♥عيناگ قدري♥{باللهجة الجزائرية}

° 30 °

ميار: كيفاه خلاوک دار

سلسبيل: قلتلهم لازم نهبط اصلا خلاصت لقراية وقعدت ندمع حتى خلاوني وتمتم قاسم شرالي بيي معاهم وجيت

ميار: مليح اصلا والله توحشتک بزااف

سلسبيل: ايه انا خفت عليک

تمتم ناضت راحت جابت حاجة ملخزانة وولات حطتهالي في حجري نشوف فيها

ميار: واش هذا

سلسبيل:افتحيهااا

ميار: يازمرر كيفاه نفتح بيد وحدة

سلسبيل: اووه نسيت اصبريي

فتحتها وخرجت براصلي وفيه آسمي حزرت فيها

ميار: نتي جبتيها

سلسبيل: لالا مدهالي لكراش نجيبهالک

ميار: اوووف هذااا ميخطييش جدي منديهااش

رميتها فوق لبونک وخليتها شافت فيا وكلاطات بضحک ورفدتها

سلسبيل: ياااخي حماارة انا جبتهالک باينة شوفي تع ذهب حاشاک

ميار: كذاابة

سلسبيل: واالله آراي يدک نلبسهالک

مديتلها يدي ولبستهالي
ميار: جابولي حوايجي من دار خالتو

سلسبيل: نوغمالمو نو

ميار: نوضي مديلي كاش حاجة نلبسها

سلسبيل: لاطاي ديالنا مشي كيف كيف معليييش

ميار: اراي روبة يا لمشحاحة

سلسبيل: وي مشحاحة علابيها جبتلک براصلي تع ذهب

ميار: بلا مزيتک

جابتلي روبة لبستها جاتني شكارة بنعمي دخلت آسينات وجابت ماكلة معاها

حطتهالنا ناكلو وخرجت يعني انا ملعيا غير شربت دوا رقدت ديراكت

*****************************

**مرام**

درت كامل حوايجي وغلقت لافاليز شفت في سيرين لي حاطة يدها على خدها شوف فيا

سيرين: راكي رايحة تسما نريح وحدي

مرام: متبدايناش لازم نولي ريحت بزاف