العقرب ( روايات ليبية )

حلقة 6 🔥

جايتني هديه ياماما ولهديه متتقدرش باثمن
امنه:-عادي خدت سوك يابنتي
خوله:-بااهي بااهي
امنه:-ركبت
خوله:-امي دافع عليها تقول هيا لبنتها مش اني لاكن والله لما نمسح بيها لارض ع اسلوبها اني خوله لي ميقدرش حد يدوي معاي تجي عقاب شغاله تعلي صوتها عليا والله لما نربيها
------
اريج:-واقفه تمسح
امنه:-طبطبت ع كتفها يابنتي متزعليش من خوله
اريج:-لاعادي بس اني مقطعتلهاش شي ياخالتي
امنه:-عارفه خوله يابنتي راهو عصبيه لاكن قلبها زي لحليب واني راهو منعتبرش فيك شغاله اني نعتبر فيك مساعدتي ومونستيني والله سته شهور ونص تعودت عليك والله نحس فيك زي وحده من بناتب ومتتصوريش قداش نحبك وحضنتها ❤
اريج:-عيونها دمعو ياريت ناس كلها زيك ياخالتي امنه
امنه:-ع خاطري يا اروجه معادش دوريها فوتيها توا تحس روحها قللت بنفسها وترجع تتأسف
اريج:-هزت براسها
وسام:-اهلا
امنه:-اهلين وين كنت
وسام:-مع الولاد
امنه:-تعالى ياولدي قولي خيرك مبكري برا حلل والله منكترت مانشغلت عليك مقدرتش نركز في خدمتي
وسام:-ولاشي متشغليش روحك لاكن فيه ناس لازم تتعاقب وتتأذب
امنه:-من هادو ياولدي لطف
اريج:-هه سامحني يااخ وسام ع تدخل لاكن لكلاب تنبح بس عندك علم انه الكلب كاحجم وسرعه وذكاء اكتر من العقرب بس لكلب لما يشوف فيه عقرب جنبه يهرب مع انه اكبر منها بس يخاف تعرف سبب لانه لعقرب في اي وقت تلذغك متعطيكش فرصه انك تقرب منها حتى خطوه ع طول تخليك طيح قدامها مع انها اصغر حجم فهمت
امنه_؛-لطف خيركم فتحتولنا حديقه حيوانات هني  😂😂😂😂😂
وسام:-شافلها وطلع
اريج:-كملت خدمتها
وامنه نزلت
امنه كانت مرا طيبه ومش منوعيه لتشك وتخنس
------
سعيد:-فتح الباب ودخل كيسه
الاء؛-اعوذو بالله من شيطان الرجيم
يقين:-غمزت ل سعيد
وسعيد ابتسم وخش داره طلع من لكيسه وقعد يتغدا طبعا انه  سعيد مياكلش في لماكله ليديرو فيها ولا يمس ف لحجات لتجيب فيهم اريج يشري ب فلوسه
-------
الاء:-حسبي الله ونعم لوكيل يتمتع ف فلوس امي من رزقنا وحني قاعدين هكي واخد كل شي ومخلي اريج من صبح لا ليل تخدم ربي ياخد لحق
يقين:-ضحكت مش ح يدوم هلبا لوضع هاذا
الاء:-كيف شن قصدك
يقين:-شي شي
--------
#ساعه سته
اريج:-نزلت تفتح ف  لباب
خوله:-وقفت
ابرار؛-هاااااااي
نرجس :-ياهلا
خوله:-نورتوووووني ياصحباااتي ❤
نرجس:-لحمدالله ع سلامتك امتى وصلتي
خوله:-ليوم الصبح
نرجس:-قلتينا وصلناك
خوله:-لالا اصلا وصلت تعبانه رقدت
ابرار:-به كويس شن جو باريس
خوله:-كويسه حال لخدمه ولهيااجه
اريج:-تلفتت بتركب
خوله:-هيي انتي مش تشوفي عندي ضيوف بري ضيفيهم
ابرار:-ستني ستني
اريج:-شافتلها وتدعي في داخلها انها متكونش زبطتها💔
ابرار؛-مش انتي اريج حميد لكنتي معانا في الجامعه لمسترجله
اريج:-اي ذكرتي طريحه كويس ولانستيها عادي نذكرك بيها
ابرار:-خوخه هادي شن دير هني
خوله؛-هادي شغالتنا
ابرار:-ههههههههههههههههههههههه والله عرفتها اصلا نهايه ناس لدير فروحها قويه ومسترجله شغالات حسيت
اريج:-شافتلها وقدمت بسرعه بتضربها
خوله؛-وقفتلها ودفتها هييييييييب حبيبتي جو دريه ف لجامعه ولافي شااارع هاذا حوش وتحترمي نفسك فااااهمه
اريج:-ذكرت كلمه امنه....مدوريهاش ع خاطري 💔شافتلهم بغلللل وركبت للمطبخ
ابرار:-هههههههه اقوى عليهم حبي هكي يبو هاذو
اريج:-ركبت تكح ومش قادره تتنفس من لاعصاب
قامت تليفونها وتصلت باملاك.
