روايه عشقت من دمر حياتي

الحلقه العشرون

(في مصر في منزل ابو محمد)
ابو محمد بغضب:وحضرتك بقي شايف نفسك مش غلطان
محمد بغضب:حضرتك متحططش مكاني لما زميل مراتك من أيام الجامعه يقولي قضينا وقت لطيف سوا
ام محمد بضيق:بردو انت غلط ده واحد غبي حاول يوقع بينكم انت بقي تنفذ له اللي هو عايزه
ابو محمد بغضب:وبعدين في واحد يقول لمراته انتي كنتي مبسوطه وزميلك بيعاكسك
محمد بغضب:بابا انا وسالي كنا ساعتها عارفين بعض سواء فتره خطوبه او جواز ليه متقوليش
ام محمد بضيق:الإجابة عند مراتك في دي بس بردو انت غلطان انتم مش عارفين بعض من يوم او يومين لا ده انتم بقالكم ٦سنين مع بعض
محمد بغضب:يعني انا غلطان اني بغير علي مراتي
ابو محمد باستنكار:بتغير علي مراتك انت بتسمي اللي عملته غيره لا يا ابني ده شك فيها وفي أخلاقها ماشي الحب بيبقي حلو بالغيرة ولكن مش الشك الشك بيقتل الحب يا محمد
ام محمد بهدوء:ابوك معاه حق يا محمد
ابو محمد بغضب:اتفضل روح غير هدومك وبليل هنروح لمراتك نحل الموضوع ده
محمد بضيق:حاضر يا بابا سلام
ذهب محمد بينما نظر ام محمد لأبو محمد بحزن:محمد فعلا غلط بس يا حبيبي مينفعش كده انت كنت قاسي عليه اووووي
ابو محمد بحزن:انا لو حطيت نفسي مكان  عبدالله يا ام محمد هطلقها من ابنك ابنك تعدي مراحل الصغيره ودخل في الشك
ام محمد بحزن:عارفه يا ابو محمد وربنا يعلم معزه سالي في قلبي ازاي بس هي غلطت وهو غلط
ابو محمد بتأييد:فعلا هو غلط وهي غلطت
.....................................................................
(في منزل عبدالله)
سما ببكاء:والله يا خالد مكنش قصدي المعني اللي فهمته انا كان قصدي افكر معاك بصوت عالي مش اكتر وبعدين انا غرت اوووووي الحربايه الملونة دي هتكون عارفاك ازاي فكنت بفكر بصوت عالي
خالد بهدوء:خلاص يا سما ده كان خلاف بسيط بس بردو هنتقم منها
سما بحب:هساعدك بس يا خالد ارجوك متأذيهاش
خالد بحب:مش هأذيها عشان خاطرك انتي وروح قلبي
سما بغيره:روح مين يا عم لا انا كده اغير بقي وبعدين انت ليه بتتكلم عنها انها بنت ما ممكن يكون ولد
خالد بحب:عشان انا عايزها بنت زي مامتها القمر
سما بخجل:غاده بتناديني
خالد بضحك:ما انتي يا خجوله يا لسانك المتبري منك مينفعش الاتنين
سما بضحك:تدوم يا سياده المقدم خلص بقي المهمه الي معاك دي عشان انا زهقانه من القاعده لوحدي
خالد بمشاكسه:يعني مش علشان واحشك
سما بخجل: تؤ تؤ عشان زهقانه من العقد لوحدي
خالد بغيظ:اقفلي يا زفته سديتي نفسي يخربيت ام رومانسيتك
سما بحب:بحبك يا خالد
وقامت باغلاق الخط ليصدم خالد من تلك المجنونه ويقوم بفرك اذنه:اللي سمعته ده صح ولا غلط ماشي يا بنت عبدالله
..................................................................
