- ياخ لكن انت لو شفتها سمحة كيف تحلف تقول م بشرية 😍.
واحد تاني:عليك الله طقها عين اكتلها 😒.
- والله عجبتني عديل..بس فاتتك يا آسر.
آسر الضحك في الاول:مافي مشكلة الدنيا بداية سنة بنشوفها كتيير تاني...ولا شنو يا ماهر.
ماهر:اي والله لكن اقسم بالله حركتها غاظتني.
مازن صاحبهم:تكبر تنسى 😂.
نتعرف عليهم....
آسر سمير عمرو 19 سنة سنيير معمار ❤️....ضعيف شوية ومعضل...طولو حلو....لونو اسمر فااتح (اتمنى تكونوا عرفتوهو 😀)...عيونو بنية ناعسة وكحيلة...في نفس الوقت عيونو فيها غموض عجيب...صوتو فيهو بحة خراافية....عندو سكسوكة خنفتشارية 😍....وعندو غمازتين من اققققل شي بظهرو وتحلف تقول محفورات حفر (عيني بااردة ❄️)...ظريف شديد مع اصحابو ومضضضحك لمن غلط...لكن بعد مرات بتقوم عليهو حالة كدة....استغفر الله تقول القطب الشمالي والجنوبي اتوزعو فيهو....عندو شلة شباب اذا جو داخلين الجامعة كلها تصن تعاين ليهم لبيسين وقاشرين....ابوهو مسؤول في الحكومة اخوانو كلهم كبار وفي النهاية هو وعندو اختو اصغر منو ممتحنة تالت...
ماهر برضو معمار حلو وجنوو بنات حلبي كدة ومز....
مازن دا الحفار بتاعهم دايما هو الاول وآسر التاني....وآسر دا بجي التاني كيف الله اعلم 🤷...
وعمار وابراهيم ديل هندسة مدنية ديل كمان ظريفين شديد وحلوين ومززز....واخيرا ابو بكر قاعدين يقولو ليهو بكري...يلا دا تافه تفاهة شديدة اخدراني كدة ومز مدنية برضو.
____________________________________🦋
نرجع لصحباتنا....
بقو في مصيبة الاستاذة اخدت الحصة الاولى....
تارا مشت لبنات اولى وشالت ليها اربعة شنط ادتها لصحباتها وقالت:ادخلوا وقولوا ليها ترحيلنا اتعطل.
رزان:وانتي؟؟
تارا:م تخافي علي انا بتصرف.
امل:لا طبعا يا نخش كلنا يا نقعد كلنا.
تالين وعبير:بالظبط كدة.
تارا بحدة:ح تدخلوا ولا كيف😾.
رزان:بس يا توتـ...
تارا قاطعتها بعصبية:ادخلوا ياخ انا ما فاضية ليكم 😠.
صحباتها خوف ساي دخلوا الفصل وقالوا للأستاذة الكلام القالتو ليهم تارا...
الاستاذة دخلتهم....
تارا كانت ماشة تجيب ليها شنطة تانية...لانو لو كان دخلت معاهم الاستاذة ح تشك لانو المدرسة كلها عارفة شلة تارا....اثناء م هي ماشة كدة المديرة شافتها 🙊....
تارا كانت مدياها ضهرها....بس سمعت صوت المديرة وهي بتنهرها...
المديرة بنهرة:فصلك وين يا طالبة 😾.
تارا لفت ليها ببطئ والمديرة اول م شافتها مسكت راسها وقالت:تارا عثمان😪.
تارا عاينت ليها وقالت:نعم.
المديرة:ليه م دخلتي الفصل؟؟
تارا:م هو انا كنت بس ا ا ا ا.
المديرة:تعالي وراي.
تارا مشت ورا المديرة للفصل المديرة دقت الباب ودخلت وقالت للاستاذة..
- لو سمحتي يا استاذة.
الاستاذة:اتفضلي.
- تارا عثمان حضرت معاك الحصة الصباحية؟
- لالا ابداً.
- شكراً ليك.
المديرة طلعت وقفلت الباب...اتلفتت لتارا وقالت ليها:قدامي المكتب.
تارا مشت ورا المديرة بملل ودخلت المكتب...المديرة قعدت في الكرسي بانهيار وقالت:تارا يا بتي حيرتيني معاك...ليه م بتكتبي وم بتدخلي الحصص.
تارا قعدت في الكرسي ببرود وخلفت رجلها وقالت:مزاجات بس.
المديرة وقفت على حيلها وقالت بنهرة:قومي على حيلك انا بتكلم معاك 😡...طلبت منك تقعدي انا 😡😡😡.
ردت ببرود:رجلي وجعتني.
- انتي في يوم ح تجلطيني يا تارا...اول حاجة البسي الطرحة دي في راسك انتي م شافعة صغيرة...ثم ثانيا لمدة اسبوع ح ترشي لي اي نبتة في المدرسة دي فهمتي...وتاني لو لقيت شعرك دا برا بجزو ليك فهمتي 😡.
تارا وقفت ببرود وقالت:الخرطوش وين؟؟
- امشي اسألي خالتي حواء.
تارا طلعت من مكتب المديرة ومشت لخالتي حواء شالت منها الخرطوش ورشت ليها شجرة واحدة ومشت قعدت تحت شجرتهم ديك لغاية م الحصة انتهت...
اول م الحصة انتهت مشت دخلت الفصل وصحباتها م سألوها...مرا اليوم الدراسي عادي ونهاية اليوم اي وحدة مشت بترحيلها الا تارا كانت منتظرة السواق وهو اتأخر شديد...
حست بالجوع وكان جمبهم كافيتريا كدة مشت الكافتريا وكان معظمها اولاد التقانة وطبعا اول م دخلت كل الانظار اتحولت ليها وسبحان الله كانت لابسة طرحتها بس كانت في نص راسها لكن برضو م قصرت 😂😂😂😂.
م عبرتهم كتير طلبت ساندويتش وبقت واقفة منتظرة طلبها فجأة تسمع صوت زول بقول:يا عمر اسمعني هنا اديني ليهو بعشرين جنيه نحن ناس جايين من القرى ناس الكاطشوب والمايونيظ ديل م بنفعوا معانا بجيبوا لينا الكلى 😂😂😂💔.
الناس كلها قعدت تضحك وصحبو قال ليهو:م كدة لكن يا آسر خربت الاسماء عديل كدة 😂😂👊.
آسر:المهم انا كلمتك مش هي خمسة وعشرين جنيه الخمسة جنيه حقت العواليق والمصايب دي.
تارا وقفت عاينت ليهو مسافة...بعد شوية شالت طلبها ورجعت المدرسة خمسة دقايق والسواق جا واعتذر ليها بأنو كان واقف في صف البنزين....
_____________________________________🦋
في مكان اخر....
- وااااااي يا وجعتي يا بتي يا حليلك يا سيد بيتي 😭😭😭.
- امي خلاص ما تبكي ح نرجع حقنا ان شاء الله 😭.
- وريني كيف يا بتي..بس وريني كيف 😭💔.
- بتتفرج يا امي أن شاء الله 💙.
- يا ربي نحنا تحت رحمتك يا ربي الطف بينا يا رب العباد 🙏.
____________________________________🦋
# لها بقيـــة....
