجانت الناس تشتري بهل مول لاولادها ومنظمنهم ماما وبابا ومن راحوا مااخذوني وياهم وراحوا وحدهم 💔 وتالي صارر الانفجار وفقدتهم الله يرحمهم ومن غير باقي الانفجارات كلل هذا َبعدنه نحب العراق ونحب بغداد رغمم كل المصائب 💔💔"
"انولدت بغداد
ما اتذكر شيء من طفولتي تقريبا اتذكر بس لمه جنه نطلع بالمنطقة نلعب احنه وجهال المنطقة وبرمضان لما جان الشيء مفضل عدنه لان نبقه ليلي بشارع😂ونلعب لعب جان جيرانه عند عمه سياره جيب فمره احنه وجهال المنطقه شلع قلع (الله ينعل الي اجه ببالي لما كلت هاي الكلمه🌚🔪) المهم نرجع الموضوعنه فجنه تقريبن بال٢٠ طفل اقل فكلناله روح جيب السويج هوه راح الغبي🤣وجابه وشغلها وضلينه ندك بالهورن ونكول اليله حنته وباجر يزفونه هاي فرحه وبعد فرحه متت لمه اتذكر المهم طلع عمه واحنه اشرد شلون الدود كل واحد البيته متت🤣وهوه ضل يغلط علينه المهم ما اكلكم انكتل الولد واحنه كلنه وكفنه وره باب بيتنه وره ما راح رجعنه طلعنه ولعبها وخطيه الولد الي نكتل رجع طلع لعب ويانه😂😂
هسه خل نرجع شويه الي وره على اعتقد هاي من اقدم الذكر الي اتذكرها المهم كالوا جيرانه راح يجون امريكان يفتشون فماما جانت عدنه ورقتين احتارت وين تضمهم اعتقد خافت ياخذوها اني جنت طفله ما افتهم همه لي طبو علينه فبذاك الوقت كلت الماما ضميها فوق الزاويه كالت اي خوش فكره عفيه بهذاك الوكت حسيت نفسي سوبر ومن😂😂 وضليت اغور باختي اكبر مني بسنه علمود اختارت مكاني وما اختارت مكانها فالمهم اجو الامريكان واني جنت كلش خايفه جنت اخف من ذول الي يلبسون عسكري ومن يجون اضل ابجي واخاف من دبابات لمه جنت اروح للمدرسه اضل شابكه اختي واخاف من الطيارات كلش اذا مرن فوكاي يعني جانت من كثر الصدمات الي تجني خفت بس الحمدالله تقريبن كلهم انمسحن من بالي المهم دخلوا الامريكان واني الدمعه بعيني بس الي فتشوا البيت حبابين اتذكر واحد كرصني من خدي وطاني جكليته واني ضحكت اموت على الحلويات😂🤦🏻♀️ ايي مرت السنين اني احب وطني كلش كلش لان ابوي وطني كلش فا ربانه على حب الوطن فاجت المظاهرات 💔 وجنت اشوف ابشع الاشياء تصير كدامي هذا المسعفينه هذا الميت واشكال والوان المهم بوكتها مات صفاء جان صديق اخوي فشفت الانكسار بعيون اخوي كلت ليش ليش ضليت افكر طول اليل ليش يكتلون ليش احنه طالبنه بحقوقنه لا اكثر ولا اقل ليش يربي زين وين اهل العمايم وين الشيوخ الي حرموا الببجي ميحرمون هذا القمع الي جاي يصير وبعدين كلت زين اني ليش متئلمه هل كد ظليت اسئل نفسي لحد ما كتشفت اني عاشقه شيء اسمه العراق وهايمه بحبه وافدي روحي اله اكول عادي واذا متت اني احارب علمود عشيقي العراق"