(في منزل محمد وسالي)
كان محمد يجلس متذكرا لقائه الاول بسالي والتي لم يكن يعرف بانها ابنه صديق والده ابتسم عندما تذكر رد فعل والده ووالدته عندما علمو من هي تلك الفتاه سعيده الحظ التي أسرت قلب محمد
فلاش باك
محمد بابتسامه:انا قررت اكمل نص ديني
جني بمرح:واتجوز اتجوز اتجوز اتجوز اتجوز اتجوز تيراريرا معلش يا ابيه مقدرتش مكملش باقي الكوبليه
محمد بغيظ:استاذ سعد الصغير ممكن تتكرم وتنقطنا بسكاتك
جني بابتسامه:اووووي اوووووي يا ابيه
ابو محمد بهدوء:مين سعيده الحظ
محمد بهدوء:سالي عبدالله صالح
ام محمد بصدمه:بنت صاحب ابوك
محمد بصدمه:صاحب ابويا الله الله وانا معرفش
ابو محمد بضحكه:معلش يا ابني انت تعرف عمك عبدالله الي قابلته في الشارع وسلمنا علي بعض وانت كنت معايا
محمد بصدمه:اوعي تقول انها بنته
ابو محمد بسخريه:ايوا هي بنته واخت سما صاحبه اختك جني
جني بابتسامه:تعيش وتاخد غيرها يا اخ محمد
محمد بابتسامه:يبقي تتوسطلي بقي يا والدي
ابو محمد بابتسامه :اووووي اوووي وانا هبقي مبسوط بالارتباط ده
باك
محمد بحزن:الغيره وحشه اووووي يا سالي يا حبيبتي وممكن تقلب شك في اَي وقت
............................................................
(في منزل عبدالله)
غاده بحزن:بس يا سيدي والاتنين جاينلي انهارده منهارين من العياط
عبدالله بقلق:اطمنتي علي سلمي
غاده بحزن:العيال لبخوني هتصل عليها
قامت بالاتصال علي سلمي التي كانت تبكي بحرقه لتجد اتصال من والدتها لتمسح دموعها وترسم بسمه زائفه وتجيب علي الاتصال
سلمي بابتسامه :ازيك يا ماما وحشتيني اوووي
غاده بقلق:الحمدلله يا قلب ماما وانتي اكتر مال صوتك يا ضنايا
وكأن غاده أذنت لسلمي ببكاء لينفطر قلب غاده:مالك بس يا سلمي يا حبيبتي
قصت سلمي ما حدث لوالدتها
غاده بضيق: بعيدا اننا مربناكيش علي الرقص في الشارع واحد وغار علي مراته ولما لقي حد بيبص عليها قام ضربه انتي مدايقه ليه
سلمي ببكاء:مضايقه عشان هو ملهوش حق انه يغير جوازنا يا ماما مصلحه ليا وليه
غاده بذكاء:بالعكس هو ملوش اَي مصلحه بس انتي ليكي مصلحه في الجوازه دي
سلمي بتفكير:ازاي
غاده بضيق:يا بنتي انتي اتجوزتيه عشان هو يعالجك بينما لو بصينا من الناحية التانيه هو ملوش اَي استفادات
سلمي ببكاء:يعني انا اتفرض عليه
غاده بضيق:سلمي انتي غلطانه من النهايه انا مش عارفه انا عيالي طالعين كده ليه سلمي هو رده طبيعي جدا مراته بترقص في السياره وحد بص عليها انتي الي غلطانه في دي هو غار ومستحملش بصه لمراته وكأي راجل شرقي لازم يغير علي مراته ورجولته لا وزياده علي كده تتهميه بانه كداب
سلمي بحزن:هو مغرش عليا يا ماما هو غار علي رجولته وانا بعترف اني غلطت سواء لما رقصت في السياره او لما هنته كده
غاده بحزن:سلمي حبيبتي انا امك وبحبك عشان كده لازم اكون صادقه معاكي
سلمي بحب:يا ماما انا متاكده من ده انا فعلا غلطت انا ايوا مش فاكراكي بس صدقيني انا من اول يوم شوفتك فيه في المستشفي وانا شيفاكي  حاجه كبيره انا بحبك اوووي بس اعمل ايه
غاده بابتسامه:تروحي تعتذري لجوزك يا سلمي
سلمي بضحكه:كبريائي مش هيطاوعني
غاده بهدوء:كبريائك اركنيه علي جنب قمه الشجاعة انك تعترفي بغلطك وتعتدي وتحاولي تصلحيه
سلمي بهدوء:ده رايك
غاده بابتسامه:ايوا رأي يلا هقفل وانتي صالحي جوزك
وقامت باغلاق الخط
..................................................................
