روايه كبرياء العشق( قرباء ولكن غرباء 2)
البارت6 بقلم نورا قنصوه
عند آدم
آدم بضحك: هههه برضو مش هرد يا كرمله خليكي علي نار كدا لحد مجيلك واوريكي المفاجأه وكمل سواقه وبعد شويه نسمع صوت ضرب نار
آدم: ايه دا فيه ايه ولسه هيوقف العربيه ويطلع مسدسو نلاقيه اتصاب ومش قادر يتحكم في العربيه وخبطتو عربيه واتقلب بعربيتو والناس اتلمت حواليه
شخص: يا حول الله يارب
شخص تاني: دا بيموت اطلبو الاسعاف بسرعه
شخص: يلا يا رجاله علي ما الاسعاف تيجي نجهزو
شخص تاني: محدش يلمس اي حاجه هما هيجو وهيعملو الصح هما ادري وبعد شويه الاسعاف جت ونقلتو علي المستشفي
في القصر
نلاقي حور نزله علي السلم وبتتكلم مع نفسها بعصبيه
لين: مالك يا حور
حور: ماليش وقعدت معاهم
هنا بتوتر: استر يارب
دعاء: ايه الناس الهبله دي ياربي مالك انتي كمان
هنا بقلق: قلبي وجعني اوووي مش عارفه فيه ايه
جاسر: ازاي يا هنا يعني فيه ايه
هنا: معرفشي معرفشي ونزل يوسف بعصبيه ولسه هيكلم حور
كارما: انا عماله اكلم آدم مش بيرد عليا حد فيكو كلمو
هنا بعياط: ابني ابني
مراد: استني بس يا هنا وكمل يمكن مخدشي بالو رني تاني وكارما بترن
هنا بخوف: انا حسا ان ابني حصلو حاجه
وحد رد على كارما
كارما: اخيرررا يا آدم رديت حرام عليك كلنا هنموت من الخوف عليك انت مش بترد ليه
شخص: هو حضرتك مين
كارما بصوت مهزوز: انا بنت عمت آدم هو فين
الشخص: هو في المستشفي
كارما بصدمه: اييييه مستشفي ايه والكل انصدم لما سمع كلمه المستشفي
كارما: تمام احنا جايين حالا وقفلت معاه
جاسر: كارما فيه ايه آدم مالو
كارما بعياط: معرفشي يا خالو يلا بسرعه نروح المستشفي والكل خرج بسرعه ومشيو متوجهين للمستشفي
عند رعد وحياه
نلاقي رعد وقف في مكان ضلمه خالص مفهوش اي حد
حياه بقوه مزيفه: انت جايبني هنا ليه
رعد بخبث: عشان المكان دا يشهد علي اول ايامنا مع بعض
وحياه مسكت في هدومها جامد
حياه بصوت مهزوز: انت بت بتقول ايه
رعد: ايه مراتي ويحقلي اعمل اي حاجه وبيبص لجسمها بوقاحه
حياه ببكاء: رعد ارجوك بطل هزار انا خايفه
رعد بسخريه: ايه دا حياه هانم خايفه مش معقول
حياه بخوف: رعد مشيني من هنا
لسه رعد هيتكلم نلاقي تليفونو بيرن وكانت حور
رعد: الو
حور بعياط: رعد رعد
رعد بانتباه: حور انتي فين بسرعه
حور: احنا ريحين المستشفي
رعد بقلق: ليه
حور: آدم هناك بس مش عارفين ايه اللي حصلو
رعد: مستشفي ايه
حور: مستشفي……
رعد: طب اهدي انا جاي حالا وقفل معاها ومشي متوجه للمستشفي كل دا وحياه هتموت من الخوف
عند لؤي
لؤي: مات
مسعد: شويه وهنعرف
لؤي: نعم يعني ايه يا روح امك مات ولا ممتشي
مسعد: لسه منعرفشي يباشا ايه ضربنا عليه نار زي محضرتك قولت وفيه عربيه خبطتو كمان
لؤي: ها كمل ايه اللي حصل بعد كدا
مسعد: وعربيتو اتقلبت والاسعاف جت ونقلتو المستشفي وكان سايح في دمو
لؤي: انا عايز اعرف مات ولا لا اتصرف
