رغماً عني

part 17

صفن بوجهي لثواني واردف // اليحب مو شرط يحصل حبيبه ... بس شرط عليهِ شوكت ما يحتاجه حبيبه يكون موجود نوور  اذا جان يحب .... واني موجود الج شوكت ما تحتاجيني نووري

انطاني ظهره مسح على لحيته بتوتر وعصبيه اهذ اغراضه من على الطاوله وصل يم الباب قبل ما يطلع التفت عليَ وهوه يكولي

/// هاا وعود انتظر رجعتج الي نادمه وعيونج مليانه دموع ساعتها اني الي راح افرح ... اي اي لا تباوعيلي هيج انتظرج تجين ندمانه وزعلانه منه هم..... علمود ساعتها اشعل شيب ابو المطلقين واصفه بصف المطلقين هم ...

عافني وطلع بقيت صافنه على الباب صدوك يحجي .... مهااب اذا يريد شي يلخذه ياخذه

بس هسه هوه راح يسلمني بأيده لعامر ..

كعدت بخمول على الكرسي واني صافنه وافكر بكلامه معقوله اكون ضلمته بموضوع عمو والورث

بس شلون اني سمعته بأذني يكوله خير انشالله  معقوله غير رأيه بعدين ....

احس نفسي تايها بدوامة الافكار محد ديوكف بصفي يشجعني .... الكل ضدي وهذا الشي يخوفني بزياده احس نفسي وحيده  بنص هالكوكب الكبير .....

بقيت كاعده وحدي بالاستقبال والتلفزيون مشتغل  بس بالي وتفكيري ابد مو يمه

شويه واجتي امي وسحر بس شكلهم مو طبيعي

امي ضايجه وعيونها طالعه من مكانها من العصبيه وسحر غيونها منفوخات اثر البجي

كمت سبمت عليهم باوعت على امي بأستغراب وسألها شبيكم

جاةبتني وهيه تأشر على سحر الي ركضت لغرفتها بسرعه

//هايه اختج المفضحه فضححتنه اليوم ببيت عمج  صعدت هيه وتمارا مثل الورد فوك اشو ششويه ونزلتلي هايه الخبله تبجي وتصيح ماما كومي اريد ارجع عنج وعمتج بقوا صافنين عليها يمعوده شبيج شكو شصاير متكو جواب  تبجي الي يكول واحد ضاربها بساطور  والله كمنه دنروح والله شكو تعالي نروجطح بتكسي ما اريد همه يوصلونه وقتيبه ما نزل متريده الافنديه عمج عصب واخذ السويج وصلنه هوه جزا الله خير

بالطريق يكولي مادام هالكد نافرتنه سخر هاهيه بأقرب وقت افصخ الخطبه وخلي المياه ترجع لمجاريها اني عمها وما تريد تشوفني ولا اوصلهاا  ضليت ساكته ما اعرف شكول للرجال كله من مره  ورا هايه ام دميعه لعبت بينه لعب

///ماما على كيفج وياها ترا انتو جنتو جابريها حقها ها

///دنجبي  امشي شوفيليها شبيها دتبجي ولو اعرف بيج ما تكوليلي اعرف اني بنفسي

//لا لا هسه اصعدلها اني

__________

دكيت باب غرفتها ماكو اي رد .... فتحت الباب بهدوء الغرفه ضلمه ومموجوده بيها