انقلاب حياة (روايات ليبيه)

الحلقه 3

محمود جنبه نزلت منه دمعه وعرف انه بنته متعدبه عندهم وشبح في فرج شبحه 😡 امتاع اليوم نهايتك

حنان تبكي: حسبي الله فيكم ياظلام ربي ياخد الحق فيكم
حاتم: يوسف تعال شوفها خيرها مافقتش
قدم يوسف اقريب من حياة وقعد يفحص فيها بما انه دكتور
يوسف: شكلها امحصله خبطه قويه علي راسها مغمى عليها
محمود متعصب: نرفعوها المستشفى
يوسف: مافيش داعي خلي انروحو بيها وناخد حاجات من الصدليه عشان انضمدلها الحروق وضح ضربينها و متعذبه امعاهم
حاتم شمر حياه ورفعها كاين خايف عليها لدرجه اتقول يعرفها من زمان صح اليوم عرف انها اخته بس هو حنون هلبا ❤️ وفرحان بيها
حاتم: حد فيهم يسبقني لي السياره ويفتحها
يوسف:هيا
وطلعو كلهم الا محمود وحنان
محمود: صدقني بتاخدو حقكم علي كل ضربه ضربتوها
صح في البدايه كنت متساهل امعاك بس توا خلاص انتهيت انت ومرتك
كانت امنه علي فم الباب وتسمع فيه
امنه: الله ايخليك سامحنا
محمود: تي ماتحشمي علي وجهك وين كان عقلك بعد تضربي فيها
حنان تبكي بحرقه: ربي يحرق قلبك زي ما حرقتيني وحسبي الله ونعم الوكيل فيك ان شاء الله ماتهني فحياتك ويعطيك كسره في هل اليد الي ضربتي بنتي فيها
محمود رفع تليفونه واتصل برقم وفتح السبيكر
محمود: ايوا سيادة الضابط خليفه
خليفه: اهلين يا باشا
محمود: بنقدم بلاغ علي خطف بنتي من 19 سنه وبلاغ علي المستشفى بتهمة الكذب واتزوير
خليفه: انصدم كيف يامحمود عندك بنت
محمود: اي توا نبعتلك واحد من اولادي ولا انجيك شخصيا بنفتح البلاغ وامع تعذيب البنتي مش حانسكتلهم نبيك توا تكتب قرار وتبعته لي المحكمه
خليفه: حاضر يا باشا تامر باي شي تاني
محمود: اي وابعت رجالتك لي العنوان #$$# يقبضو علي فرج علي %&% حاليا موجود في البيت لو هرب ارفعو عيلته كلها وحرقو البيت
خليفه: بس
محمود: الي قلته مفهموم وحاليا هوا جنبي يسمع فيك
خليفه فهم عليه انه ايهديد فيه لو هرب شن ايصير: تم يا افندي اعتبره تم وانا بنفسي بنقبض عليه
محمود: تمام الصبح انكون عندك ونتفاهمو علي القضيه
خليه: تمام ليلتك سعيده
سكر محمود

فرج وامنه بعد سمعو كلام محمود قريب شخو علي روحهم من الخوف 😂😂😂 رعب ركبهم
محمود: تعرفو انا كان في راسي شي تانيه بس حبيت ناخد حقي بالقانون بنعطيكم معلومه انه قادر ننهيكم في اي لحظه رد بالك تغلط الشرطه جايه في الطريق
انتي وليه مانقدرش انديرلك حاجه بس راجلك حا يدفع الثمن بس حتي انتي عندك عقاب اكبر من راسك وانخليك تندمي في كل لحظه حطيتي ايدك علي بنتي

امنه تبكي: انبوس رجليك سامحني 🥺🥺😨😭😭
حنان:اطلبي السماح من ربي مش منا هيا محمود نمشو
محمود مسك في ايد حنان بيطلعو وصلو لي الباب
فرج: اندير الي تبيه غير ما اتبعدني عن اصغاري
محمود: وليش انت مافكرت بعد بعدت بنتي عني كل هل السنين توا ضوق من نفس الكاس الي شربتني منه
فرج يبكي: خليك انت احسن مني ماديرهاش واتفرقني عن اعيالي علي اقل خلي نحكي انه لي حياة علي الحقيقه
محمود: مزال عندك عين اتقولها عن الحقيقه وانا قلت الي عندي بينا محاكم ونتحاسبو 😏