وحدها من فهمتني

الفصل السادس 💔

خرج جاسر من المخزن القديم و ترك رجاله يقمون بتلقين فارس درسا لن ينساه مطلقا ثم قام بتنظيف يده من اثار الدماء المتناثره عليها بسبب كثرة ضربه لهذا المسكين ليدخل الي سياراته و هو يقول
= انا لازم اروح النادى يتعملي مساچ عشان تعبت اوى النهردا و يسلام لو سلمي هى اللي هناك أديها تتلف فى حرير و بعد كدا ابقى انزل اقعد فى البار شوية اشرب حاجة تروقلي مزاجى

                      ****************
علي : ايوة يلا يلا يلا و جووووووووول يا بني طالاما انت مش قد اللعب بتلعب ليه
احمد : هي اصلا بتيجي مع الهوبل دوبل
علي : يابنى انت مش شايف النتيجة ولا ايه انا كسبك ٥/٢
احمد : و ايه يعنى الأسكور مش كبير عادى جدا 🙄
علي : مهو باين ده انت هتموت 😂
احمد : اموت من ايه يابني انا لو شديت عليك شوية هيجيلك عقدة و مش هتلعب بلايستيشن تأني
علي : على يدي 😂... يلا نروح
احمد : مستعجل ليه ولا خايف اعلم عليك
علي : تعلم عليا ايه بس ده رابع ماتش اغلبك فيه
احمد : لولاه ان الدراع بتاعي بايظ كان زمانى كسبك فى الاربع ماتشات اصلا
علي : ايوة ايوة هو العيب فى الدراع صح
احمد : ايوة
علي : 😂 طب يلا ولا امشي لوحدى
احمد : يسطا عايز تمشي ليه القعدة هنا حلوة
علي : يابني عندي مشروع عايز اظبط شوية حجات فيه
احمد : مش انت قولت انك خلصته
علي : هو انا خلصته بس فى كام فكرة جتلي عايز ازودها و بعدين لازم اتأكد انه مفهوش اخطأ
احمد : ايه كمية الدقه دى
علي : انت عارف ان همس شغاله هى كمان و البت دمغها سم بتجيب افكار من المريخ و انا خايف بصراحة ان هى اللي تكسب
احمد : ممممممم يعني هتنكد عليا و تخلينا نمشي
علي : طب متخليك قاعد
احمد : لأ هاجي معاك عشان توصلني بعربيتك 😇
علي : سعات بحس اني خلفتك و نسيتك
احمد : يسطا انت حبيبي 💋

ثم خرجا من هذا المقها متجهين إلي سيارة علي ...

