♥عيناگ قدري♥{باللهجة الجزائرية}

° 27 °

حمد: اقلعي عليا وجهک تهبطيلي فلمورال

سيرين: انا نخليک يا شيخ حمد

خرجت نضحک عليه هو شيب باين قريب يعيط وهو يقول مزالني على ديداني

حكمت طريق لدار .. حتى شفت لبنادم لي في جرتو هربت منا ووليت نقرا في ولاية وحدوخرا

سباب لمشاكل تع دنيا وزطايلي تع لحومة مخصوصة انا

عماد: وااش نتي

معبرتوش وكملت طريقي .. جرا حتى وقف قبالتي وريحتو تصرع دوخان حتى عيفني

عماد: نريح موراک حتى تقبلي

سيرين: ربي يهديک

عماد: اقبلي بيا يهديني ربي علاش مشي حابة تفهميني

سيرين: يا وليد ناس اخطيني ضوک يشوفک بابا ولا سامي تخلا عليک

بوجيت رجليا هاربة منو مي قعد يهدر يهدر صدعلي راسي وانا ساكتة وصابرا عليه حتى تقطع حسو

دورت راسي لقيت زين دين حاكمو ملكول وباين مقلق

عماد: اطلق ر**

زين دين: معجباتكش طريحة لي ديتها لخطرة لي فاتت حاب تعاودها وقتاش تتربا وتخطي بنات ناس

عماد: ونتا واش دخلک

زين دين: دخلني كي نشوف حاجة مشي مليحة ندخل روحي

رماه فلرض وانا مزلني نتفرج .. يعني عماد مفيه والو غير عظمة ونص كاس دم .. ناض ملرض ونفض حوايجو

دارلي بيدو تع هاهو وجهي .. وراح يجري درت نمشي وحسيتو يمشي مورايا

حتى وصلت لدار دخلت لصالون وطليت متاقة لقيتو راح

نحيت خماري ولحجاب .. حطيت صرف لي بقا ودخلت ليهم لكوزينة

قعدنا نضاربو انا ومرام على جال لكونديا شكون يديها حتى شربتها باش بردت

لحاصول مكملناش حتى وصلت 2 تع ليل ستفنالها لحلوة فلبايط وداهم سامي لدارهم

دخلنا للبيت ورقدنا انا ومرام باسكو غدوة نصبحو نوجدو روحنا

نضت كي قاسني ضو في عيني لقيت ماما تحل فتاقة وتنوض فينا

نضت نجري ومرام مورايا علجال دوش شكون لولة .. دوشت انا ودخلت مورايا

غير كملنا دخلنا لشومبرا بديت بمرام نجبدلها في شعرها باسكو انا شعري قصير