(في ألمانيا)
فكرت سلمي كثيرا لتجد صدق كلام والدتها لتقرر الذهاب الي جاسم والاعتذار له تأخذ العكاز وتذهب لغرفه جاسم تدق الباب ليفتح جاسم الباب ببرود:خير
سلمي بهدوء:ممكن تتمشي معايا في الجنينه
جاسم بسخريه:سوري مش هينفع الكداب واللي حاول يقتلك قبل كده واللي ميعرفش ربنا يمشي معاكي
سلمي بحزن:انا عارفه اني عملت حاجه بشعه انا اسفه يا جاسم علي كل كلمه وكل تصرفه اتصرفته  غلط من يوم ما عرفتك للنهارده وقابله اَي عقاب
جاسم ببرود:أسفك مرفوض اتكفضلي علي اوضتك
سلمي ببكاء:ارجوك يا جاسم انا......
جاسم بحزن:انتي فعلا معاكي حق انا كداب وكدبت الكدبه وصدقتها لأني مش مدمن زي ما الكل عارف انا دايما بعمل حاجات تظهر اني مدمن بس انا في الخفاء رجل من رجال الاعمال الناجحين
سلمي بحزن:شوفت بقي اني مش غلطانه
جاسم بحزن:وكمان انا مش عارف ديني كويس فلازم ماتكلمش عنه بس يا سلمي اللي حصل ده كان حادث انا محاولتش اقتلك
سلمي ببكاء:انا عارفه انه كان غصب عنك
جاسم بحب وحزن:وغيرتي عليكي عشان...عشان...عشان انا راجل شرقي ومراتي خط احمر محدش يشاركني فيها زي ما جاسم بالنسبالك خط احمر
سلمي بحزن:انا عارفه يا جاسم ارجوك سامحني وتعالي نبدأ صفحه جديده
جاسم بهدوء:أسامحك علي ايه يا سلمي انتي معملتيش حاجه غير انك واجهتني بغلطاتي  وعيوبي
سلمي بهدوء:يعني صافي يا لبن
أخذ جاسم شهيق:حليب يا قشطه بس بردو انا مش عارف انتي بتعتذري علي ايه
سلمي بحزن:بعتذر علي اني مراعتش غيرتك وعلي اني عملت عكس تربيتي سواء شربت او رقصت
جاسم بهدوء:خلاص يا سلمي بس احب اقولك حاجه واحده محدش يعرف اني إنسان طبيعي انا الكل يعرف ان عندي شركه وصاحبي هو اللي بيديرها
سلمي بابتسامه:مش عايز تفتح قلبك
جاسم بهدوء:مش دلوقتي الوقت المناسب انا حجزتلك مع دكتور مخ وأعصاب
سلمي بابتسامه :تمام تعالي بقي نتمشي مع بعض في الجنينه
نزل جاسم وسلمي للحديقه الخاصه بالفيلا وقامو بالمشي  بهدوء وسلمي تستند علي جاسم والعكاز
سلمي بخوف:تخيل كده اني رجعلتلي الذاكره واكتشفت اني كنت إنسانه وحشه
جاسم بهدوء:مستحيل انتي فاقده الذاكره بس مش فاقده نفسك
سلمي بحزن:انت اتجوزتني ليه
جاسم بحزن:في الاول كنت مجبور بس في الاخر حسيت انك بنت كويسه ومش لازم تضيعي من ايدي
ابتسمت سلمي بحزن:طيب انا تعبت من المشي هطلع ارتاح شويه في اوضتي
جاسم بهدوء:اتفضلي معايا
وقام بمساعدتها علي طلوع غرفتها وذهب غرفته
جاسم بهدوء:كفايه كده اوووي
.....................................................................
