روايه عشقت من دمر حياتي

الحلقه الثانيه والعشرون

وصلت الطائرة الخاصه التي امر جاسم بقدومها مجهزة لنقل سلمي وبها طاقم طبي مصري
قام جاسم بالاجرءات واستعد لسفرهم لبلده الحبيبه مصر
...........................................................................
(في مصر في منزل عبدالله)
غاده بتوتر:الساعه تمانيه ونص ولسه محدش كلمنا
عبدالله بقلق:غاده حبيبتي اهدي هو قال هتوصل مصر الساعه تمانيه بالظبط اكيد يأخذ وقته وراحته عقبال ما يكلمك
غاده بتوتر:انا قلقانه علي بنتي يا عبدالله
عبدالله بهدوء:معاها جوزها يا غاده
غاده ببكاء:بس هي بنتي قبل ما تبقي مراته
عبدالله بحنان:غاده حبيبتي دموعك غاليه عليا اوووي اوعي تنزل منك تاني
مسحت غاده دموعها بحب لياتي لها اتصال من جاسم ليجيب عبدالله
جاسم بهدوء:احنا وصلنا يا عم عبدالله
عبدالله بابتسامه:حمدلله علي السلامة يا ابني
جاسم بهدوء:الله يسلمك سلمي حاليا ناميه بفعل المسكن
عبدالله بتوتر:هي كويسه
جاسم بابتسامه:الحمد لله يا عم عبدالله هي كويسه انا هقفل دلوقتي لما تصحي هبقي أكلمكم تتطمنو عليها
..................................................................
في المخزن الخاص بالباشا (عز الدين)
عز الدين ببسمه شر:كده خلصت منك يا سلمي عبدالله صالح باي باي سلميلي علي شهود وقوليلها حبك ليا مكنش في محله كنت بلعب مش اكتر
.....................................................................
في مطار القاهره

