#كابوسي المرعب#

ادعموني عشان اكتب روايه جديده😁

بارت 30 (الاخيرة🎵🥀)

نجاه: الو...عبدالله: الو نجاه كيفك💕....نجاه: كويسه انت كيف مع الشغل💕...عبدالله: الحمدلله واللهي داير اقول ليك حاجه ...نجاه: قول يا عبدالله...عبدالله: بكره الجمعه و امي قالت اجيبكم تقيلو معانا لو م فيها مانع🌚😊...نجاه: ايوا ليه لا بكره بنكون عندكم🌚😊...عبدالله: انتي هبله اقول ليك اجي اسوقكم😒...نجاه: طيب طيب الساعه كم كدا 😂...عبدالله: ١٠ ص بجي اسوقكم 😌اويس جمبك اديني اتونس معاهو🌚اديتو التلفون بتكلم معاهو لحدي م وصلت البيت استحميت و حميت اويس و ختيتو في المشايه💕نزلت كلمت ابوي و وافق 💕جهزت هدومنا لانو انا عارفه عبدالله م بنتظر🌚💔صحيت و انا فيني نشاط رهييييب استحميت صليت خليت اويس نايم😴نزلت عملت الشاي باللقيمات💕 و بديت في الفطور عملت ليهم ملاح نعيمية و عصيدة و سلطه اسود مع محشي للغذاء عشان م ح ارجع بدري جات الساعه ٨ ص ابوي جا وديت ليهو الشاي طلعت لبست اويس و هو نايم عشان م يصحا لي و انا بلبس😂🌚لبست لي بنطلون كحلي مع تونيكه حلاويه و طرحه مشكله💕و عملت ميكب خفيف 😘ضرب لي عبدالله...عبدالله: يلا اطلعو لي انا برا💕...نجاه: طيب دقيقه و بنكون عندك😊قفلت منو نزلت ودعت ناس ابوي و شلت اويس و طلعنا موقف العربيه و متكل على العربيه💕سلمت عليهو شال اويس دايرة اركب ورا ...عبدالله: اركبي قدام م ح اكلك😒...نجاه: كويس طيب😅واللهي خجلت 🌚💔ركبت معاهو ختيت اويس في حجري في الطريق يكورك معاهو و مرة يغني معاهو لحدي م وصلنا خالتو منتظرة في الباب استقبلتنا حلو شديد قعدنا اتونسنا حسيت كاني اول مره اتعرف عليهم 💕كان يوم رهيييب شديد معاهم 💕رجعني عبدالله البيت المغرب دخل سلم على ابوي و طلع 💕عملت روتيني اليومي خلصت ١١ جيت رقد في السرير شغاله في الواتس عبدالله رسل لي صاحيه لي هسا مالك 🤨قلت ليهو اني بكون فاضيه بشوف الناس مرسله لي ف برد🌚استأذن مني لو ممكن يضرب لي ضرب لي بقا يتونس معاي و كدا...نجاه: اخخخ نفسي في اندومي😋امشي الدكان اجيبو...عبدالله: اوعا تطلعي بكره بجيبو ليك لحدي عندك بس طلوع لا يا نجاه 😒...نجاه: م على كيفك ح امشي😌...عبدالله: عايني انا مسافه السكه بكون عندك 😒قفل فيني نص ساعه و ضرب لي انو تحت نزلت سلمت عليهو فتح الباب الورا جاب لي كيس فيهو اندومي...عبدالله: خشي اعمليهو و تعالي ناكلو 😊دخلت سرعه سرعه عملتو ركبت العربيه و قعدنا ناكل اتونسنا قام قال لي ارجعي عشان اويس م يكون صحا ودعتو و طلعت فوق💕🚶🏿‍♂️🚶🏿‍♂️🚶🏿‍♂️بقينا اصحاب مره يجيني في الجامعه و مره نمشي ليهو في المستشفى❤يوم رجعت البيت لقيت عبدالله طالع سلم علي و على اويس و الابتسامه للضرس الاخير😁بعد رقتا كدا جاني ابوي في غرفتي...نجاه: ابوي خير فيك شى😥...ابوي: لا لا يا بتي بس جايك في موضوع...نجاه: احكي يا ابوي😥...ابوي: الصراحه يا بتي عبدالله قال داير يتزوجك انا كنت مصدومه و مبسوطهفي وقت واحد😳❤...ابوي: اها انتي رائك كيف😊...نجاه: واللهي يا ابوي قاطعني...ابوي: يا بتي م تنسي انك عندك ولد منو و هو غلط عايز يرجعك انتي و ولدو💕...نجاه: طيب يا ابوي نستخير...ابوي: حاضر لكن تديني رائك بعد بكره لازم😊...نجاه: لكن م عصرتها علي شويه😥...ابوي: لا بالعكس انا دايراك تقعدي في بيت راجلك انتي بتحبيهو و هو بحبك وين المشكله 💕...نجاه: خلاص تمام 😊طلع مني ضربت لعبدالله بقعدت اشاكلو و هو يضحك 😂...عبدالله: نجاه ...