(في مصر في منزل عبدالله)
قصت غاده علي زوجها ما حدث لابنتهم الثالثه
عبدالله بضيق:لا ده حد ناظر في حياه العيال الثلاثه مره واحده
غاده باستغراب:ناظر ايه بس يا عبدالله عيالنا قريبين من ربنا اكيد صدفه
عبدالله بضيق:صدفه الثلاثه في يوم واحد لا يا غاده ده حد متكتك ومخطط
غاده بهدوء:لا يا حبيبي ده أعداء ليهم مش اكتر واختارو وقت وصادف انهم في نفس الوقت خير العيال هترجع تاني صدقني كلم انت بس ابو محمد
كاد عبدالله ان يخرج هاتفه ويتصل بصديقه ليتفاجئ باتصال صديقه به ليجيب
ابو محمد بإحراج:ازيك يا عبدالله
عبدالله بضيق:ازيك يا متولي انا الحمد لله
متولي ابو محمد:الحمد لله يا عبدالله عايز اقولك ان العيال دي مش هضيع صداقتنا في ثانيه
عبدالله بضيق:فعلا مش هدمر صداقتنا بس هدمر قلب بنتي وابنك
متولي بهدوء:مش هدمر حاجه يا عبدالله انا جايلك انا ومحمد وأم محمد وجني نحل المشكلة ونرجعهم
عبدالله بهدوء:اللي سالي عايزها انا هعمله وتنوروني يا متولي
اغلقت الخط بينما نظرت غاده لزوجها
عبدالله بهدوء:قولي لبنتك ان جوزها واهله جاين يحلو المشكلة
غاده بهدوء:هترجع
عبدالله بغضب:وانا من امتي بجبر بناتي علي حاجه هي هتقدر تسامح وترجع يبقي ترجع مش هتقدر يبقي ملهاش لازمه يجو
غاده بشهقه:تخرب بيت بنتك عشان هي عايزه حاجه ممكن تدمرها
عبدالله بغيظ:بنتي عاقله مش هتعمل حاجه هتدمر حياتها انا متاكد انها هتحكم قلبها وعقلها مع بعض يلا روحي
ذهبت غاده لغرفه ابنتها وتدق الباب لتمسح سالي دموعها وتأذن لوالدتها بالدخول
غاده بحنان:سالي حبيبه ماما محمد وعيلته هيجو دلوقتي فكري يا بنتي فيكي وفي اللي في بطنك حكمي عقلك وقلبك يا بنتي
سالي ببكاء:انا بحبه اوووووي يا ماما بس كرامتي رافضه يا ماما اقعد معاه
غاده بحنان:الغيره يا بنتي بتلغي العقل الغيره دي بتدل انه بيعشقك اووووي مش بيحبك فكري في اللي جاي هتبقي مبسوطه وانتي بعيده عن جوزك حبيبك
سالي ببكاء:هبقي ميته يا امي هبقي جسد بلا روح بس يا ماما كرامتي مجروحه بس ابني بردو ماما انا متلخبطه
غاده بابتسامه:اسمعي منه وفكري بقلبك وعقلك هل هتقدري تسامحي وتكملي ولا مش هتسامحي وهتنفصلي عنه......
