دخلت أميره وهي تقول بمرح اخبار الحلو اي
لين بابتسامه ميرو حبيبتي وحشتيني تعال في حضن اخوك يافواز
أميره حبيبي يافوزي وحشتني ياراجل ثم اكملت وقالت بس انا معايا ضيوف كويس انك لسه لابسه ثم قالت بمرح اظهر وبان عليك الامان
ندي:طيب انا هنزل اجيب حاجه تشربوها
لين: ماشي ياماما ثم قالت اي ياختي بتحضري عفريت
دخلت نسرين وانس وهم ينظران الي الارض
نسرين بحزن حمدلله على السلامة حبيبتي
صدمت لين عند رأيتهم وكادت ان تنزل دموعها بسبب ما حدث لها
انس بحزن: ياريت يا آنسه لين تسمحينا والله احنا ما نقصد نأذيك
لين بغضب انتو اتهمتوني اتهام كبير اوي وعيزيني اسامحكم يلا اطلعوا بره بيتي
أميره: اهدي بس يا حبيبتي والله انتي لو تعرفي اللي هما عملوه علشان خاطرك هاتشكريهم
لين: اشكرهم علي اي علي الاتهام الباطل والاقرف اللي عملوه لولا ان ربنا سترها وكشف الحقيقة
أميره: علي فكره انس انقذ حياتك ولولاه كان زمانك دلوقتي يا امه مدمنه مخدرات يا امه ميته
صدمت لين وقالت ازاي انا اشرب مخدرات لا لا استغفر الله
قصت لها اميره كل ما حدث وعن ختطه وليد ثم قالت ها بقي اي رأيك وبعدين يا ستي المسامح كريم دا ربنا بيسامح عباده احنا مين يابشر علشان ما نسامح واحد زينا بيغلط
ضحكت لين وقالت بمرح بس انا مش كريم انا لين ثم نظرت الي نسرين وانس وقالت بإبتسامه شكراً ليك يا انس وانا مسمحاكم
جرت نسرين وارتمت في احضانها وقالت انا بجد اسفه اوي اسفه علي كل حاجه عملتها انا يالين ماكانش ليا اخوات وكمان بابا اتوفي وانا كنت في ثانيه جامعه وماليش غير امي وانا بعد وفات بابا بدأت اتغير واتصاحبت علي وليد وانس والشله بتعتهم ولما انتي جيتي فوقتيني بس وليد ضحك عليا ثم بكت بشده وقالت وكمان اخدني لشقه وقال لي ان دي اللي هنتجوز فيها وبدأ يقرب مني كنت هضيع لولا اني جريت وربنا سترها انا كان نفسي يكون ليا اخت اشكلها كل اللي جوايا او اخ اتحامي فيه
وضعت لين يدها علي ظهرها وبدأت في تهدأتها وقالت اهدي حبيبتي كلنا بنغلط احنا بشر بس اهم حاجه نتعلم من الغلط ونرجع لربنا وبعدين ياستي ربنا عوضك بدل الخت اختين وكمان انس زي اخوكي اهو
قال انس بمرح لتلطيف الجو كفايه بقي انا قلبي رهيف كده هتخلوني اعيط جنبكم
رفعت نسرين رأسها وهي تضحك وتقول ما تنشف ياواد احنا ماعندنا رجاله تعيط
جلسوا جميعا يثحدثون ويضحكون ثم ذهب كلا منهم الي منزله وتكونت صداقات جديده
________________ندي محمد_______________
تمر الايام وبدأت لين بالتحسن اكثر
وذهب زين لكي يطمأن عليها وصل زين الي فيلا الانصاري ودق جرس الباب وفتح له إياد
إياد: اتفضل يادكتور نورتنا
زين: دا نورك ثم دخل زين وجلس في الصالون
وجلس إياد ووالده وبدأوا بالتحدث
زين: اسمعني ياعمي انا جي اطلب ايد الانسه لين وانا قولت لاهلي بس مش عايزها تعرف حاجه غير لما تخلص امتحانات
ايهاب: دا يشرفنا بس مش لازم ناخد رأيها
زين: لا ياعمي انا جي اخد موافقتكم الاول وبعدين هبقي اجي واتقدم ليها او هعمل ليها مفاجأة واتقدملها يوم حفله التخرج
ايهاب:احنا موافقين يابني واحنا مش هلاقي زيك
زين: دي شهاده اعتز بيها ياعمي تسلم
وفي هذه اللحظه كانت لين تنزل الي الاسفل وهي غضبانه وجرت نحو اياد دون ان تري زين
لين بغضب وهي تضع يدها علي وسطها فين الشيكولاته يااستاذ مش انت قولت هتجبلي شيكولاته وبعدين اخرت لي مش احنا اتفقنا ان احنا هنخرج شويه علشان زهقانه من المذاكره
كان إياد وايهاب يضحكون وخصوصا انها كانت بملابس البيت ثم قال إياد بصي وراكي كده يالولو ياحبيبتي
لين:لا يااستاذ مش هبص عارفه انا الحركات بتعتك دي علشان بعدها تضربني شوفت يابابا ابنك بيعاملني ازاي عايز يضحك عليا علشان يضربني
إيهاب: وهو يتمالك نفسه لكي لايضحك لا يابنتي هو مش بيضحك عليكي بصي بس وراكي
نظرت لين خلفها ووقفت منصدمه فكان زين يمسك بطنه من كثره الضحك
لين بعد ان ادركت نفسها ونظرت الي ملابسها يانهااااااااار ابيض ثم جرت الي الاعلي
اياد: ها يابني لسه عايز تتجوزها بعد اللي شفته دي مفتريه انصحك تغير رأيك
زين:وهو مازال يضحك لا مش هغير رأيي ماتخفيش ثم استأذ زين بعد ان اتفقوا علي كل شييء
__________________ندي محمد_________________
YOU ARE READING
للحلال مذاق خاص
Randomنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