ملاك:-ايوااا
اريج:-ملاك فاضيه ليوم
ملاك:-خيرك داهشه شن فيه
اريج:-ردي
ملاك:-اي فاضيه خيرك
اريج:-نبيك تجي
ملاك:-اصبري خليك ع لخط بابا عادي نمشي نبات عند اريج ليوم بالله متقولش لا
اب ملاك:-بااهي وغضوى صبح تكوني هني
ملاك:-حاااااااضر.....خلاص اليوم نجيكم امتى بتروحي
اريج:-سبعه ونص
ملاك:-تم به قوليلي خيرك تلهتي شن فيه متشغلنيش
اريج:-لما نتلاقو نحكو
ملاك؛-تمام باي
اريج:-سكرت وقعمزت لوطه تحاول ترجع تنفسها لهرب  من لاعصاب
وسام:-خش شافها كيف وجها احمر ومش قادره تتنفس  شكلها لعقرب سمها ولا عليها
اريج:-تنفست بقوه وشافتله تبي تجرب سمها!؟؟؟؟؟؟؟؟
وسام:-وربي ح تندمي يااريج
اريج:-نشوفو من بيندم تاني
وسام؛-خدي طاسه وطلع منغير مايرد
اريج؛-وقفت او وتت سفره العصير وشكلاطه ونزلت
ضيف فيهم
نرجس خدت طاسه
وخوله خدت طاسه
ابرار؛+خدت منها طتسه وطيحتها
اريج:-تشوف للعصير لمبزع في لارضيه
خوله:-وييين عيونك انتي قريب لبزتيلها تجاكتها
اريج:-حطت سفره  وركبت جابت نشافه ولقومه والميه وديتول وبدت تنشف تحت رجلين ابرار
وخوله وابرار مستمتعين
اريج:-تمت وكيف جايه بتقيم سفره
نرجس طيحت ذبلتها بلعاني......لو سمحتي جيبيلي دبلتي طاحت تحت صالوون حي ختييبي كان يندري يوريني اريج:-شدت اعصابها ونزلت تحت صالون تجبد ف ذبله
نرجس:-تانكس......معناها شكرا اكيده متفهميش ف لانجليزي
اريج:-ركبت وخلتهم
هههههههههههههههههههه ااااخ يانرجس جو

انتي وربي
نرجس:-نعرف نربيهم شكالات لزي هادو
خوله:-تعالي قوليلي من وين تعرفيها حقه
ابرار؛-ياحنه هادي كانت اشطر وحده ف لجامعه ولولاد يموتو فيها وفي قوه شخصيتها وجمالها حتى ال❤ خلاته كرهني معادش يشوف غيرها تعاركت معاها تخيلي بكل استرجال تصربني ف لجامعه قدام ناس كلها
نرجس:-هههههه وصدمه انه جو صحباتها ابرار بيدافعو عليها ويجبدوها من تحتها خلطتهم معاااها ولجامعه كلها تضحك
ابرار؛-حقييره عيشه راجل نكرهااا للمليون
خوله:-ولايهمك وراسك ياعمري ننتقملك منها
ابرار؛-نعرفك قدها ياحبي
فات لوقت وابرار ونرجس وخزله كان تص حديتهم ع اريج وخوله متحلفه فيها اما اريج كان اسوء يوم عندها وتيتنى غير تروح باش تحكي لملاك وتفضفض
وسام:-هيااا
اريج:-خدت شنطتها وطلعت
امنه:-تصبحي ع خير اريج
اريج؛-وانتي من اهلو
امنه:-رد بالك ف طريق ياوسام
وسام:-باهي وطلع
اريج:-ركبت او وسام ركب باش يوصلها
في طريق🚘🚘🚘🚘🚘🚘
وسام؛-مش خايفه انه انتي توا معاي بروحك نقدر ندير فيك لنبيه
اريج:-_منخافش اني ره وقتلك لو قدرتني نعطيك لتبيه
وسام:-بس ضربت صبح مش ح نمشي هالك يااريج وح تندمي
اريج:-وريني شن تقدر دير
------
ملاك:-واااك اختك وين خيرها عطلت
طقطقطق
الاء:-اكيده هيا
رانا:-فتحت واخيرا
اريج:-شن فيه
رانا؛-عطلتي
اريج:-سكري لباب
ملاك:-سلمت ع اريج
اريج:-ركبت ولحقتها ملاك
اريج:-خشت طول نحت لعبايه ولوشاح لوحتهم وتلوحت ع سرير
ملاك:-سكرت لباب وقعمزت جنبها.شن فييييه
اريج:-حسبي الله فيهم حرقولي دميي نغلي مع بعضي
ملاك:-من هما احكي.
