#كابوسي المرعب#

انا بكون عايزة اتكلم معاك بس بخاف انك تسفهني و في النهايه م اعرف انت كيف 🎵🥀

بعد ساعه وصلت بينو و كانت خايفه و بتفتش فيني اول م شافتني جات جاريه علي...مبين: نجو في شنو مالك وشك عامل كدا ليه😟طوالي حضنتها و بقيت ابكي بحرقه شديده😭😭💔...نجاه: خلوني يا بينو و مشو 😭...مبين: منو هم احكي وريني😥حكيت ليها قامت حضنتني شديد و بكينا 😭😭...مبين: خلاص يا نجو اهدي وادعي يكونو حيين و شمس يقوم بالسلامه و رجعت حضنتني😭(بالجد يا جماعه في اللحظه دي حسيت براحه و الامان)يزن كان نام و انا و بينو بقينا منتظرين الدكتور وانا منهارة و شغاله ببكي 😭بعد ساعتين جا مارق الدكتور ...نجاه: اها حصل شنو وريني...الدكتور: الحمدلله العمليه نجحت لانو الحادث م كان قوي يعني م خطير بس ضربة في الرأس م قوي وكسر في اليد و شويه جروح عشان كدا ح نخليهو ٢٤ ساعه تحت العنايه😊انا من الفرحه سجدت في الارض ... نجاه: الحمدلله الحمدلله...مبين: شكرا ليك يا دكتور ممكن نشوفو...الدكتور: ايوا بس من ورا القزاز🙂جريت انا و بينو وقفنا جمب القزاز شكل شمس و هو مليان بالاجهزة قطع قلبي ختيت يدي في القزاز و بقيت ابكي...نجاه: حاسه بوجعك يا شمس م تخاف ح نرجع زي م كنا ان شاء الله 😭😭💔ليه انا م في محلو ...مبين: هسسس خلاص يا نجو م تبكي الحمدلله انو كويس 😭😭و ساقتني رجعتني محلي

في مكان ما في امريكا

حصل شنو ماتو ولا لا...لا يا مدام م ماتو كلهم بس ثلاثه و الباقين عايشين... الله ينعلك انا دافعه ليك عشان تقتلهم كلهم ياخ يلا اقفل ...
يلا نرجع

بقينا منتظرين كدا بس اشوف ليك ابوي جاي من هناك قمت جريت عليهو و حضنتو و ببكي و قال لي بلهفه و خوف...ابوي: حصل شنو يا بتي وريني😟حكيت ليهو الحصل و انا م سكت بكا😭😭...ابوي: استغفر الله العظيم واتوب اليه ...نجاه: ابوي نحنا منتظرين الشرطه تجي تورينا الحصل اذا عايشين 😭😭حضني و بقينا نبكي😭💔بعد شويه جو الشرطه و اتكلمو مع عمو محمد جا و وشو حزين...عمو محمد: البركه فيكم لاسف ماتو😔 و الزول القتلهم هرب سمعت الكلام دا و جيت واقعه م وعيت الا وانا في غرفه المستشفى و مركبين لي درب و جمبي ابوي و يزن و بينو باين عليهم الحزن و و الزعل 😔💔وانا صحيت اكورك ...نجاه: لارين انا جايه اساعدك م تموتي😭💔ابوي طلع نادا الدكتور جا بسرعه هو و الممرضه...الدكتور: اطلعو لينا برا نشوفها ماله... بعد نص ساعه طلع لي ناس ابوي ...الدكتور: المريضه دخلت في حالة صدمه قويه و اسي اديناها حقنه مهدئه ...ابوي: لا حولا ولا قوة إلا بالله دي مصيبه شنو دي كمان😭😭يا رب لطفك علينا...قعدونا انا و شمس يومين و طول اليومين ديل ابوي دفن جثث ناس امي و عملو عزاء كانو ماسكنو ناس خلاتي و الكل كان مصدم من الحكايه ابوي مسك بينو يزن و هو كان بجي المستشفى يشوفنا و يرجع العزاء شمس اتحسن فتح شويه اما انا ف كنت في حاله تانيه خالص اصحا اكورك يقومو ينوموني بالمهدئه و يوم خروجو شمس ابوي جا يشوفني حاول اتكلم معاي بس انا كنت بعاين في مكان واحد وشي شاحب و حالتي صعبه ...ابوي: نجو حبيبتي اتكلمي معاي 😭قبلت عليهو عايزة اتكلم م قدرت حاولت كل جهدي م قدرت بقيت مصدمه و ابكي و اتحرك بقوة في السرير و افك في الدرب و افرك برجولي قام ابوي طلع نادا الدكتور...الدكتور: م عارف اقول ليك شنو نجاه فقدت النطق من الصدمه 😔انا اسف...ابوي: انا بخسر في بتي كدا 😭...الدكتور: اسي انا اديتها منوم عشان تنوم...ابوي: ربنا يكون في عونك يا بتي😭... فضلت كدا لمده شهر و انا اصحا اتجنن و اشد شعري و افرك رجولي
و مره افضل أعاين في مكان واحد م باكل و لا بشرب الا باغصب بقيت انطوائيه تعيسه حزينه و كئيبه بعدها بقيت هاديه شديد بس أعاين في مكان واحد بس لسه انطوائيه و كئيبه في يوم ابوي قال انو يخرجوني...طلعوني مشينا البيت و كانو ناس خالاتي لسه قاعدين و كانو مبسوطين بشوفتي جو علي يسلمو بس انا كملت طريقي مشيت غرفتي رقدت في السرير و نمت...

#stop🎵