ضحكت ملاك بخفه :هههه طلول حرام اترك عزوز الحين وقول لي وش اخبارك
ضحك برجوله :ههههه والله لو أتكلم من اليوم إلى بكرا ماخف قهري منه
وتنهد بحب :ااااه اخباري اليوم طاير فوق السحاب بسماع صوتك
ابتسمت ملاك بخجل :يسلم لي قلبك طلولي
صار قلبه يخفق ويخفق بقوه :ياخفوووق طلال عيديها يابعد حيي
ضحكت بدلع وقلبها يرفرف من نبرته وضحكته :
طلولي
ابتسم طلال :يازين اسمي من فمك تدرين اني حبيت لا عشقت اسمي
ملاك بخجل :طلول يكفي لاتخجلني زود يلا روح نام مو قلت لي بتبدأ تداوم بالشركه من بكرا
هز رأسه وابتسامته مافارقت وجهه : تسلم لي الخجوله أي والله بكرا عمي لزم علي اني ابدا دوام من بكرا إلا أنا وجهي ماهو وجه دوام
ملاك بدلع : ربي يسلمك ايه خلي بالك لو عزوز يسمع حكيك الحين يمكن يهون عن زواجنا
وقف المرجيحه وعقد حواجبه :والله عزيز يسويها لا لا يابنت أمزح معك دوام بداوم ولو 24 ساعه بعد كله ولا عزيز النذل يتدخل
ضحكت بخفه من نبرته الجادة :ههههه طيب طلولي يلا اتركك قبل عزيز يجي ويطب علي وانا اكلمك عاد هو موصيني مااطول معك
عض على شفته :اااخ يا هالعزوز وربي انه نشبه طيب حبي اتركك الحين وبكرا بإذن الله أكلمك انتبهي على نفسك ملاكي
ابتسمت ملاك بحب : اوكيه طلال وانت بعد انتبه على نفسك في أمان الله
تنهد بهيام :في أمان الله يادنيتي
اختفى صوتها من جواله ونزله وحطه بجيبه ووقف بهدوء اليوم ردت له روحه بسماع صوتها لو ماعمه أبو غلا سمح له كان ماكلمها ابد لحتى يملك عليها لكن جاه الفرج من ربي ضحك بخفه يحس الدنيا ماراح تشيله
دخل يدينه بجيوبه الجو بارد وتوجه لداخل الفله اول مادخل شاف الشباب جالسين عند ام الوليد وابو الوليد وسواليف تقدم من أبو الوليد وباس رأسه وقرب من ام الوليد وباس رأسها وابتعد عنهم وتقدم من التوأم واشر بيده :ممكن يالثنائي تبعدون عن بعض لأن ودي اجلس بينكم
ناظر زايد لزياد وضحك :ههههه الي يسمعه الحين مايقول أمس وهو محاربنا
هز رأسه طلال بإبتسامه :افا الحين من حبي لكم ابي اجلس بينكم تقول كذا
واشر بيده :اقول وسع لي انت وياه ولا ترا بهون وارجع أعلن الحرب عليكم
ابتسم زياد وهو يوسع ويأشر له على مكانه :لا لاتعلن الحرب ولاشي تعال اجلس وفكنا من لسانك
ابتسم طلال وجلس بينهم ووجه نظره لابو الوليد :يبه بكرا ببدا بدوامي بالشركه
ابتسم أبو الوليد بحب :وهذا منى عيني اني اشوفك ماسك شغلك بالشركه الله يوفقك يبه
