"ငါက နောက်နေတဲ့ပုံပေါ်နေသလား"
"ဟင့်အင်း ဟင့်အင်း မပေါ်ပါဘူးဗျာ။
မတ်တတ်ရပ်ပြီး ဒီလိုလေးလက်ပိုက်
လိုက်ပြီနော်။မျက်နှာလေးကိုပြုံးပါဦး
ကိုကိုရဲ့"
မောင်က အသည်းယားအောင်လုပ်ပြနေတော့
မောင့်ကိုကြည့်ရင်း ကိုကိုရယ်ချင်လာသည်။
မရယ်မိအောင်ထိန်းတော့ နှုတ်ခမ်းကိုလည်း
ကိုက်ထားရသည်။တကယ်ကို ဘယ်လို
ကောင်လေးမှန်း မသိ။
"ကိုကိုရယ် ကျွန်တော့်ကို ဒေါသမထွက်
ပါနဲ့နော်။မျက်နှာလေးက ရဲတက်လာပြီ"
ကိုကို ဒေါသထွက်နေတာတော့ မဟုတ်။
ရယ်ချင်လို့ မနည်းအောင့်ထားရတာပင်ဖြစ်မည်။
"ကဲပါကွာ အချုပ်ခန်းအကြောင်းလေး
ကြွားစမ်းပါဦး"
"ဟုတ်ကဲ့ဗျ"
သူ့အကြောင်းကြွားရမယ်ဆိုတော့ မျက်နှာက
ခပ်မြူးမြူး။
"အဲ့နေ့က ရန်ပွဲက အကြီးအကျယ်ပဲ။
ချိန်းပြီးတော့ ချကြတာဗျ။နေရှင်းအပါအဝင်
တခြားသူငယ်ချင်းတွေနဲ့ဆို ဆယ်ယောက်
လောက်ရှိမယ်။သူတို့ဘက်ကလည်း
အဲ့လောက်ပဲ။one by oneချကြတာ
ပျော်စရာကြီးသိလား"
"ငါကဘယ်သိမှာလဲ"
ရုပ်တည်နဲ့ ကိုကိုက ပြန်ပြောလာတော့
မောင့်မှာ အရှိန်တောင်ပျက်သည်။
"ဟုတ်တာပေါ့ ဘယ်သိမှာလည်းနော့်။
ဆက်ပြောမယ် အဲ့မှာချရင်းနဲ့ ကျွန်တော့်
အလှည့်လည်းရောက်ရော အဲ့ဘက်က
အကောင်က ထွက်ပြေးတာကိုကိုရယ်။
ရိုးရိုးတန်းတန်း ထွက်ပြေးတာမဟုတ်ဘူး
ပါးစပ်ကလည်းအော်သေးတာ ကျွန်တော်
အော်ပြမယ်။
'ကယ်ကြပါဦးရှင့် အယ် မဟုတ်ပါဘူး
ကယ်ကြပါဦး..သားကို သော်ယံမောင်
လိုက်ရိုက်နေလို့ ကယ်ကြပါဦးဗျာ'တဲ့။
ဟားဟား ကျွန်တော့်မှာလိုက်ထိုးရတာတောင်
သူပြောတာကြောင့် ကြိမ်တုတ်ပဲပြေးဝယ်ပြီး
ရိုက်ရမလိုလိုနဲ့"
"ဪ တော်တော်ပျော်နေတယ်ထင်တယ်"
"ဒါပေါ့ကိုကိုရ ပျော်စရာကြီး။
ကျန်သေးတယ်။သူကလေ ရဲစခန်းထဲကို
အော်ပြီးပြေးဝင်သွားတာ။
ကျွန်တော်ကလည်းမသိဘဲ လိုက်ဝင်ပြီး
တွေ့တာနဲ့တစ်ခါတည်း အားရပါးရထိုးတော့
တာပေါ့။ပြီးလည်းပြီးရော ရဲတွေလာဆွဲမှ
ရဲစခန်းမှန်းသိတယ်။အနောက်က လိုက်လာ
တဲ့သူတွေကလည်း ရဲစခန်းမှန်းမသိဘူး။
ကျွန်တော်နဲ့အဲ့ကောင် ငြိမ်ငြိမ်လေးနေနေပြီး
သူတို့ရန်ပွဲကိုကြည့်လိုက်ရသေးတယ်။
နောက်တော့ အုပ်စုလိုက်ကြီး အချုပ်ခန်းထဲပျော်ပျော်ပါးပါးကြီးဝင်လိုက်ရရော"
YOU ARE READING
ချစ်ရပါသောမောင် (ခ်စ္ရပါေသာေမာင္ ){Completed}
Romance❣︎𝐴𝑟𝑡 𝑏𝑦 𝑆𝑢𝑦𝑖❣︎ ❦{Own Creation}❦ Unicode&Zawgyi မောင်ပေးတဲ့ အနွေးဓာတ်တွေကို ဖမ်းဆုပ်ထားရင်း နွေးထွေးခြင်းဆိုတဲ့ ခြုံထည်လေးကို ရက်လုပ်မယ်။ Start Date>>(5.7.2020) End Date >>(2.10.2020) -လီလီဟန်- ေမာင္ေပးတဲ့ အေႏြးဓာတ္ေတြကို ဖမ္းဆုပ္ထားရင္း...
Chapter-12
Start from the beginning