مسعد: شويه كدا يباشا علي ما الجو يهدي عشان ميبقاش علينا العين
لؤي: مانتو لو رجاله كنتو خلصتو عليه من اول مره اغبيه غور من وشي ومشي مسعد
لؤي بحقد: ولسه
في المستشفي
نلاقي الكل وصل ودخلو المستشفي بسرعه
خالد: لو سمحتي في حاله لسه جايا في حادثه من شويه هي فين دلوقتي
موظفه الاستقبال: اه البقاء لله
هنا: ايه لا ابني ابني
كارما: مستحيل مستحيل
جاسر: انتي بتقولي ايه يا ست انتي ابني مات لا لا
هنا ببكاء: ياااااااارب
موظفه الاستقبال: يا استاذ دي واحده مش واحد وحضرتك بتقول ابني
نورا: يعني آدم عايش
موظفه الاستقبال: آسفه بس كانت في حاله جت برضو في حادثه وماتت فافتكرت انكو اهلها ثواني هشوفلكو اسم ابنكو هو اسمو ايه
حازم: آدم جاسر السويسي
موظفه الاستقبال: هو في العمليات فوق الدور التالت
دعاء بقرف: ربنا يشلك يا بعيده
مراد: متبقيش تقولي معلومات غير وانتي متاكده منها بدل متندمي وطلعو فوق قدام اوضه العمليات ولقو فيه شخص واقف قدامها
الشخص: حضرتكو اهل آدم
كارما: ايوا ايوا انا كارما اللي كلمت حضرتك في التليفون
لين: هو ايه اللي حصل
الشخص: هو انضرب عليه نار وفيه عربيه خبطتو واحنا اتصلنا بالاسعاف وجابوه هنا
رحمه: ومين اللي عمل كدا في آدم وليه
مراد: مش وقتو دلوقتي المهم نطمن عليه وبعدين نبقا نشوف مين اللي عمل كدا
هنا ببكاء: ابني مش هيروح مني يا جاسر صح مش هيروح مني
وجاسر خد هنا في حضنو: ان شاء الله يا حبيبتي هيقوم بالسلامه ان شاء الله وبعد شويه دخل رعد وحياه وحياه شكلها مرهق خالص
رعد: ايه اللي حصل وادم فين
وحور حكت اللي حصل ليهم
رعد بصدمه: اييييه
حور بهمس: مالك يا حياه شكلك عامل كدا ليه
حياه بتعب: هااه مفيش انا كويسه
حور: متاكده وسقطت حياه مغشي عليها
حور: حياه حياه ورعد جري ناحيتها وشالها دخلها اوضه الكشف
الدكتور: اتعرضت لضغط عصبي شديد انا علقتها محلول يريت تهدي اعصابها ومتنرفزوهاش
رعد: ان شاء الله يا دكتور
رعد: خليكي معاها هنا يا طنط دعاء وانا هروح اشوف آدم
دعاء: ماشي
بعد شويه
قدام اوضه العمليات
نلاقي الدكتور خرج
نورا: طمنا يا دكتور آدم كويس
الدكتور بحزن: للاسف الحاله مش مطمأنه خالص المريض حالتو صاعبه ولازم يدخل العنايه في اسرع وقت
هنا: عنايه
الدكتور: ايوااا الحاله جيلنا وهي مضروبه بالنار وفيه جروح في جسمو كتير غير الجرح اللي في دماغو فلازم يبقي تحت الملاحظه شويه عن اذنكو
كارما: ربنا يقومك بالسلامة يا آدم وشافو آدم وهو خارج قدامهم والكل جري عليه
الممرض: بعد اذنكو بعد اذنكو
كارما وهي مسكه ايدو: متسبنيش يا آدم عشان خاطري متسبنيش وادم دخل العنايه المركزه واتوصل باجهزه كتيره والكل واقف برا
مراد: حازم روح جاسر وهنا واحنا هنشوف حياه وهنيجي
هنا: انا مش همشي من هنا غير وابني معايا
مراد: هنا مينفعشي كدا هو مش هيفوق دلوقتي قعدتنا ملهاش لازمه هنيجي بكرا
