يدها إمتدت لراسو بخجل وخلال ثواني كانت اصابعها الناعمة غااايصة في غابة آسر الكثييفة...كان شعرو كتييير بطريقة ما طبيعية غزيير شدييد ولونو بين بني واسود ونااعم...استمتعت وهي بتلعب ليهو بشعرو ولمعت في راسها فكرة جهنمية...بعد مسافة رفع راسو من حضنها وقال ليها بهمس:شكراً.
ردت:العفو.
بتردد قالت ليهو عن فكرتها عاين ليها مسافة وهو رافع حاجب باستنكار...وقال ليها:انتي جادة؟!
تارا بصوت طفولي:بليييز يا آسر.
نزل راسو وبعدها رفعو وقال ليها:امممم على شرط.
- شرطك شنو؟؟!
- اعملي لي كبسة.
فتحت عيونها بصدمة وقالت:آسر 😧😧😧.
- مالك ما بتعرفي.
- آسر ياخ.....اوووف طيب بعملها ليك.
- طيب تمام...تعالي يلا.
- اجي وين؟!
- غيرتي رايك يعني.
عيونها التمعت بحماس وهي بتقول:لالا جيت.
آسر قعد في نص السرير وهي وقفت على ركبها بوراهو ويدها إمتدت لشعرو شالت المشط وبدت تشق ليهو في شعرو...
عرفتو فكرتها...كان نفسها تمشط لآسر شعرو 😂😂🤦💔...بعد مسافة خلصت وكان شكلو كيوووت وحلو كانت عاملاهم ليهو خمسة...وواصلين لحدي رقبتو...
عاين لنفسو في المراية وقال ليها باستهزاء:ناقص حلق.
تارا قالت ليهو بحماس:طيييب ثواني بس.
مشت لغرفة للملابس وبعدها جات طالعة وهي شايلة ليها حلق رينق صغيير لونو فضي...النوع الممكن يتركب بدون قدّ داك...ركبتها ليهو اضانو وقالت ليهو بحماس:هههه تشبه الشماسة 😂😂😂.
اما هو فكان بعاين ليها بصدمة وجا عشان يطلعو بس مسكت يدو وقالت:لاااا بلييز ما تطلعو بلييز.
اتنهد باستسلام وبعدها قال ليها بخبث:بس تااني ضريبة.
قالت بدون تفكير:موافقة...بس خليني اصورك وننزل لناس جدو كدا.
نطط عيونو وقال ليها:لا طبعاً انتي عايزاهو يقتلني.
عضت على شفتها وقالت ليهو برجاء:بلييييز يا آسر بلييييز 😢.
آسر:اووووف طيب تمام لكن لو حصلت لي حاجة عليك انتي.
ابتسمت برضا وبعدها رفعت تلفونها وصروتو كم صورة وبعدها مسكت يدو وقالت ليهو:يلا ننزل.
نزل معاها بتردد شديييد وهو بستعيذ من الح يحصل ليهو....
_________________________________🦋
الجد والجدة ومنى وجنى وبكري كانوا قاعدين وقدامهم حاجات الشاي والقهوه والحلا...بتونسوا في امان الله...بس فجأة شافوا ليك آسر نازل بمنظروا داك..
