حسام غطاها ب امخاد و سكر الدولاب مشى جهت الباب و فتحه بشويا و جا في وجه واحد ضربه ب رصاصه بين عيوني
و لما سمعو صوت الرصاص هجمو بسرعه ع حسام و كانو اكثر من واحد ، و اكثر من رصاصه اخترقت جسم حسام
حسام حط يده ع كتفه لما جاته اول رصاصه و مالحقش ياخذ نفس جاته الثانيه في بطنه و الثالثه و الرابعه
شمس : حطت يد ع قلبها و يد ع فمها و دموعها ينزلن
للكاتبه ' wiush_hamo
____________________________
قبل سنه .......
امير : و اذا قتلك لو مازوجتينش ح تعرضي شمس للخطر
قمر : التفت عليه بصدمه تهدد فيا ب مرات خوك
امير : حط يديه في جيوبه انا مانهددش و مستحيل ناذي شمس بس انتي فكري ان توا بيمسكوها عليك نقطه ضعف
قمر : عقدت حواجبها محد يجرأ يقرب من شمس لانها مرات حسام
امير : هز راسه طيحتي روحك في حفره و انتي مش فاهمه فيها شي حسام فسخ العقد معاهم و توا الدنيا منقلبه حرب علينا يعني اتفاق محد يأذي عيله الثاني انخلف و بما ان شمس مرات حسام حيكون ثنين في واحد
قمر : يعني تفهم فيا ان حسام مش قادر يحمي شمس و ضحكت بهزوه وانت تبي تزوجني عشان تحميني
امير : تنهد حنطلعو برا فترت شهر كلنا و انتي مش حتقدري تطلعي الا بمحرم و الا حيمسكوك ع المطار
قمر : رفعت حاجبها انا مش محتاجه حمايه حد لما نبي نحمي روحي حنحميها منك اول شي و خشت و سكرت الباب
صبت ع الباب و حطت يدها ع قلبها و دموعها نزلن جت ع الروشن تحساب امير عدى بس نصدمت بلي سمعاته
___________________________
شمس ...
يديا مربوطاات و مش قاادره انحرك شي نبكي و نفك في ايديا بقوه و نبحت في حساام يلي مصبي بعيد و يبحت فيااا
شمس : بيكااء حسساام فكني انا مش مييضه "مريضه" اناا نبي ماماااا نبي نعديلها
فتحت عيوني و عيطت حساام حساام
حسام : قرب منها بسرعه اشش كابوس بس اهو انا معاك
شمس : زادت تبكي حح ححسام نبيي ماما لييش عدت
حسام : قمعز جنبها و حضنها شمسي اميرتي نحن شن حكينا
شمس : تبكي و تمسك في دبش حسام ببس وااعيه "واعره" نبيها ناا
حسام : تنهد و يمشي في ييده ع شعرها حبيبي انا ماما فالجنه ف المكان السمح يلي انتي خاطرك فيه ماما فيه و تشوف فيك توا بس اذا انتي قعدتي تبكي هكي ماما حتزعل غادي و ماتفرحش بجنه
شمس : تمسح في دموعها نبيش ماما تزعل انا
حسام : معانا معش تبكي و ادعي ل ماما عشان تكون مرتاحه
شمس : هزت راسها ب به ورفعت يديها ياايبي "ياربي" خلي ماما فيحانه "فرحانه" غاادي و ماتزعلهش ياايب "يارب"
حسام : باس راسها ايوه هكي و مسك وجه بين يديه شمسي
شمس : تبحت فيه و عيونها ذابلات ها
حسام : باس عيونها شنو تشوفي لما تنوضي تعيطي
شمس : غمضت عيونها و دموعها نزلن
حسام : مسح دموعها و حضن راسها لصدره اشششش خلاص ماتبيش ماتحكيش
شمس : تبكي ننحق اان نااا ميبوطه "مربوطه" و نعيط و نكلم فيك و انت بعيد عليا و ماتبيش تجي تااخذني و نقولك اناا مش مييضه "مريضه" و انت تعدلش علياا
حسام : حضنها اكثر هذا حلم بس انا معااك هنا و مش حنسيبك
شمس : حضناته ماتعديش اناا نحبككك اكثي "اكثر" واحد
حساام : ابتسم و انا مستحيل نعدي
___________________________
الحلقه 13
Start from the beginning