اريج:-بدت تحكي.....
-------
سيرين:-لنركب نوريها لبدله
الاء:-اصبري كيف ركبت خليها تهدرز مع صحبتها
رانا:-حسيتو بشي؟؟؟
تقوى؛-شنو
رانا:-اريج ليوم وجها احمر وحالتها حااااااله
تقوى:-صح واضح ع وجها
رانيه:-لاحضت حتى اني
الاء:-اشبح شن صاير معاها
------
ملاك:-حي ع لحيوااااااانه تي كيف منضيتيش ريشتيها هيا وصحباتها
اريج؛-معادش قدرت تحبس دموعها وبدت تبكي اني ياملاك نقدر نشدها روحها نخليها تطلع بس خايفه انه خالتي امنه تكرهني وتلزني
ملاك:-عادي تحصلي غيرها
اريج:-صعبب ياملاك لخدمه ف للوفت هاذا صعب وبدااات شغااله ليبيه صعب لانه كلهم يخافو ع رجالتهم يجيبو في لاتيوبيات وغيرهم صعب نلقى زي طيبه خالتي امنه
ملاك؛-تي بطليها اخدمه لذلك هكي
اريج:+نعاود ونقولك ننذل اني ولانشوف خواتي ينذلو تعرفي لو شفت وحده من خواتي صايرلها زب لصارلي ليوم ممكن نقتل روحي مستحيل نبطلها ونخلي خواتي يحسو انهم اقل من تانيبن
ملاك:-محلاك تهبلي كيف تفكري ف غيرك
سيرين:-طقطقط
اريج؛-خشي
سيرين:-شوفي محلاها لبدله
اريج:-تهبل تبيديها بالهني
الاء:-بنات متبوش تتعشو
اريج:-مخاطريش في شي تاعبه
ملاك:-ولااني مخاطريش
اريج:-ااااخ رجليا سيرين تعالي دلكيلي رجليه
سيرييين:-اوووف دلكيهم بروحك وانتي موليه تتشكي زي لعزوزه
اريج:-ضحكتلها وحاجه ف داخلها نكسرت💔✋
سيرين:&قود بااااي بنمشي نفسفس
الاء:-سكرت لباب ورا سيرين وقعمزت تحت رجلين اريج وخدت رجلها دلك فيها اريج:&لالا حبيبتي شكرا
الاء؛+هاتي بلا جو
اريج:-تكت وهيا مرهقه تماما💔
يتبع....... في لحلقه (7)🌸

تعرفو يابنات لو فيه وحده منكم ذكيه ح تربط لاحذاث في بعضها وطاع شن علاقه خوله بااريج منغير انه شغالتهم
وشن شي لتخطط ليه مرام اخت سراج ومن تبي دمر وع خاطر مني وشن شي لشداته عليها صحبتها وشن خطت سعيد او وسام لشن يخطط
تعرفو لو تركزو ح تعرفو كل لاشخاص ل في روايه مرتبطين بابعض وبيناتهم شي كبيررررر
حاولو تستخدمو ذكائكم✅❤
الكاتبه:-تاج الورفلي👑