عشقته رغما عني

الفصل العشرين من وتمضي الايام ♥️

صلوا علي الحبيب المصطفي صل الله عليه وسلم ... ♥️♥️
________________
متنسوش تعملوا فوت ( تصويت ) من النجمه اللي موجوده في اخر الشاشه علي اليمين دي وكومنت برايكم الجميل والمهم جدا جدا جدا لما تخلصوا قرايه ان شاء الله ويارب الفصل يعجبكم... ♥️♥️
_________________
توقفنا الفصل الماضي علي الموقف المحرج الذي فعله مدرس اللغه الالمانيه لريحان بانه طلب يدها لروبا للزواج من من ؟ من زوجها ! من درغامنا لنري ماذا سوف يحدث ويلا نشوف القدر لسه مخبي ايه لابطالنا .....
__________________

في فيلا درغام ...
خالد بابتسامه للواقف امامه وبدا يعرف اولاده : دول ولادي يا استاذ احمد واكمل مشيرا لساجد : ده ساجد ابني الكبير مهندس و هو اللي ماسك مجموعه شركات درغام في مصر واكمل مشيرا لنوح : وده نوح ابني الوسطاني خريج الاكاديميه الدوليه للطيران طيار يعني واكمل مشيرا للاخير : وده ابني الصغير ثائر طالب في سنه رابعه كليه تجاره انجلش و لاعب كوره اعتقد انك تعرفه
احمد بتاييد لكلامه : اه طبعا عارفه ده صلاح الجديد حد ميعرفوش اتشرفت اني قابلتك يا كابتن وطبعا اتشرفت بيكم كلكم واكمل لخالد بقلق واضح : خالد بيه هو في ايه انا مش فاهم حاجه خالص هو انا طلبت حاجه غلط
نوح متحدثا تلك المره بعدم فهم وضيق من الوضع الحالي : هو في ايه يا بابا بالضبط
خالد ببساطه لا تتناسب مع ما يود قوله : استاذ احمد جاي طالب القرب يا ولاد جاي يطلب ايد الانسه روبا اختي قالها والقي الصدمه عليهم وحل صمت مريب قاطعه نوح وهو يهتف بصياح : نعم ! جاي تتقدم لمين يا حيلتها
ساجد بغضب مماثل : اتكل علي الله انت يا حج اطلع فوق واحنا هنشوف الموضوع ده مع الاستذه ونخلص
احمد بخوف حقيقي : تخلصوا علي ايه بالضبط واكمل حديثه لخالد بسرعه : في ايه يا خالد بيه انا مش فاهم ايه الغلط في طلبي والله ولو كان كارثه اوي كده كأني مطلبتوش خالص ولا تزعلوا بس انا فعلا مش فاهم
نوح وهو يقف امامه ويضع يده علي كتفه فقد كان الاخر قصير القامه ونوح بالنسبه اليه عملاق : انا هفهمك بس بطريقتي انا
خالد مانعا له : استني يا نوح بص يا استاذ احمد كل اللي حضرتك عملتو ببساطه انك جاي تطلب ايد ام التلاته دول
ابتلع احمد ريقه بصعوبه وهو ينظر للواقفين حوله في وضع الدائره واصبح يتصبب عرقا من وضعه الذي لا يحسد عليه اطلاقا ليهتف وهو يرفع نظارته الطبيه بسبابته : يا نهار اسود ! استني بس عشان هيغمي عليا دلوقتي حالا يعني حضرتك جوزها ! وهي تبقي ام ريحانه صح
خالد بابتسامه في غير موضعها : تخيل حضرتك جاي تطلب ايد مراتي المفروض اعمل ايه
احمد برعب برغم من بساطه حديثه : المفروض اقل حاجه تديهم اشاره بس و هيعملوني كفته ومعصجه كمان بس والله انا ما كنت اعرف والله يعني ثواني بس انسه روبا أ أ أقصد مدام روبا تبقي مخلفه التلت وحوش دول
نوح بغضب : تصدق حصل فعلا وانت ليلتك انهارده مش معديه هتبات في العنايه ان شاء الله
هنا دلفت روبا ورأت مظهرهم لتهتف باندهاش : ايه ده هو في ايه اللي بيحصل هنا
اغمص خالد عينيه محاولا التحكم باعصابه ماذا اتي بك الان ايتها البلهاء
احمد بخوف : ارجوكي يا مدام روبا ساعديني انا مكنتش اقصد والله
روبا بعدم فهم : في ايه يا خالد في اي يا ولاد واقفين حوالين الراجل كده ليه حصل ايه
ساجد بحده هو بالطبع انسان متحضر ومتفاهم لاوسع نطاق ولكن الي والدته وعرض بيته يتحول اكثر شخص همجي في الوجود : خد ماما واطلع يا بابا واحنا هنخلص
فتحت روبا عينياها بصدمه : تخلصوا علي مين في ايه يا خالد ما ترد عليا .. رد عليا انت يا استاذ احمد حصل ايه...قالتها عندما تاخر زوجها في الرد وكان صمته هو الاجابه عليها
احمد بتهتهه في الحديث من شده التوتر : كل الموضوع اني طلبت القرب من الاستاذ خالد ده اللي حصل والله
روبا وعقلها لم يستوعب بعد : تطلب القرب في مين
منك .. منك يا مدام قالها خالد لاول مره منذ هبوطها اليهم واكمل بنبره صوت منخفضه بعض الشي : استاذ احمد جاي يطلب ايدك مني يا مدام روبا جاي يطلب ايد مراتي مني
نظرت له روبا بصدمه حقيقيه تلك المره ولم تقوي علي اجابته ليهتف احمد باسف للمره المئه علي ما يعتقد : انا والله العظيم اسف والله ما كنت اعرف انا مكسوف من نفسي والله ما كنت اعرف ان حضرتك ام ريحانه ولا كنت اعرف اي حاجه من الكلام ده خالص والله مكنتش متخيل ريحانه قالتلي ان فرح اخوها اخر الاسبوع و يعني شكل حضرتك صغير متخيلتش تبقي ام ساجد بيه ولا باقي البهوات