وعصفت بنا الاقدار

اعلان

اعلان... لا اعلم ماذا حصل؟!
للكاتبه زهراء ( روزايه)
...

لا اعلم ماذا حصل؟!
لا اعلم ماذا دهاهُ قلبي ليسقط غريق
في عينيها الصغيرتين..

ليسقط اسير في نظرتها ذلك اليوم
اليوم الذي تغيرت فيه كل حياتي..
انا السبع الذي لا اقهر..
انا الذي لا تهزني فتاة وقعت متيم بفتاة صغيره!!

منذ النظرة الاولى كتبت لي لي وحدي فقط !!
واصبحت جزء من ممتلكاتي الخاصه
ومن يتعدى حدود السبع يتلقى العواقب..
لا اعلم ماذا حصل؟!

انا التي احببته منذ البدايه وتعلقت بعينيه وبشهامته ورجولته..
انا التي ليس لها حول ولا قوه لا لنفسها ولا لغيرها..
خطف مني على حين غره!
وبقي القلب عليلاً كما الجسد...

...

مشهد1...

اول مره اشوف عيون صغار بس حلوات؟!
... ليش يعني بس العيون الكبار حلوه العيون الصغار مالهم نصيب!؟

... من هاي اللحظه الهم نصيب!!
... انت ليش قليل الكلام؟!

... شنو احجي؟ اني ويه النسوان موصلح!!
.. ليش نسوان القصر كالو عنك ابو النسوان وتعربد
ببغداد.!!

.... لا وروح ابوي مااعرف بحياتي غير هذا السلاح
وثاري هذني يرادلهن كص اللسان .

.. انت صدك مثل اسمك لو بس حجي
... انتي شتشوفين؟!
.. انت غريب مااعرف افسر طبعك؟!

... لاتفسرين لان اتعبين
... انت شكد عمرك؟!
.. ضعف عمرج ؟!

.. انت صدك كلهه تخاف منك شو اني مااخاف؟!
.. منو كال كلهه تخاف منيلج هالحجي؟!
.. عدكم هوايه بنات بالقصر وكلهه تخاف منك ويكولون من يضرب يوجع اله يطلع دم..

.. شلج بهالسوالف قابل وحش بس اسمي يخوف
.. اني مااخاف منك بس لاتشيل اسلاحك دائما..

.. وين جانت مضمومه الي الك بيهه اراده ياربي
بعد هالعمر!!
... انت ليش حاجبك مطبور عبالك ممثل فلم اجنبي

... انتي ليش هلكد لغويه وتسألين اسئله اكبر من عمرج
... اسفه!! وديني لاهلي انت وعدتني تلكاهم؟!
.. الله كريم وعد الحر دين يله كومي يابنت
الحجي وياج يخلي الواحد مايندل دربه!!

....

مشهد ثاني...
ساهره.. بنتتيييييي ياناس ياعالم قتلوا بنتي
ياظالم الله ينتقم منك الله يشوفك اللوعه بجهالك
الله يصليك بنار جهنم

شلون قتلتوا بنتي زغيره بعده اريد بنتي
ياظلام يا ماعدكم مخافه الله وين اخذتوا بنتي!!

الحجيه بركات.. ياساهره ربج يشوف وهسه يصب غضبه
على جبار بس رحمة ربج تخلصنه من هذا الحكم والجبروت

.. انتي كلتي هسه يلحك عليهم السبع وينه؟!
.. مالحك ياساهره مالحك !!

صريخ ماما وشعرهه المنفوش ايدي الترجف
وملابسي الممليه دم!!

عيوني مغوشه وحلگي متروس تراب
روحي البدت تغيب مثل ماتغيب الشمس !!

هذا القصر اشوفه مثل القبر وانسد عليه
اريد الهوه !! اريد اخذ نفس !!

حته البجي هنا ممنوع كلهه عايشه تحت
جبروت الشيخ جبار ..

اختي!!
ماما!!
بابا!!
كلهم بديت افقدهم بالسره واني طفله
مااذكر غير دم اختي طفر على ملابسي

مااتذكر بس رجفتي وعيوني الصورت
المنظر والايد الي حمتني والفت عليه ودفعني وراا

لزمة ايدي واني اصر على تشيرته بقوه
وهو لازم معصمي بكل قوته
ويدفعني ويميل جسمه كلما اتحرك
حته لا اشوف المنظر ...

صوت طلقات متتاليه خلت اذني اطن
ووكعت بالكاع بس بعدهه ايده لازمتني
ويحاول يحميني...
والكل صاااح
جرااااااااااح لاترمي عمك!!!

وين اني؟!
شصار؟!
اني منو؟!
لا اعلم ماذا حصل؟! ولماذا حصل؟!
...

مساء الخير متابعيني الكرام ⁦❣️⁩
مشاهد من القصه الجديده سابقا اسمهه خبايا القدر وغيرت اسمهه حاليآ لان الاسم مستخدم سابقآ...

قصه جديده سابقا نوهت عليهه اول مره اطرق لموضوع العشائر بس حبيتهه لان غريبه باحداثهه!!

يارب اكون على قدر المسوؤليه وبيوم الي ابلش بيه
كون مستعده ومرتبه وقتي حاليا مجرد اعلان وتثبيت عنهه
لان مااكدر اخذلكم واقصر وياكم...

طلب صغيرون اريدكم اتابعون ويايه قصة حين يزهر القدر للكاتبه المبدعه اني اقراهه وحبيت تقروهه لان حلوه ومتابعه لحسابهه Nsreen_94 ...

.
.

نلتقي قريبآ💚
احبكم...