يامن بابتسامه:حمدلله علي السلامة يا عم جاسم
جاسم بابتسامه:الله يسلمك يا يامن اخبارك واخبار تميم وأم تميم
يامن بابتسامه:كويسين يا عم اخبار  مراتك انت
جاسم بغموض:هتبقي كويسه بعد ما اشوف مين الكلب اللي حاول يأذيها
يامن بهمس:متنساش انك من ساعه ما اتجوزت سلمي وانت دخلتها جحيم النويري
جاسم ببرود:وماله هخرجها منه ومعاها روح الباشا مش اسمه كده صح ومحدش يعرف اسمه الحقيقي
اومئ له يامن بنعم
جاسم بهدوء:انا هركب مع الأسعاف وانت بكره في الشركه تجيلي نمشي ورق الشراكه
يامن بهدوء:تمام انا هبقي وراك عشان الشنط اللي في عربيتي
وتوجه جاسم ويامن لفيلا جاسم بالقاهرة
........................................................................
في المساء
استيقظت سلمي بعد راحه طويله لتجد ممرضتين  في غرفه غريبه لتتذكر رجوعها الي مصر لتتأكد بانها في منزل جاسم
الممرضه بابتسامه:حمد لله علي سلامتك يا هانم
سلمي بتعب:الله يسلمك
دلف جاسم الي الغرفه ليبتسم عندما وجدها مستيقظه
جاسم بابتسامه:حمدلله علي سلامتك كتفك عامل ايه دلوقتي
سلمي بابتسامه:الله يسلمك الحمدلله
جاسم بهدوء:اهلك جاين يسلمو عليكي هبعتلك دادة انعام تساعدك
سلمي بهدوء:تمام شكرا ليك
جاسم بهدوء:متشكرنيش يا سلمي
خرج جاسم من الغرفه واتصل بأهل سلمي يخبرهم بضروره قدومهم وبعث لسلمي الدادة تساعدها
مر الوقت وجاء اهل سلمي وقضو وقت عائلي سعيد مع اندماج جاسم مع العائله
...............................................................
في صباح اليوم الجديد في شركه النويري كان جاسم يجلس علي كرسي مكتبه يراجع ملف ليدلف عليه مهاب
مهاب بابتسامه:عم الناس كلها واحشني يا راجل
جاسم بابتسامه:انت اكتر انا زعلان يا عم محضرتش الفرح يعني
مهاب بضحك:ياعم كنت في مهمه والله
جاسم بضحك:سماح المرادي
مهاب بضحك:سماح اخت سميحه اه عارفهم
جاسم بضحك:خفه ياض
دلف يامن بابتسامه:منور الشركه كلها يا ع......
تقابل يامن ومهاب بنظره طويله مملوئه بالكره والحقد والضيق والغيظ
يامن ببرود:هجيلك بعدين
جاسم بهدوء:ادخل يا يامن واقفل الباب وراك
يامن ببرود:قولتلك هجيلك بعدين
جاسم بضيق:ادخل يا يامن
بالفعل دلف يامن وجلس علي الكرسي المقابل لمهاب
جاسم بابتسامه:بقالنا زمن مقعدناش القعده دي
يامن ببرود:انا ورايا شغل يا جاسم مش فاضي للقعده دي
جاسم بهدوء:خليك مكانك يا يامن
مهاب بسخريه:ايه يا جاسم انت ناسي العضو الرابع
جاسم بضحك:ههههههههه العضو الرابع مستفز وانا خلقي ضيق
يامن ببرود:كل الأعضاء مستفزين وكل الأعضاء خلقهم ضيق مهياش حاجه جديده
مهاب ببرود:كويس ان عارف
جاسم ببرود:انا بجد بشفق عليكم جدا من أصدقاء لاعداء
يامن بهدوء:طيب ما انت وعاصم من تونز لاعداء
جاسم بهدوء:عندنا اسبابنا إنما انتم كلمه ودتكم وكلمه جابتكم
مهاب بهدوء:عم جاسم مهياش كلمه وبعدين انا اصلا تعبان هروح انام سلام
جاسم بهدوء:كلمه ودور واعرف انها كلمه تافهه من واحد تافهه روح يا عم نام وانت روح شغلك
يامن بهدوء:سلام يا جاسم
مهاب بهدوء:سلام يا عم جاسم
جاسم بضيق: سلام
خرج يامن ومهاب كل شخص متوجه لجهه عكس الاخر ولكن ببالهم سؤال هل أخطئ ام هو علي صواب
جاسم في مكتبه:هنشوف يا صحابي انتم صح ولا غلط
..............................................................................
في منزل مهاب ورانيا
كانت رانيا تقلب الطعام وهي شارده الذهن لم تشعر بدخول مهاب ليحتضنها مهاب من الخلف ويبتسم:الجميل سرحان في ايه
رانيا بهدوء:فيك وفي نور
مهاب بهدوء:رانيا هو انتي عمرك سمحتي لراجل غريب يدخل بيتي وانا مش موجود
رانيا بضيق:انت شايف تربيتي وديني او اخلاقي تسمح بده
مهاب بهدوء:لا بس
رانيا بهدوء:مفيش بس يا مهاب انا متاكده انك بتفكر في موضوع يامن
مهاب بنفي:مش بفكر فيه ده سؤال عادي
رانيا بابتسامه:بص يا حبيبي انا من زمان ونفسي أتكلم معاك في الموضوع ده ارجوك متقاطعنيش وخلينا نتكلم دي لا اخلاقي ولا أخلاقه بص يا حبيبي انا عمري ما سمحت لراجل غريب يدخل بيتي سواء صاحبك او حد متعرفوش بس الموضوع مكنش باللي انت فهمته
مهاب بهدوء:فهميني
رانيا بهدوء:طول ما انت كنت في مهماتك كان يامن بيجيلي فعلا و......
مهاب بغضب:شوفتي انتي قولتيها اهوووو
رانيا بغيظ:تعالي نقعد بره وانا هحكيلك يومها ايه اللي حصل
وبالفعل خرج رانيا ومهاب بس إطفاء نار البوتوجاز
رانيا بهدوء:بص يا سيدي في فمره وانت في مهمه كان نور تعب فجآه كلمت يامن وجالي هو ومراته وابنه وروحنا المستشفي بالولد ورجعنا وطلعو معايا
