#شمس_مظلمة 🌻
#الحلقة 9
استعملت كل ما فيا من جهد و صبيت بصعووبه انحس في جبل ع كتوفي جسمي كلا مكسر مافيش عضمه فيا تسند عضمه اخرى جسمي هللكااان و تعبااان و هذا كلا جزء ضئيل من تعب قلبي مسكت فالساس نحاول نسند روحي عليه و دموعي يطيحن و رؤيه عندي غبشت و كل جهد استعملته عشان انصبي ماكفانيش طحت ع الدروج و قمعزت و عطيت مجاال لدموعي و قلبي يعبرن
انا توا نبكي اها نبكي نبكي و بقوه اخرى استوعب ياقلبي يلي صاار توا جامي الرد من قلبي مش ليستوعب عقلك قبل
حسيت بيد ع كتفي رفعت راسي و وجي معبى دموع و ماشفتش الوجه كويس لان عيوني مغبشات من البكاء بس عرفت انها عمت امير
عمته : كنك يابنتي شن صاير معاك
قمر : زدت بكاء و مسكت يدها اانتي تعرفي وولد خوك اكيد يبصر صاااح اكيد مايحكيش جد
عمته : عقدت حواجبها كنك شن صار
قمر : مسكت يدها و صبيت بصعوبه و مشيت بيها ل دار امير و نبكي و ندق ع الباااب اهو اسأليه اسأليه ليش داار فيااا هكي انا في شنو غلطت فيه وقعدت انخبط ع البااب اااطلع وااجهني
عمته : تمسك في ايديا بسم الله يابنتي كنك شن داارلك امير
قمر : نبكي شن ما داارلي ما دارلي دمررني دمررنني
و طلعو ع صوتي عمر و سعيده و البنات
عمر : جاني يجري قمر كنك شن صااير
قمر : مسكت يديه عمر انت شااهد صااح مافيش شي كذذببه اننتت شفت كل شي
عمر : اهدي بس و فهميني شن صاار ششن في
قمر : نبكي و نحكي بصوت مقطع من البكاء ععززقني عع البااب قاالي في و انتهى قاالي كنتي عنااد و فزت فيه و خلااص
عمر : عقد حواجبه كيف
رغد : شن فيه
عمر : خبط ع الباب امير اطللع
سعيده : جت قربت منه هيي انتي شن تكذبي ع ولدي اااه
عمتي : سعيده خلينا نفهمو الموضوع
امير : طلع و مسح ع وجه نعم شن في
قمر : هزيت راسي شن في ااه شن في و شيرت ع روحي خلييت حاالتي هكي و تسال فيا شن في
عمر : امير قمر شن تحكي شن صاار
امير : صار بينا يوم سمح ماننكرش و عشتي لحضتك و انتهى خلاااص انا عندي خطيبه و بنخطبها الخميس افهمي كااان وقت و بس
عمر : مسكه من دبشه بقوه و حطه ع الساس و بعصبيه لعببتتتك هياااا اااه لعبببتك
عمتي : تفك في ايدييه حووول يدييك عمررر
سعيده : مسكت قمر من يدها بقوه شن تكذبي انتي ع ولدي اااه
قمر : فكيت يدي بقوه و عيطت بصوت عالي ما كذبتتشش اناااا ولددك دمممرنييي و زدت نبكي دمررني
______________________
حساام ..
نضت ع صوت عياط قمعزت بحتت جنبي لقيت شمس مقمعزه و ماسكه الورغان بقوه بيديها و دموعها ينزلن و ترجف
حسام : قربت منها اشش اهدي نشوف شن في و نجيك هزت راسها بست خدها و صبيت طلعت لقيت عمر ماسك امير و قمر تبكي بشكل مش طبيعي
