جنون شاب وعناد فتاة [ قيد التعديل ]

تنوية مهمة

عاملين ايه يا بنات وحشتنونى بجد والله عايزة اتكلم معاكم كدا فى شوية حاجة

- بصوا الرواية دى بقالها حوالى سنتين ويمكن اكتر وهى أول رواية كتبتها في حياتي وهى سبب أني دخلت المجال دا فطبيعي هيكون فى غلطات إملائية كتير اوى وانا ذات نفسي لاحظتهم لما قريتها غير طبعا انى كنت عاملها بالعامية المصرية كسرد وحوار واللى في ناس كتير مش بتفهموا وكمان فى معاني بكون عايزة اكتبها بالفصحى بس بالعامية مش بعرف فدا كان بيعمل معايا مشكلة، فعشان كدا انا هبدا اعدل فيها وهخليها بالفصحى لكن الحوار بالعامية طبعا عشان الكل يقدر يفهمها ونرضي جميع الأطراف وغير كدا كمان أحداث رواية كلها فى مصر وشخصيات مصرية فطبيعي هخلي حوار بينهم بالعامية، عارفة انى اقولت كلام دا قبل كدا بس معلش فى إعادة إفادة واه الفصول القديمة موجودة موقتة ومع كل بارت هيتم تعديله هتتمسح النسخة القديمة منه ونحط مكانها الجديد .

فى سوال كده هو انا ليه خليت الرواية الجزء الاول من ضمن (سلسلة حارسي) ومش انتى كنت مخلياها رواية منفصلة ليه غيرتها وكدا ممكن رواية تبقى طويلة اوى ومملة ؟

- بالعكس عدد فصول رواية هيفضل زي ماهو ومش هيزيد عن 30 فصل بس الفصل نفسه هيكون في أحداث اكتر وجديدة لان رواية قبل التعديل كان القراء دايما بيقولولي أن البارت قصير اوى مافيش فيه أحداث فمشكلة دى باذن الله هعالجها فى التعديل هتضيف أحداث جديدة ، بخصوص خليت ليه رواية من ضمن السلسلة وهى اصلا ماكنتش كدا، فبصراحة انا ماكنتش مخططة انى ممكن اخليها كدا بس اهو هى جت كدا وشوفت انها هتكون لاقية على الباقي الأجزاء فقولت وماله اعملها وكمان النسخة الجديدة هيظهر فيها شخصيات جديدة .

هتعدلي الباقي امتى ومواعيد هتكون إيه؟

- مفيش مواعيد محددة لأنه تعديل كل ماهكون فاضية هعدل بارت او اتنين لحد مانخلصها.

وبكده اكون جاوبت على كل الاسئلة اللى تقريبا جت فى بالكم ولو اى حد عايز يسال اي سوال يتفضل يكتبه فى كومنتات وانا هرد عليه ودلوقتي اللى كل اللى عايزة أنكم تتفاعلوا واعملوا فوت على البارت الاول بعد تعديل ده فى حالة لو انتوا أول مرة تقروا بارت إنما لو تاني مرة اكتبولي رايكم فكومنتات عن طريقة كتبتي الجديدة.

وحاجة أخيرا أي بارت هنزلوا تلاقوا عليه العلامة دي ( ✓) فمعناها انه تم تعديله استعدوا فى جرعة رومانسية جديدة واحلى من أول هتشرفنا هنا وهتعجبكم.

بشكركم على متابعتكم ليا واسفة لو طولت فى الكلام عليكم واتمني لاقي دعم أكبر من قبل كده عشان اتشجع وأكمل بحبوكم اوووى يا فراشاتي 🦋✨

#جنون_شاب_وعناد_فتاة

#الجزء_الاول_من_سلسلة_حارسي

#سلمى_محمد شعبان