#وماخفيا_اعظم
#part12 (الأخير في الجزء الاول)
#بقلم_منى_المجبري
__________________________
_"تسريع الاحداث""بعد مرور 4 ايام"
نهاد : شن تحس في روحك
ناصر: الحمدالله
سيلين: متريح توا
ناصر: مانتريح إلا لما ننزل في مطار ابلادي
نهاد : ان شاءالله هيا خلينا انتوكلو الطياره اقريب
ناصر: توكلنا على الله
_ وطلعو للمطار❤
______________________
رواد : ايلول راه زياد يبيك من بدري يكلم فيك
ايلول: شن يبي مش وقته الشغل عرمم
رواد: مش عارف نوضي شوفيه خير ماينفصل عليك
ايلول: شن الجديد حظرة جنابه ديما فاصل بس امري لله اهو خاشتله
_ايلول... نضت من المكتب وخشيتله بدون ماندق حتى الباب ومن داخلي نغلي من تصرفاته وبدأت في الفتره الاخيره زودهاا لقيته مصبي وواضح انه كان ماشي وجاي في المكتب .
زياد: هيييي انتِ كيف تخشي هكي
ايلول" بثقه": الخشه مش موضوع الموضوع شن تبي لان الشغل معرم على راسي لو سمحت ممكن نمشي
زياد : ههههههه حلوه وانتِ متعصبه
ايلول "بصدمه":😳 لو سمحت ممكن نمشي نكمل شغلي
زياد: جيبيلي عصير وبعدها شوفي شغلك
ايلول: بس انا مش خدمتي نجيب عصير
زياد "بوقاحه": مخلنيش نحطك في راسي وندز عمال التنضيف ونخليك في نهايه الدوام تنضفي الشركة
_ايلول... من بعد كلامه معش سمعت شيء ومعش شفت شيء حسيت بنار طالعه من قلبي كيف يقلل مني هكي قربت منه بخطوات سريعة وعطيته كفف رن صوته في المكتب وطلعت وسيبته وهوا في كامل صدمته وتابعت شغلي ببرود٠💔
_________________________
_في الجامعه كانت" خلود" مقعمزه تهدرز مع صحباتها
فاطمه: معقوله تحبي الهرجهه
خلود: الأطفال احباب الله محلاهم ياخيه
فاطمه: مدام هكي انا عمي عنده حضانه في العشيه كان قدرتي توفقي بين قرايتك وبينها نقوله وتشتغلى فيها لان يبو كم وحده تمسك العويل
خلود "بفرحه": ياويلييي فكره تجنن خلاص توا نشوف هلي قبل ونرد عليك
فاطمه : تمام ياحبي
خلود: باي توا السواق جاء
فاطمه: بآيات
_طلعت" خلود "وفي راسها لازم تقنعهم ان يوافقو على شغلهاا🔥🔥
_________________________
جبريل: اليوم ناصر مروح
ام اشناف" بفرحه": واخيرا اليوم بندير الى في راسي
جبريل: تحسابي زياد ساهل انتِ
ام اشناف: زياد ماعليك فيه غير أن شاءالله يوافقو عيله افلوس ومتريحين وناصر قاعد بين الحياة والموت وديما مريض وامبهدلهم
جبريل: صح كلامك توا يوافق مش ه يلاقا خير من زياد
ام اشناف: صح الصححح
______________________
"بعد مرور 3 ساعات"
ناصر: لا خليني هنا بيش نستقبل الناس
نهاد: اكيد عائشة مرايفه عليك مسكينه
ناصر: اها قالت نحط عبايتي ونجي
نهاد: مرحبتين بيها ،سيلين خذيتي دواك
سيلين: اها وبنخش ندوش ونرقد
نهاد: به تريحي
_سيلين... خشيت لجناحي واطلقت العنان لدموعي وفتحت فوني وطلبت رقمه وجاني صوته من ثاني رنه تنهدت بلهفه وقهر
سيلين "بدموع": خميس 😭 عليش دير فيا هكي عليش
خميس" ببرود": الطف شن درت فيك وكنك اتبكي زي الفرخات بطلي جو النكد هضا
سيلين : هههههه حرام عليك والله نحبك نا عليش معش ترد عليش و من الى تعلقلك منن
خميس: اسسس حب شن هضا تبي الحق علاقتنا مش بتاع زواج مستحيل ناخذ وحده كنت معاها على علاقه وبالنسبه للي تعلق بنت خالتي واليوم خطوبتنا هي باي توا ومعش ترني
سيلين" بدموع صدمه ": الدنيا دواره ماتنسش حسبي الله ونعم الوكيل فيككك
أنت تقرأ
ما خفايا أعظم ( روايات ليبية )
Mystery / Thrillerللكاتبة : منى المجبري يتجمعون فيها تشويق اثارة و حب في رواية وما خفايا أعظم 🔥 . . .