أحمد : بس انت عرفت المكان ده ازاى
علي : كنت متخانق مع ابويا فى يوم فنزلت بالعربية و قعدت الف بيها شوية بعدين دخلت فى شارع ضلمة كدا كنت اول مره اشوفه فكنت عايز اعرف بيودي على فين و فضلت ماشي فطلعت على هنا و بعدين فتحت ال GPS و حفظت اللوكيشن بقى لأن صعب اوي تحفظ الطريق زي ما انت شايف تحس انك فى متاها
احمد : هو انا ليه ابويا مش زي ابوك 🤦
علي : اشمعنا يعني
احمد : انا لما بتخانق مع الحج بطرد من البيت 🙂
علي : ما انت اكيد بتخليه يشد فى شعره بسبب استفزازك ده
احمد : اه مانت مش ناعي هم حاجة
علي : نق عليا بقى
احمد : يا عم ولا بنق ولا حاجة ربنا يبركلك
علي : يسطا زعلت ليه انا بهزر والله
احمد : عارف يا صحبي ... انا بس مضايق من حالي
علي : طب متغير من نفسك انت مكنتش كدا اول مره شفتك فيها بطل تتصرمح كل يوم
احمد : انت هتعمل زيهم يا علي ... يا اخي انا عايز افك عن نفسي زهقت بقى
علي : زهقت من ايه معلش انت مبتعملش حاجة خالص حتي المحاضرات انا اللي بكتبها و بدهالك و قاعد عند فارس معظم الوقت تعبت من ايه بقى ؟!
احمد : انت متعرفش حاجة
علي : طب متعرفني
احمد : يا علي من و انا صغير كنت بطلع من المدرسة  اروح اشتغل عشان اصرف على نفسي فاهم يعني ايه عيل عنده احداشر اتناشر سنة بيشتغل عشان يصرف على نفسه .. يابني انا عمري ما لعبت زي اي طفل ... انا اللي كنت بدفع فلوس دروسي و انا اللي كنت بشتري اللبس بتاعي ... انا كنت بشتغل اربع شغلانات عشان اكفي مصريفي كنت برجع البيت الساعة اتنين بليل مش قادر افتح عيني و بالرغم من ده كنت بنام ساعتين و اقوم عشان اذاكر عشان محسش اني بضيع مستقبلي ب ايدي و للأسف لما خدوا على اني بصرف على نفسي محدش بقى بيعبرني و بيتقلي مش معاك فلوس جيب لنفسك لحد لما اختي تعبت جامد و دخلت المستشفي و كان المفروض تعمل عمليه و كدا .. فمرتب بابا كله كان بيتسرف عليها  و مرتب ماما كان بيتصرف على البيت
اكل بقى و غيره و انا كنت بتنسي فى النص و طبعا كنت بستحي اطلب فلوس منهم عشان كدا كنت معتمد على نفسي اعتماد تام و فى نفس الوقت كنت حاطت هدف قدامى و هو انى اجيب مجموع حلو فى ثانوية عامة عشان ادخل كلية محترمة اعرف اشتغل بيها شغلانه تريحني من اللي شفته و انا صغير و زي ما انت شايف اهو دخلت هندسة بمنحة و بسبب حظى النحس جدي اتوفي فى اليوم اللي طلع فيه التنسيق فمحدش فرح معايا ولا حتي باركلي .. كان نفسي يفرحوا معايا و يقولوا انه بالرغم من انه كان راجل و بيشتغل عشان ميبقاش حمل تقيل علينا إلا انه مقصرش فى حق دراسته و جاب هندسة اللي من الصعب واحد زي كان يجبها  لاكن للأسف محصلش كدا بعدها بقى بأسبوع قالولي مبروك على الماشي كدا و كأن ده العادي يعني ... ايه يعني لما  تخش هندسة !! و مزعلتش و قولت عادي لازم اقدر الظروف برضو
لاكن بعد كل ده عمري ما حسيت انهم بيحبوني او بيقدروني يا علي .. اوقات كتير كنت بحس اني مش ابنهم محدش عمره مدحني على اللي بعمله ولا قالولي كتر الف خيرك عشان مش مخلينا نحس بوجودك ... انا عمري ما قولتلهم عايز حاجة ...لما كنت بعوز حاجة كنت بشتغل و احوش و اجيب اللي انا عوزه لنفسي ...بعد دخولي الكلية بسنة ماما اتوفت و وقتها بقى عيط بحرقة و مع كل دمعة كانت بتنزل كنت بفتكر كل اللي حصل معايا و ان بسبب الشغل اللي كنت بشتغله انا مكنتش بشوف امي ولا اقعد معاها 💔 متخيل تبقى قاعد عايز تفتكر اي ذكرى ليك مع امك متلقيش و بعد كل ده مع اي غلطة حتي لو صغيرة ببقى انا ابن ستين **** و بطرد من البيت
عايزني اعدي بكل ده و مبقاش كدا ... انا مبقتش باقى على حاجة الفلوس اللي بجبها دلوقتي بصرفها عشان امتع نفسي و اشوف حياتي انا مش هتعب على الفاضي و لو عشان حوار البنات اللي بمشي معاهم فعشان اسلي نفسي برضو عشان انا عارف ان اللي زي مبيتجوزوش .. اصل هجيب فلوس منين لمصريف الجواز بالله عليك 😏 فعايش حياتي بقى ..