ذهبت نسرين الي انس وهي لا تصدق ما رأته
نسرين: ازيك يا انس
انس: بخير والحمدلله
نسرين: انت تعرف لين منين وازاي عرفتها
انس:هي معايا في نفس القسم وتعرفت عليها من سنه بس ما كنا بنتقابل كتير وما في حد يعرف حاجه علشان هي عايزه كده علشان ما حد يشك فيها ويتكلم عليها
( اه يا كذاب بس لو شفتك هديك كف يفوقك )
نسرين بحزن: بس ازاي انا عمري ماشفتها واقفه مع شاب
انس ببرود: وفيها اي عادي عامله نفسها محترمه قدام الكل وهي اصلا بتكلم شباب ومش انا بس في كذا واحد صاحبي بتتكلم معاهم وبتهزر كمان بس تقدري تقولي هي بتحبني انا
ثم جاء من خلفها جلاب المصايب وليد
وقال ها صدقتيني
نسرين: اه صدقتك واسفه لو ما كلمتك حلو وياريت تسامحني ونرجع زي الاول
(مش قولت اصيله بس ياريت تفضلي مصدقاها يلا اشربي اللي هيحصلك ال بتتأسف ال 😒)
وليد بابتسامه نصر خلاص مسامحك بقولك اي بالمناسبه دي تعالي افرجك علي الشقه اللي هنسكن فيها
نسرين بفرح بجد يا حبيبي
وليد بأبتسامه خبيثه بجد ياعيوني
( روحي ياختي واتبسطي حلو تستاهلي كل اللي يجرالك علشان هبله)
نسرين: ماشي بس اخلص المحاضرهاللي عليا وهكلمك
وليد: تمام ياقمر انت
________________ندي محمد_______________
في جه اخري قابلت لين أميره وهي غاضبه 😠
أميره: مالك يالين اي اللي حصل
لين: الحيوان السافل القليل الادب اللي ماشاف تربيه اه لوشفتوا تاني مش هرحموا
أميره: ايه اهدي مسوره شتايم فتحت اهدي وفهميني
قصت لها لين ما حدث معها 🥺
أميره: وانتي سبتيه لي انتي المفروض كنتي كسرتي سنانه من الضرب او لميتي عليه الجامعه
لين: خلاص بقي اللي حصل ربنا يسامحني يلا علشان المحاضره هتبدأ والاستاذ الدكتور هيهزقنا لو اتأخرنا
دخلوا سويا الي المدرج وكان الجميع ينظر الي لين
فمنهم من ينظر باستحقار ومنهم من ينظر بستهزاء وسمعت لين شاب يقول وعامله فيها محترمه طول السنين دي وفي الاخر مرميه في احضان واحد
صعقت لين من هذا الكلام وعندما فتحت جروب الدفعه وجدت لها صور مع ذلك الشاب فصدمت اكتر وصدمت أميره ايضا
بكت لين بشده وقالت والله يا أميره انا ما عملتش حاجه ده دا انا اصلا ما اعرفوا حسبي الله ونعم الوكيل
أميره وهي تهدأها والله مصدقاكي يا حبيبتي اهدي كده وان شاء الله كل حاجه هتتحل ربنا مش بيرضي بالظلم لعباده وكمان عمره ما حب يفضح المؤمن اكيد في حكمه من كده اهدي بس وكل حاجه هتتحل ان شاء الله
وبعد دقائق دخل زين المدرج وهو غاضب بشده وقال انا عايز اعرف مين الاستاذ اللي في الصوره دي يطلعلي هنا والانسه اللي معاه تطلع هي كمان
انتفضت لين وقالت لا انا ما عملتش حاجه انا ما عملتش حاجه
أميره: اهدي واطلعي وانا هطلع معاكي
وقفت لين واميره ثم ذهبوا الي زين
وجاء انس ووقف بجانبهم وهو خائف من العواقب وقال في نفسه انا مش هشيل الليله لوحدي
زين بغضب: انا عايز اعرف اي القرف اللي انا شايفه ده
لين وهي تبكي والله يادكتور انا ما عرفوا ولا حتي اعرف اسمه انا كنت قاعدة مستنيه أميره علشان ندخل المحاضره وهو جه وقعد معايا ثم اكلت ما حدث لها
نظر زين الي انس وقال الكلام ده مظبوط
انس: لا هي بتكذب وعايزه تطلع نفسها شريفه بس انا وهي نعرف بعض من سنه وكنا بنتقابل في السر علشان ما حدش ياخد باله وهي اللي قالت كده وقالتلي علشان مش عايزه حد ياخد فكره وحشه عني
أميره: بعضب انت كذاب صحبتي اشرف منك ومن اهلك
زين: بغضب اميييييره ما تجيبي سيره الاهل
أميره: اسفه بس والله لين ما عملت حاجه وانا واثقه فيها هي صحبتي من زمان وعمري ما شفتها حتي واقفه مع ولد
انس ما انتي اكيد هدافعي عنها ما انتي زيك زيها اكيد مصاحبه واحد في السر و....
