سلامم
شوفو اخوان كل فتره حاخذ موضوع من مواضيعكم ونحجي بي لأن مليت من الاسئله وهم نتعرف ع افكارنه والي ماله خلك او ميعجبه ف كيفكم لأن ارجع اكول الكتاب مسويته الي🙂❤️
ف شنو اليوم عاجبني احجي على بغداد واسلوبي لا اني كاتبه ولابطيخ مجرد يبقى ذكرى هنا+ كل احد يحب يكتب على محافظته يكتبه بتعليق هنا وانسخه واحطه بلبارت الجاي🤍
بغداد
نبلش من الطفوله الي اذكره جانت تقريبا بفتره السقوط جنت من انام اكول هسه اكعد الكه الافغانين ذابحين راس ماما واخويه وبابا وذابحيني هم 🤡 وجان عبالي من راح يذبحونه يعني راح اشوف شكلنه واحنه مذبوحين وهاي🐸💔 لو البيبان مال بيت الي يكسروه بلكوسره مدري شنو هاي💔🙂 يعني حرفيا جانت رعب برغم هذا چنه دايحين بلشوراع 💔🙂 (ادري شبيهم اهلي) اي ضلينه هاي الفتره كلهه هيج يوميه مذبوح احد لو خاطفين احد من المنطقه هاي ما عدا التفتيش الي كل ساعتين يدخلون الامريكان ويفتشون البيت ويكلبو وترجع ماما تسمي ع بيت وتنظفه يابه مو هستوج منظفه لاا ذولي نكسين🐸💔 الى ان صارت بابا اخذنه وراح لبابل لبيت عمي لأن القتل صار على الهويه المهم مااحجي ع الطريق والادعيه وكل سيطره نوكفه عبالنه وهميه🐸💔
ايي رحنه وصلنا عشنه فتره تقريبا سنه هيج جانت احلى ايام قسم 🐸♥️
ورجعنا اللعشق(بغداد)
بطريق الرجعه وكفنه بسيطره وجانت وهميه واني اخويه اسمه مبين احنه من يا طائفه ف اذكر ليهسه بوكته مره عمي ادكول الماما لاتنطيني جنسيته ولااسمه الحقيقي وبوكته ماما مقبلت 🐸💔جان متته يعني متتت
وها صح ماعرف اذا صح او لا بس جانُ يكولون الي يسب الامام (عليه السلام) يخلو يعبر هم مدري صح لو لا بعد 🐸💔
ايي ف بوكته صار رمي ع السياره الي قبلته واحنه شردنه 🙂😂
المهم رجعنه البغداد وكعدنه بيت جدي فتره وكضيناه بلشوارع ويم الجيران وعصابات وي الفرع الي بصفنه وهاي🐸💔
الى ان سجلت للمدرسه ويوميه من نطلع الدبابه مدري اسمهه الهمر براس الشارع حرفيا من اذكر هسه شعور كلش خايس لو من جانت تمشي واحنه نتراكض منه لو صوته 💔💔🙂
ايي وكبرنه ع ابو هاا هسه يذبحون عمي هاا خالي تأخر خاف نخطف هاا منروح الهاي المنطقه ممنوعه لأن احنه طائفه وهيه طائفه
ويوميه انفجار يوميه رمي يوميه خطف
الى ان دخلو داعش ..
الهنا تعبت ومبقى هواي تقريبا بس فتره داعش والمظاهرات ♥️
ارجع اكول حبيت يبقى ذكرى وسردي مو مرتب اعرف لأن كاعد احس تسولف وي صديقتي 💔🐸
ارجع اكول الي يحب يكتب عن محافطته بطفولته يكتب بلتعليق وبلبارت التاني اضيفهه♥️
باي اخوان🤍
وتصبحون على وطن🇮🇶♥️
