رزان مصطفى دي صحبتها الانتيم...عسوولة كدة وضعيفونة....بتحب تارا وبتخاف عليها...دا غير انها خوااااافة جدددا....هندسية برضو...
امل محجوب دي جريييئة شوية وم بتخاف نهااائي....برضو هندسية....
عبير عثمان كيوت كدة ومسكينة احياء....واخيرا تالين مصطفى احياء برضو....
المهم سلمت على صحباتها وقعدت....بعد شوية كدة الجرس ضرب معلن بداية الحصة الصباحية....وحدة فيهم قامت من مكانها ماف طبعا تارا اولتهم لكن نهائي الحصص يا نايمة يا بتتونس يا مركبة الmp 3 وبتسمع...نادرا م تنتبه في حصة لكن لمن تمشي البيت م بتعرف زول....
امل كمان في المدرسة مهملة....ونفس الشي تالين حفارين في البيت بس...اما عبير ورزان مساكين حفارين في كلو وكل م يقولو ماشين الحصة الصباحية الثلاثي بمنعوهم....كالعادة م حضروا الحصة الصباحية....
واصلا شجرتهم دي ورا المدرسة يعني زول جايب خبرهم ماف....كانوا قاعدين بتونسوا...وورا مبنى المدرسة كان في مبنى جامعة التقانة هندسات...
امل:بنات عاينوا داك.
كلهم اتلفتوا مكان امل بتأشر كان في شلة شباب واقفين في شرفة وبعاينوا ليهم....وطبعا الشرفة في الجامعة....
تارا كانت قاعدة في الارض ورافعة رجل ومنزلة رجل تانية وما لابسة طرحة وبتاكل في حلاوة مصاصة....ومنزلة راسها...لو م الشعر والهدوم من بعيد تحلف تقول ولد...مع انها قادة قدتين في اضانها زايد واحدة فوق بس نادرا م تلبس فيهم حلق....
تالين:واااي لكن مززز عديييييل 😍😍.
الاولاد كانوا بعاينوا ليهم وبضحكوا....تارا ما رفعت راسها...
رزان:انا خايفة استاذة تجي.
امل:نفسي يوم اسمعك وانتي بتقولي انا م خايفة 😑.
عبير:توتة ارفعي راسك عايني ليهم.
تارا رفعت راسها والاولاد اول م شافوها قلعوا عيونهم باعجاب واندهاش....
واحد فيهم رفع ليها تلفونو بمعنى الرقم....
تارا عاينت ليهم وابتسمت باستهزاء...
امل:بتكلم معاك.
تارا:م عندي ليهو شي.
رزان:حرام عليك شوفيهو مز كيف 😯.
تارا قامت على حيلها ونفضت ملابسها وقالت ليهم:يلا الحصة باقي فيها خمسة دقايق..ارح نشرب موية مسافة تنتهي.
ومشت خلت الولد خشمو ملح ملح 😂😂...
صحباتها طوالي تبعوها....
مضت الخمسة دقايق والاستاذة م طلعت واكتشفوا انو الاستاذة اخدت الحصة الاولى برضو...
_____________________________________🦋
في التقانة....
- لا هي قايلة نفسها منو تسفهني كدة 😾.
ضحك باستهزاء وقال:عشان انت اديتها اكبر من حجمها 😏.