لم يكمل كلامه حيث قام زين بضربه لكمه قويه وقال له اخرس يا حقير انت ازاي تستجرء تتكلم علي اختي كده يا حيوان
صدم الجميع ولم يتفوه احد بكلمه ثم اكمل زين وقال والله العظيم لو ما قلت الحقيقه لاكون دافنك هنا يا حيوان وما حد هيسأل عليك لان انا عارف لين كويس وديما مراقبها هي واختي من بعيد
انس بخوف حاحاضر هاهاتكلم ثم قص عليه الخطه التي فعلها وليد وقال له هو كان عايزني اعمل كده علشان يكسرها علشان هي نصحت نسرين صحبتها انها ما تكلمه وتسيبه وعلشان يرجع نسرين تاني ليه انا اسف والله وعارف ان الاسف مش هيفيد بس ياريت تسامحيني وانا اهو زي ما الكل شك فيكي الكل عرف الحقيقه
تركه زين وقال ماشي حسابك بعدين لما اخلص المحاضره وتتصل علي الزفت اللي اسمه وليد ويجيلي بس ما يعرفش حاجه مفهوم
انس: مفففهههوم
زين: طبعا الكل عرف الحقيقه واللي هيتكلم في الموضوع ده تاني مش هايعرف اي اللي هيحصله وكمان هيبقي ليه عقاب شديد لان هو كده بيخوض فاعراض المحصنات العفيفات لان الله قال في كتابه العزيز
{إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ} صدق الله العظيم
ياريت بقي الموضوع ده يتقفل عليه واللي هيتكلم فيه عارف عقابه كويس المحاضره كده خلصت اليوم
ثم نظر لانس وقال وانت تعالى ورايا 😠
خرجت لين مع أميره فقابلت نسرين عند باب الخروج
نظرت لها نسرين باحتقار فهي لم تعرف الحقيقه بعد وقالت لها عامله فيها محترمه وجيه تنصحيني وانتي اصل بتمشي مع الولاد لا وكمان في احضانهم روحي شوفي نفسك الاول وبعدين تعالي اتكلمي
صرخت بها أميرة وقالت احرسي ياحيوانه دي اشرف منك ومن امثالك ودي كانت خطه مدبره من حبيب القلب بتاعك علشان يشوه سمعتها بس الحمد لله الحقيقه انكشفت ومش هاقول غير حسبي الله ونعم الوكيل فيكم
تركت لين أميره وكانت تسيروهي لاتدري الى اين هي ذاهبه وكأنها منومه من شده صدمتها علي الرغم من ان حقها رجع لها الا انها صدمت من كلام زميلتها فكيف تصدق هذا الكلام
نظرت أميره بجانبها وهي تقول يلا يالين إلا انها لم تجدها نظرت امامها فوجدتها تعبر الطريق
أميره بصراخ حاسي يالييييييييين 😱
تجمع الناس وجرت أميره ونسرين علي لين
أميره: بصيلي يالين لين فتحي عيونك صرخت أميره لاااااااا ثم قامت بالاتصال علي زين
أميره: ايوه يازين الحقني لين عملت حادث
نزل زين مسرعا دون ان يجيب واحضر سيارته وقام بحمل لين الي الخلف وكانت أميره تجلس بجانبها
أميره وهي تبكي لا يالين ماتسبنيش فتحي عيونك انا جنبك
وكان زين يسوق باقصي سرعه الي المشفي خاصته وهو في الطريق قام بالاتصال علي الطوارئ لاجهاز غرفه العمليات
وصل زين بسرعه وقامت الممرضات بمساعدته وادخال لين غرفه العمليات دخل زين الي غرفه العمليات وهو يقول لاميرة اتصلي على حد من عيلتها يجي
قامت أميره بالاتصال على والده لين وخبرتها
جاء الجميع وكانوا يقفون بالخارج يدعون الله مرت ثلاث ساعات وخرج زين
جري اليه ايهاب واياد خير يا ابني
زين: احنا الحمدلله قدرنا نوفق النزيف بس................😔
#للحلال_مذاق_خاص
يتبع.....................
______________________
ياتري اي اللي حصل للين 🤔ده الي هنعرفوا في الفصل القادمه 🤭
بقلمي ندي محمد
#Nody
YOU ARE READING
للحلال مذاق خاص
Randomنحن دائما نبحث عن الحب في كل مكان ولكن الحب انواع حب محرم يأخذك الي طريق الظلام والخروج من طاعه الله وهذا ليس حبا بل تسليه بمشاعر الاخرين وحبا حلال وهو الحب الذي يبقي بداخلنا ونخرجها لمن يستحق ولكن في الحلال عندما يكون من نصيبك وزوجا لكي او زوجه لك...