دخلت سما بفرحه:خلاص اتصلت بخالد وقولتله قصدي واتصالحنا
غاده بفرحه:الحمد لله يا قلبي
سالي بابتسامه:مبروك يا جميل
سما بحب:باذن الله محمد يجي وتتصالحو انتم كمان ونبدأ انتقام من الحربايه الملونة وكلب البحر
سالي بضحك:باذن الله ابدئي انتي بس انتقام من الحربايه الملونة
سما بأمل:هنبدأ انا وانتي مع بعض انا متاكده من انكم هتتصالحو  انهارده
سالي بهدوء:اللي فيه الخير يقدمه ربنا
.....................................................................
(في ألمانيا)
سلمي بابتسامه:ماتيجي نخرج يا جاسم قبل السفر
جاسم بهدوء:تمام اطلعي اجهزي عقبال ما اجهز انا كمان
صعدت سلمي غرفتها لتغير ملابسها وقامت بارتداء فستان ازرق وحجاب ابيض
بينما صعد جاسم وقام بتغير ملابسه ليرتدي بنطلون ابيض وتيشرت ازرق يبرز عضلاته
انتظر امام غرفه سلمي مثل المعتاد لتخرج وتجده يرتدي نفس ألوان ملابسها
سلمي بغيظ:لا بقي انت ازاي بتلبس ذي
جاسم بغمزا:ما ممكن تكوني انتي اللي بتلبيسي ذيي
سلمي بغيظ:لا بجد والله انا الفضول هيموتني
جاسم بحب:بعد الشر عليكي علي العموم انتي عادتك تطلعي هدومك وتدخلي الحمام انا بقي بدخل اوضتك وأشوف هتلبسي ايه
ضحكت سلمي ولأول مره يري جاسم ضحكتها ينظر لها ويشرد لتتوقف سلمي عن الضحك وتنظر للأرض بخجل
جاسم بهدوء:مش لايق عليكي الخجل لايق عليكي الجنون والمشاكسة
سلمي بخجل:تعالي نخرج عشان منتاخرش
جاسم بهمس:الأزرق لايق عليكي اووووي والأبيض انا بعشقه
سلمي بهمس:عارفه انك بتعشق الابيض فعشان كده بلبسه كتير
ابتسم جاسم لتبادله سلمي الابتسامه ويذهبو للبحر
................................................................................................
(في مصر في منزل عبدالله)
ام محمد بحب:انتي عارفه يا سالي انتي حبك في قلبنا كبير ازاي وعارفه ان محمد بيعشقك
سالي بحزن:عارفه يا طنط وانا كمان بحبكم اووووي بس صدقيني محمد جرحني
عبدالله بهدوء:سالي خدي جوزك واتفاهمو في اوضتك
بالفعل وقف محمد وسالي وتوجهو لغرفه سالي
محمد بحزن:انتي عارفه اني بحبك اوووي وبثق فيكي يا سالي بس صدقيني يا سالي عقلي وقف ده مش شك ده غيره
سالي بحزن:عارفه يا محمد ان صعب اوووي حد يقولك ان قضيت مع مراتك وقت لطيف بس انت جرحتني اوووي لما شكيت في تربيتي وأخلاقي وبعدين احنا مش متجوزين من ثلاث أيام لا احنا مكتوب كتابنا من ٦سنين ومتجوزين بقالي ٣شهور ومنتظرين هديه ربنا
محمد بغيظ:الحيوان ده لما قالي كده عقلي اتلغي انا عارف يا سالي ان انا تعديت حدودي بس الغيره وحشه اوووي وانا متاكد انك واثقه في ثقتي فيكي بس يا سالي عقلي اتلغي خالص انا كان هاين عليا اقتله مش اضربه انا بحبك اوووي يا سالي وبحب ابننا او بنتنا اللي جايين