هنا: لا مليش دعوة انا هفضل جامب ابني
نورا: يا هنا يا حبيبتي اهدي روحي ارتاحي شويه وادعيلو وبعد محايلات مشيو مع حازم
في اوضه حياه
نلاقي الكل واقف وهي بدأت تصحي واول مفتحت عنيها شافت رعد قدامها واتفزعت
حياه بخصه: هاااااه
اياد: اهدي يا حبيبتي مالك فيه ايه وحياه حضنت ابوها جامد
حياه بخوف: مشيه من هنا خليه يمشي مش عايزه اشوفو
نورا: هو مين دا اللي يمشي من هنا
حياه بصوت عالي: رعد طلعوه بره اخرج اخرج من هنا
مراد: رعد اطلع برا دلوقتي ورعد بيبص لحياه جامد
يوسف: تعالي يا رعد معايا وخدو وطلع برا
دعاء: اهدي يا حبيبتي خلاص مشي اهدي
حياه: ماما طلقيني منو انا مش عايزاه والنبي يا ماما طلقيني
خالد بصدمه: هو ايه اللي حصل للعيال
نورا: اهدي بس يا حياه طب هو عملك ايه
حياه بزعيق: وانا هستني لما يعمل انا مش هكمل معاه ودا اخر قرار
مراد: حياااااه انتبهي علي طريقك صوتك
حياه ببكاء: انتو ليه عايزين تغصبوني علي الجواز انا مش عايزه مش عايزه
اياد: طب اهدي وكل اللي انتي عايزاه هيحصل
حياه: بجد يا بابا
اياد: بجد يا قلب ابوكي وحياه حضنتو جامد
حياه: شكرا وخدو حياه ومشيو متوجهين للقصر
في القصر
في اوضه المكتب
اياد: فهمني بقا
رعد: افهمكو ايه
اياد: رعد انت هتسطعبط انت عملت ايه لحياه
رعد: معملتش حاجه
اياد بنفاذ صبر: وانا زي الاهبل هصدقك
مراد: اهدي يا اياد
اياد: متشوف ابنك يا عم
مراد: ايه اللي حصل بينكو خلي حياه مش طيقاك يا رعد
رعد: والله معملت حاجه انا كنت بهددها وبس
مراد: نعم تهديدها اللي هو ازاي
رعد: فهمتها اني هبقي جوزها رسمي مش ورق بس
اياد بصدمه: اييييييه
مراد: ايه اللي بتقولو دا انت غبي
رعد: اكيد مكنتش هعمل حاجه يعني اكيد مش هاذي البنت اللي بحبها بس انا كنت بحاول اخليها تخاف عشان تبطل دور الشبحنه اللي هي عيشه فيه
اياد: تصدق انا اللي غلطان اني جوزت بنتي واحد همجي شبهك وهطلقها يا رعد
رعد: مستحيل اطلقها ولو اخر يوم في عمري
مراد: رعد روح انت دلوقتي ورعد مشي
اياد: شوفت ابنك كان هيعمل ايه في بنتي
مراد: اياد انت واثق اكتر مني ان رعد عمرو مهيأذيها
اياد: كنت مغفل ورعد هيطلقها وسابو ومشي ومراد قعد علي اقرب كرسي واتنهد بقوه وحط ايدو علي راسو
صباح اليوم التالي
نلاقي الكل قاعد علي السفره وبيفطر
مراد: كل يا جاسر انت وهنا عشان لما آدم يفوق ان شاء الله ميشفكوش كدا
كارما: انا همشي انا اروحلو علي متخلصو وتيجو
نورا: خليكي يا كارما هنروح كلنا مع بعض
حور: هي حياه فين
دعاء: في اوضتها مش عارفه هتقدر تيجي ولا لا
حور: انا هطلع اشوفها وطلعت حور فوق
في غرفه حياه
نلاقي حور بتخبط علي الباب وبعد شويه دخلت واتصدمت من اللي شافتو
حور بصدمه:
يا ترا شافت ايه
وحياه بنت المهبوله دي عملت ايه
ورعد وحياه هيطلقو بجد
وآدم مصيرو ايه
وايه هي خطه لؤي الجايه كل دا في البارتات الجايه ان شاء الله
تفاعل وكومنتات وتصويت يلا
