الكشكول الأصفر

المستخبى بان

وتعود سلمى الى البيت كالعادة متعبة تبحث عن سريرها لتنام وتستيقظ فى اليوم التالى وهى سعيده فهى اقتنعت بكلام ابراهيم كثيرا وحصلت على اجازة لمدة يومين ولكنها عندما اسيقظت واستعدت لكى تنهض من السرير وجدت ملابس داخليه لولاء وجدتها تحت غطاء سرير غرفتها٠مما ثار عندها الشك قليلا والتمست العذر لولاء لما تعانيه مع الاطفال ولكنها لم تكن مقتنعه من داخلها باى عذر وبصوت عالى ولاء ولاء
وتاتى ولاء مسرعه وتقول في حاجة يادكتورة
سلمى،... ايوة الملابس الداخليه بتاعتك بتعمل ايه على سرير اوضة نومى
ولاء... ملابس داخليه ايه اللى على سريرك لا معلش الكلام ده كبير وبعدين وبصوت منخفض حضرتك شايفه انا مشغوله اد ايه والاطفال والبيت والخدمه انا تعبت اقول لك تعالى نتغدا بسرعه علشان الاكل هيبرد برة والعيال يالا وتذهب من الغرفة فى منتهى الهدوء
فتخرج سلمى خارج الغرفه وتتناول معهم الطعام فقد برهنت لها ولاء على ان هذا الشئ لايعنى لها
شئ.وان هذا الشئ يمكن ان يكون احضره محمد او ايمن بالخطأ . وتقول سلمى لابراهيم
سلمى وهى مبتسمه... انا اخدت اجازة مبسوط هنخرج ونتفسح ونعمل كل اللى انت عايزه
ابراهيم.. اجازة اد ايه شهر
سلمى وهى تضحك.. شهر ايه بس دول يومين ممكن اخليهم تلاته بالكتير
ابراهيم وليه كده كفايه علينا يومين
هتبدا امتى الاجازة ديه ياسلومتى
سلمى وهى مبتسمه.. الله بقالك كتير ماقولتليش سلومتى والادلعتنى
ابراهيم.. نفسي والله ادلعك ماتيجى ادلعك هههههههه فتضحك سلمى وتنظر بطرف عينيها لتجد ولاء مشغوله مع الأطفال ومع ذلك تنظر اليهم بغيرة شديدة وضيق فيدخلوا حجرتهم ويغلقوا الباب وبعدها تخرج سلمى من الغرفه تجدالاطفال نائمين والبيت هادى فتدخل مرة اخرى لابراهيم لتجده مستغرق فى النوم وتجلس تفكر هل هناك علاقة بين ابراهيم وولاء وتستعيد بعض الذكريات لتجد انها مغفلة كبيرة تركت بيتها وزوجها لخادمتها وتبدا رحلة الشك.... يتبع