نجاه: مالك😒...عبدالله: بحبك يا مرتي و ام عيالي 😍خجلت م عرفت ارد تاني ضحك😂لمن قفلت منو 😒قمت استخرت و نمت تاني يوم عادي مشيت الجامعه و جيت دق الباب فتحتو اتفاجا بي اشجان في وشي...نجاه: اشجان😳دمعت...نجاه: كيفك😊💔...نجاه: انا كويسه اتفضلي😥قعدنا بدت تبكي و تحكي...اشجان: عارفه يا نجاه انا كنت انانيه لاني م فكرت في سعاده عبدالله همي كان اني اتزوجو و كدا عارفه م حصل مره نساك بحبك كان بجي بيتكم هنا يعاين للبيت بمشي جامعتك لو يلمحك و لو بالغلط لدرجه انو سافر عشان يفتش عليك💔و لمن لقاك م صدق كان مصدوم لمن عرف بعمائل امو زعل و طلقني 💔كان بمشي المقبرة يصلح قبورهم 💔هو مظلوم يا نجاه ارجعي ليهو 💔هديتها و قعدنا نتونس طلعت ظريفه و عسل شديد أول م مشت مشيت لابوي...ابوي: اهلا نجو دايرة حاجه...نجاه: انا موافقه يا ابوي😐...ابوي: بالجد يا نجو الف مبروك يا بتي😍قام حضني مسك تلفونو ضرب لعبدالله انا مشيت غرفتي فرحتي كانت للسماء 🥰ضرب لي كان بتكلم بسرعه و بلهفه كدا من الفرح 😍تاني يوم جو و حددو العرس بعد شهرين لانو انا فضل لي شهرين و اخلص جامعه 🥰مرو الشهرين بالحلو و الشين و عبدالله م خلاني دقيقه بالعكس حبي ليهو كان بزيد لدرجه قال نعمل عرس عديل 💕جا يوم تخريجي استلمت شهادتي مع ابوي و عبد الله شايل اويس 🥰و ما شاء الله حبسوني طوالي😂عبدالله يشيل و يضرب لي😂جا اليوم الموعود كنت ايه من الجمال بالفستان الابيض😍🥰اويس لابس بدله زرقاء زي ابوهو لانهم مطقمين بينو جات لي بتبكي و قال لي عقدو انا و هي فتحنا بيت بكاء😭🥀💕عبدالله جا و عيونو دمعت حضني..عبدالله: اخيرا يا نجاه رجعتي لي😭😍...نجاه: الحمدلله 😍المهم حصني و شال اويس مشينا على الصاله ربينا رب💃🏻💃🏻عملنا الجرتق و طرنا للمطار اويس مع عبدالله و انا ماسكه يد عبدالله مشينا جذر المالديف💕💕🚶🏿‍♂️🚶🏿‍♂️🚶🏿‍♂️بعد شهرين رجعنا بقيت استفرغ مشيت فحصت طلعت حامل عملت لي عبدالله مفاجئه وريتو صورة التوائم الثلاثة...نجاه: عبدالله رائك شنو في ديل 💕...عبدالله: عسل ماشاء الله 😍عملت حركه بيدي في التلفون و مسحتو في بطني ...عبدالله: دا شنو دا😒...اويس: بابا ماما ح تثيب لينا بيبي😍عبدالله اخذ زمن عشان يستوعب و انا اضحك فيهو قام نطا من الفرح💕و كلمنا ناس ابوي فرحو شديد بينو ولدت جابت بت 😂سمتها تالين صحبت اويس شديد 😂💕انا ولدت يوم ولادتي لمن طلعو لعبدالله اول واحد شالو باسو قامو تاني طلعو ليهو واحد استغرب برضو باسو😂لمن طلعو الأخير عبدالله بعاين لي بخلعه لمن ضحكت شالو باسو 💕جيت بتين و ولد سميناهم فله و هلا و محمد 💕و عشنا حياتنا حلوة شديد من غير مشاكل........

رائكم في الروايه الأولى لي 🌚ارسلوها لي اي زول بتعرفوهو 💕..

طيب الرواية بتتكلم عن الصبر مهما الدنيا كانت صعبه و مهما اخذت منك لازم تصبر و تكون قوي💕زي م شفتو نجاه لو لا وقوف اهلها معاها كانت م تمر بمشاكل💕

عايز تبقا زول قوي اصبر للدنيا دي بتوريك 🎵🥀

الدنيا علمتني كتير و مستعد افتح مدرسه اعلم فيها 🎵🥀

لمن تكون زول كويس ربك بفتحها عليك م تزعل لمن تجيك مصيبه اتذكر انو ربنا اذا احب عبدا ابتلاه ابتسم و احمد ربك على كل حاجه لانو الجاي اكيد احلى🎵🥀

تمت مراجعتها من قبل سماح احمد ابراهيم💕

الروايه لو عجبتك ادعي لخالي بالرحمة والمغفرة 💔😭

كانت معاكم نجاه اراكم في روايه جديدة😊💕

تابعوني على صفحتي في الفيسNagoota ballel و في الانستا nagathassan2

#دمتم سالمين❤🎵💕🥀