Love at its Greatest (Love Series #3)

Chapter 21: Your Love Restores Me

"May bagong construction projects ang Sagittarius ngayon. Nabanggit ko na rin yatang kaga-graduate ko lang din sa masteral degree ko in business, kaya may ilang office works na rin akong ginagawa."

Minnah clapped her hands. "Nakaka-proud ka talaga, Terrence! Isang araw malalaman ko na lang na 'yung kompanya niyo na ang leading construction firm sa bansa dahil ikaw ang engineer, ikaw pa ang CEO!"

"Parang matagal na matagal pa iyan kung sakali."

"Pero mangyayari!" Minnah enthusiastically said. "Naniniwala ako sa'yo. Malayo at mataas ang mararating mo, Terrence."

He smiled at her. "I believe the same to you, Minnah."

Gumanti ito ng ngiti at tumuwid ng upo. "Pasensya na, ha? H-hindi na kita masasamahan sa tutuparin mo pang mga pangarap."

Nakakaintinding tumango siya. "I should be the one to say sorry. Nawalan na 'ko ng oras sa'yo..."

Umiling ito. "Ako din naman. Mas iba lang talaga ang priorities natin. At aminado naman tayong dalawa na hindi natin kayang unahin ang pakikipag-relasyon ngayon."

Inabot nito ang kamay niya na nasa ibabaw ng lamesa. "Wala din ako palagi sa tabi mo. Iyon din ang kulang ko at hindi maibibigay dahil may mga pangarap din akong kailangan kong tuparin. Pero, alam mo, Terrence? Sobrang cool at selfless mong boyfriend. Kasi kahit kailan hindi mo 'ko pinigilang mangarap. Kahit kailan hindi ako nakarinig ng sumbat sa'yo kapag mas inuuna kong itayo ang mga pangarap ko kaysa magbigay ng oras sa relasyon natin. Mas lumakas ang loob ko kasi lagi kang nakasuporta sa'kin."

He held her hand back. "Promise me, you'll take care abroad."

"Oo naman! God will take care of me. Pinagdadasal ko din na sana makapag-serve ako doon. I also want to share Jesus to my future workmates. Dapat kasama pa rin ang Diyos sa mga pangarap!"

Tumango siya. Ito pa ang mas hinahangaan niya kay Minnah, her fervent compassion and mission to make Jesus known to those who needs Him.

"Thank you, Minnah, for the two years you chose to be with me. You are one of the reasons why I believe it's still good to try and love again, no matter the pain and heartbreaks."

"Salamat din sa'yo, Terrence. Kasi natupad ang prayer ko na magka-boyfriend ng pogi at Christian. Bonus na engineer ka at may brown eyes pa!"

Nagkatawanan sila.

Tumingin ito ng diretso sa mga mata niya. "Grabe, akala ko naman ma-drama 'yung mga ganitong closure. Naghanda pa 'ko ng isang rolyo ng tissue!"

"I have peace within me," he honestly said. "How about you?"

Tumango ito. "Ako din. Masakit no'ng una nating napagkasunduan na maghiwalay na, siyempre. Pero unti-unti, sa mga quiet times ko, may pina-realize sa'kin ni Lord sa relasyon natin.

"Our love... was beautiful together because we chose to honor Him and respect one another. It was beautiful because it was pure, fun, and very selfless. Masaya ako kasi posible pala na 'yung ideal relationships nagkakatotoo basta kasama si God.

"Terrence, 'yung klase ng love natin, eh, 'yung kahit hindi tayo sa huli, masayang balikan pero hindi masakit. Puwedeng maging magkaibigan ulit."

He can only agree.

She chuckled as she remembered something funny. "Nakakatawa kasi ang pinag-aawayan lang natin ay mahilig ako kumain sa fast food at masyado akong malakas kumain ng patatas."

She's silly but truly adorable.

He chuckled and raised her hand. He kissed the back of it. "I hope and pray you'll find your true love, Minnah. 'Yung hihigitan, lalagpasan kung anong naging mayroon tayo. Never settle for less."