موجوعة يا أُمي

الجزء ١ ... بارت ١١

شجون

اجت نجلاء سكتت بسرعه
استحي منها خطيه شنو ذنبها
شفتها ماكعدت يم وسيم
تباوع ضايجه

حاولت مااسولف ويه وسيم ولااتقربله
التهيت بالاطفال

خالتي كل ساعه تقدملي لحم لو مركه لو ماعون دولمه لو لبن موتتني

كلهم يضحكون يگولون نكعد يم شجون

سوالف وضحك لمتهم حلوه
ضحكهم ويه اخواتهم وسيم وجراح
اقارن ويه اخواني انقهر

ربي يديمها عليهم
بعدها كملنا غده اندك الجرس
عرفت بابا اجه من الشغل کبل عليه
خطيه مشتاقلي فرحت من سمعت صوته واجاني
حسيت بالامان

بوسني وحضنته بجيت ماتحملت احبس دموعي
جنت محتاجته ومختنكه مامصدكه

بابا تفاجيء بيه ابجي بخنكه
حافظني وفهم مقهوره سكتني

توسلوا بي يتغده ماقبل ربع ساعه وطلع
طلعت وياه ابجي ويوصيني اتحمل

جليل : اعرف مقهوره من وجود زوجته بنتي وسيم مايتعوض
شجون: بابا والله اعرف بس هذا الشي مو بأيدي وبشوفتك تمنيت ماما وياك
جليل : اكيد هسه هي  فرحانه بزواجج
شجون: بابا ادعيلي
جليل : بدون مااطلبين يابنتي ...شجون اولاد اخوج شنو يحتاجون بلغيني صح همه بأسم وسيم وابوهم لكن يبقون اولاد اخوج ولحمنا واني مسؤول عنهم
شجون: اعرف بابا بدون ماتوصيني
جليل : انتبهي على نفسج وعلى اولاد اخوج
شجون : ان شاء الله

انقهرت عليه من طلع كاسر خاطر لا اني ولا ماما يمه
رغم شيماء ماتقصر وياه
بعدها دخلت للبيت

شجون: وين عمو
غصون: ابوي بغرفته
شجون:يصير ادخله لو ممنوع
زينب:لاعادي اذا محتاجته بشي عادي
شجون: اها اوك

اخذت ماعون ركي ودخلتله
وسيم يباوعلي متفاجيء...دكيت الباب ودخلت

شجون:مسموحلي ادخل
نصرت: تعاي عمو هلا بيج بكل وقت
شجون: تسلم عمو
نصرت : انتي الوحيده كل وقت تحتاجيني لاتترددين بدون ماتفكرين او تترخصين و أي شخص يأذيج بالبيت بلغيني
شجون: عمو اريد احجي وياك وجبتلك ماعون ركي وياي
نصرت : هههههه عربون
شجون: ههههه اي.. عمو اريد احول الاملاك هبه لاولاد اخوتي وكل املاكي وانت وبابا متفقين بعد زواجي ...اني هسه عندي عطله 10 ايام يصير لو اطول
نصرت: بالليل احجي وياج ... العصر اطلع للمكتب ارتب اموري واشوف الموضوع حتى بالليل نسولف و بعيوني هم بوجود بابا نسولف
اني: ماشي وتسلم عمو اترخص

طلعت لكيت نجلاء كاعده يم وسيم والبنات جراح ومرته سوالف وضحك
اطفالي حنون وتوته جراح يشاقه وياهم

ماكعدت يمهم رحت للمطبخ و
اساعد بلگوه قبلن اساعدهن
مبينات حبابات شوي شوي تعلمت عليهن
للظهر اخذت الجهال وصعدت