فلاش باك
رحمه بابتسامه:الحمد لله نور حرارته كويسه
رانيا بحب:الحمد لله مش عارفه اشكركم انتي وأستاذ يامن ازاي
يامن بابتسامه:رانيا انتي مرات اخويا وأختي مفيش بينا شكر
رحمه بهدوء:معلش يا رانيا هجيب تميم ونمشي
رانيا بابتسامه:خليكي شويه اعمل عشا ونأكل لقمه
يامن بتعب: والله ما ينفع انا عايز انام
رانيا بهدوء:طيب كلو الاول وبعدين روحو
رحمه بابتسامه:مش هينفع والله يا جميل مره تانيه
باك
رانيا :بس يا سيدي انا متاكده ان الصور دي اتاخدت من الشقه اللي كانت قصادنا في العمارة القديمة
مهاب بهدوء:طيب دلوقتي اكيد شوفتي رحمه مرات يامن معرفتيش  انها مراته وبالعكس خليتي ابنك يتعلق بابنهم
رانيا بهدوء:متنساش ان انا بنسي الشي اللي بيبقي نارد اما بعمله او بشوفه فتخيل اول ما شوفت رحمه مكنتش فاكراها بس افتكرت يامن من صوره اللي لغايه دلوقتي محتفظ بيها وهي كمان معرفتنيش عشان انا منقبة من فتره قصيره
مهاب بينه وبين نفسه:ويامن كان ظابط زمان فأكيد لاحظ صوتها وعرفه
رانيا بابتسامه:صدقني يا حبيبي مفيش حاجه ارجع لصاحبك
مهاب ببرود:أتأكد الاول
رانيا بابتسامه:براحتك
ودلفت للمطبخ لتزيل الابتسامه وترجع مكانها وجع وحزن وضيق تذكرت من يومان عندما فتحت مذكراتها التي تدون بها كل تفاصيل حياتها بسبب النسيان
تذكرت المشكله التي حدثت وقتها تذكرت طلاق مهاب لها تذكرت نور الصغير تذكرت غيظ اهلها ومحاولتهم لإرجاعها لمنزل زوجها بسبب رفضه القاطع في العي معهم تذكرت تقربهم من بعضهم اكثر تذكرت الأوقات التعيسة كل ذلك نجحت المزكرات في إرجاع أوجاعها وأحزانها وليس فقط تفاصيل المشكله
(عرفنا سبب عداء مهاب ل يامن لسه عداء يامن ل مهاب)
........................................................................
في منزل متولي ابو محمد
اجتمع عائله مروان المكونة من الأخ والأب ومروان وعاصم
ابو مروان:استاذ متولي انا يسعدني ويشرفني ان اطلب أيد الانسه الحسناء جنى بنتك لمروان ابني عارف اننا جينا متاخر بس مروان كان عنده شغل
متولي بابتسامه:ربنا يبارك يا رب حضرتك انا سئلت عليكم لما مروان بلغني ان عنده نيه يطلب أيد بنتي وماشاء الله بس الرأي رأي العروسة ايه رايك يا بنتي
كانت جني تجلس بعيد عنهم ولكن في نفس الغرفه:اللي حضرتك تشوفه يا بابا
متولي بابتسامه:يبقي علي بركه الله
أطلقت ام محمد ظغروطه وتتابع التهنيأت للجميع بحب وقامو بالاتفاق علي كل شي
...........................................................................
في فيلا جاسم
سلمي بهدوء:انا جعانه ما تيجي نخرج
جاسم بهدوء:انتي تعبانه يا سلمي
سلمي بابتسامه:الأصابه في كتفي
جاسم بضيق:انت بتسندي لسه علي العكاز بايدك الاتنين فمش هتعرفي وبعدين انتي مينفعش تظهري
سلمي باستغراب:ليه
جاسم بغموض:عشان انتي ميته بالنسبة لحد والحد ده بيراقبك
سلمي بسخريه:ويعني جاسم النويري ميقدرش يخبيني
جاسم بتفكير:طيب ايه رايك اجيب ديلفري بس مش هنخرج
سلمي بابتسامه:إذا كان ده ماشي انا معاك يا معلمي
جاسم بغيظ وماشي يا ابلتي
سلمي بضحك:شكلك اتعديت يا جسومتي لا خلي بالك
جاسم بغيظ:انا همشي قبل ما أولع فيكي
..............................................................................
في منزل خالد وسما
كانت سما في المطبخ بينما خالد يشاهد فيلم ليضق الباب نظر خالد من العين السحريه ولم يعرف هويه الطارق فقط يرى فتاه بملابس فاضحه تذكر كاميليا التي قصت عليه سما ما حدث معها
ارتدت سما الاسدال بسرعه وخرجت لتجد تلك الحرباء الملونة وخالد يفتح لها الباب
خالد ببرود:مين حضرتك
كاميليا بدلع:كده يا خلودي تنسي حب عمرك وتجري ورا عيله متعرفش حاجه
سما ببرود؛عايزه ايه يا كوكي مش صح هو بيناديكي كده
كاميليا بابتسامه مستفزه:ذاكرتك حلوه يا ضرتي
سما:........................
...........................................................................
في المستشفي
ام يحيي بغيظ:انا قولتلك اللي ابوك قاله انتي بقي شوف هتعمل ايه
يحيي ببرود:كل خير يا امي
......
استووووووووب...الحلقه الثانيه والعشرون
اتمني ان تنال إعجابكم

توقعاتكم
ياتري يحيي بيفكر في ايه؟
ياتري كاميليا هتعمل ايه؟
ياتري سما ايه ردها؟
ياتري خالد هيعمل ايه؟
ياتري مين اللي سلمي ميته في نظره؟
ياتري ايه سبب عداء يامن لمهاب؟
ياتري مين اللي ورا تفكيكهم؟
ياتري هل سعاده مروان وجني هتكمل ولا هيتنكد عليهم قبل البدايه؟
اتمني لكم قراءه ممتعه

روايه عشقت من دمر حياتي
بقلم/مريم عماد