سالي ببكاء:وانا بحبك اوووي يا محمد بس قلبي واجعني اووووي لما قولتلي كنت مبسوطه وهو بيضايقني ويعاكسني
محمد بضيق:سالي احنا كنا نعرف بعض لما هو ظهر
سالي ببكاء:ده غلطي في المشكله دي فكرت بتخرجي ان الموضوع كده انتهى بس العكس منتهاش ودلوقتي انا بتحاسب
محمد بغضب:مقولتليش ليه يا سالي
سالي ببكاء:كان ابن قائدك السابق يا محمد كنت خايفه اعمل مشاكل بينكم
محمد بغضب:يولع القائد علي ابنه علي اللواء انا كل اللي يهمني مراتي
سالي ببكاء :انا اسفه انا فعلا غلط في دي احنا الاتنين غلطنا انا اسفه علي غلطتي يا حبيبي
محمد بهدوء:خلاص يا سالي الموضوع انتهى اتفضلي عشان ترجعي بيت جوزك حبيبك
ارتمت سالي في حضن محمد وظلت تبكي بينما محمد احتضنها وربت علي ظهرها وشعرها بهدوء:خلاص يا حبيبتي الموضوع انتهى احنا مع بعض دلوقتي أوعدك ان الموضوع ده مش هيتكرر  تاني والواد ده هيعرف حجمه
سالي ببكاء:بحبك متسبنيش
محمد بحب:مش هسيبك حد يسيب روحه حد يعيش جسد بلا روح يلا نطلع نقولهم اننا اتصالحنا
خرج محمد يده في يد سالي يبتسم ابتسامه نصر توحي لأي شخص بانه قام بعمل إنجاز
تفاجئ الجميع بدق علي الباب ليقوم عبدالله بفتح الباب ليجد شاب يرتدي بدله انيقه وبيده بوكيه ورد احمر وبجواره والده ووالدته
عبدالله بقلق:خير يا ابني
يحيي بابتسامه:ممكن ادخل انا وأهلي انا جاي اطلب أيد بنت حضرتك سالي
.....................................................................
(في ألمانيا)
كان جاسم يجلس علي الرمال أمامه البحر وبجانبه سلمي
سلمي بهدوء:تعرف من امنياتي اللي قرات عنها في مذكرتي ان اقعد ادام البحر وجنبي أغلي شخص علي قلبي
جاسم بمشاكسه:وطبعا انا أغلي شخص علي قلبك
سلمي بمشاكسه:مغرور اووووي عليفكره
جاسم بضحك:ههههههههه اقل حاجه عندي
سلمي بضحك:من تواضع لله رفعه يا جاسومتي
جاسم بغيظ:اكتر حاجه بتغظني فيكي يا بنت عبدالله جاسومتي دي
سلمي بضحك:بس والله بحب اقولها يا ابن وليد
جاسم بضحك:الحمد لله انك ظه.........
انتفضت سلمي مره واحده لينعدم انتظام أنفسها ليحتضنها جاسم بتوهان لتقول بصعوبة :جااا...س...م...متس...متس...بنيش
تفقد الوعي وقعد جاسم يده علي الجهه الخلفية من كتف سلمي وينظر ليده ليجدها مملوئه بالدم لينزل دمعه خائنه من عيناه ليصرخ :لاااااااا سلميييييييييييييي متسبنييييييش ارجوكي انا بحبك ارجوكي
...
استوووووب...الحلقه العشرون خلصت
اتمني ان تنال إعجابكم

توقعاتكم
ياتري سلمي هتموت ولا جاسم هيلحقها؟
ياتري محمد هيقتل يحيي ولا هيسيبه؟
ياتري مشكله محمد وسالي هتتجدد تاني؟
ياتري مين اللي ضرب نار علي سلمي؟
ياتري جاسم هيحصل فيه ايه
ياتري اللي ضرب نار علي سلمي عز الدين ولاالشباب اللي جاسم ضربهم؟
هل الشباب اللي جاسم ضربهم دول متوحين من عز الدين ولا لا
اتمني لكم قراءه ممتعه

عشقت من دمر حياتي
بقلم/مريم عماد