رغماً عني

مهممم واحداث

متابعيني العسلللل 

اول شي شلونكمم 

تحضيراتكم للعيد 

اخباركم

والله اني جنت ناويه انشر البارت اليوم ومن الصبح هم لان اني كتلكم بين يوم ويوم بس تدرون شصار 

اني اكوللكم 

خالتي سوت عجين مال كليجه بكد شعر راسي ولهسه ما مكملين  شكد سوت سمسم ولا تمر الي يشوفها يكول احنه عشيره هوه احنه نفرين ونص وحته ما ناكل هوايه وعاد ياريت اكو اقارب ادزلهم ماكو ابد 

بس هيه تحب تنتحر بالكليجه هههههههه 

وداعتكم يا عسل يا انتو لهسه ما مكملين 

واني كاتبه البارت بس قصير يعني مراح يرضيكم وما حبيت انشره وهوه مو كامل لان بعد دادورلكم على قفله زينه من بين احداثه 

هههههه ومع ذالك ما حبيت يمر البوم وما انطيكم شي جبتلكم بعض الاحداث من البارت الجاي انشالله 

ــــــــــ

نور حسيت كرامتي انهانت من هذا الراجدي مو لان ضربتني راجدي ...لا والله حسيتها انهانت لان سمحت لنفسي احجي ويه 

شخص غريب وما اعرفه وتنازلت عن مبادئ واخلاقي لهذا الشي الي استمر ايام بس عقوبته اني متأكده راح تستمر لسنوات 

وكف مهاب بكل قلقل الدنيا على محيا وهوه يسألني بقلقل وخوف 

// شبيج نوري خوما مريضه ليش دتبجين .؟؟ منو وياج خوما امي ضوجتج بشي 

باوعت بعيونه كرهت نفسي وكرهت الساعه واليوم الي حجيت بي ويه عامر ويجوز الايام والي راح يصير راح يخليني اكرهن اكثر

حسيت بحنيه مهاب وخوفه عليه حسيته هوه الي راح ينجدني بس هذا مجرد احساس لو مهاب يعرف يذبحني وما يكرم جثتي بالجنازه اصلا 

جاوبته امي بكل غضب وخيبة امل هيه تجاوبه واني اقره الشهاده على روحي الدنستها بهيج موضوع 

ـــــــــــــــــــــــــــــ

هذا اول غش تعالو نروح لياسه المكروده وزيد المستهتر  ههههههه

ـــــــــــــــــــــــــــ

دفعته بسرعه بس هوه بقه متمسك بيه بقوه  والخجل ماخذ مكانه من وجهي ومشاعري 

ما اعرف بشنو اوصف مشاعري اول مره شخص يتعدى حدوده ويايه هيج 

انفتح الباب فجأة  واحنه بالوضعيه المفشله دفعته بأرتباك هوه رجع سحبني وحاوط اكتافي بذراعه الطويله 

اتقدمت علينه بكل مكر وحقاره طلعت كلينكس من الباكيت البيدها وهيه تباوعلي بنظرات قهر و حقد 

فجأةًَ غيرت ملامحه وابتسم ابتسامه كاذبه وقدمت الكلينكس من شفة زيد وهيه تكوله بدلع اغاضني 

/// زيود طبعاً عرفتك راح تسوي هيج ف حبيت اتلاحكم قبل ما تطلع هيجي كدام العالم مثل ما سويت بخطوبتنه فشلتني كدامهم تذكرر بوكتها جنت ما تحبني بس شهواتك طغت عليك مثل حالتك هسه ويه هالطفله  هههههههه 

باوعت عليها بصدمه من جرأتها الحقيره شلون اخلاقها تسمحلها هيج 

والزاد الصدمه ردة فعل زيد ابتسم الها وضحك ضحكه خفيفيه وهوه يسحب الكلينكس من ايدها 

ــــــــــــــــــــــــــــــــــ

يلا هالكد كافي 

بلا شنو توقعاتكم الحلوه تدرون اني كل ما اتعاجز اكتب اطلع اخر بارت واقره تعليقاتكم الحلوه اتشجع واكول 

ولج حفصه شكد حقيره انتي امشي اكتبيلهم خطيه هههههههه 

ها وياسه ونور يسلمون عليكمم جثيررررر جثيررر السلام 

جان سويتلكم سكرين بس فاتحه لابتوب هههههه خاصة سوالف ياسه تضحك من تحجي على زيد المستهتر 

دمتم سالمين عسلاياتي ....

حفصه الهاشمي ....