عدي يوم كانت الأحداث فيه زي اللي فات كريم بدء يشرب اكتر واكتر و جاسر بيتواصل مع محمود
عمر ومنه عايشين احلي لحظات حياتهم يا ترا هيفضلوا ع طول؟!
محمود بيفكر في روضه ع طول وهي أعجبت بيه ؛؛ وراقب. مازن واتأكد انه بيروح لحد وطلع اخو للأسف
كارما بتحاول تتجنب مازن وع طول بتفكر في كريم
ياسمين و جاسر واقفين جنب بعض في كل اللحظات
رؤي وأسر بيجهزوا لفرحهم
اما رقيه ومالك اكيد خناق بس حبهم بيزيد
مراد بدأ ميفكرش في رقيه وقرر يخليها صديقه فقط
(يوم الخطوبه )
عند كريم
فاق لقي محمود قاعد جمبه
كريم (وهو يمسك رأسه): مالك باصص ليه كدا
محمود : زعلان ع حالك
كريم(بسخريه)*: ماله حالي زي الفل
محمود : هتروح انهارده
كريم: اه عايزني اروح اشوفها قاعده معه وبيلبسها الدبله مكاني
محمود : لازم تبين انك اقوي قدامها
كريم : مش هقدر
محمود : لا هتقدر انا رايح مشوار واجي نجهز ونروح مع بعض
كريم : ربنا يسهل
كريم رن ع عمر وقاله عمر مكنش يعرف بس مقلش ل منه علشان متزعلش
عند رقيه في الشركه
رقيه : روضه عندي خطوبه انهارده ما تيجي معايا
روضه: وانا هاجي اعمل ايه
رقيه : علشان مبقاش لوحدي والله كارما ورؤي وياسمين هتحبيهم جدا جدا
روضه : خلاص يا ست هاجي
رقيه : ايه رأيك اعزم بشمهندس مراد علشان يتصافي مع مالك
روضه : فكره حلوه روحي قوليلوا
راحت رقيه ل مراد
رقيه : ممكن ادخل
مراد (بنتباه):* اه اتفضلي
رقيه : ممكن حضرتك تيجي خطوبه صحبتي كارما علشان تتصافي مع مالك وتبقوا صحاب
مراد : ثانيه بس مش انا وصلت مره و كانت مخطوبه ل كريم صاحب عمر
رقيه (بحزن ):* اه بس حصل مشكله وانفصلوا
مراد (ببتسامه ):* خلاص ان شاء الله هاجي ع كام؟!
رقيه (بفرحه ): شكرا جدا ع ٧ كدا عن اذنك
مشيت رقيه وراحت ل روضه قالتلها
عند محمود (تحت بيت مازن )
كان مراقبه نزل مازن وبدأ يتكلم في التليفون
مازن (بعصبيه ):* انتي غبيه بقولك خطوبتي انهارده
المتصل : ......................
مازن : دا تهديد بقا
المتصل:...................
مازن : هاجي بس نص ساعة وامشي هتفكري تلعبي معايا يبقي انتي بتلعبي في عداد عمرك
المتصل :..............................
مازن : جاي سلام
قفل ومحمود سامع كل دا (مين دي وعايزه منه ايه )
ركب مازن العربيه ومحمود مشي ورا بتاكسي
عند كارما (كانت رؤي وياسمين معاها )
رؤي : يعني كل دا يحصل ومحدش يقولي
كارما : يعني انتي فاضيه من سي اسر
ياسمين : اه والله المهم هتعملي ايه دلوقت
كارما : هتنيل أخطب الزفت الله يجحمه مترح ما راح وبعدين هخليه يبتدي يتكلم معايا واخد منه معلومات
ياسمين : بس انا خايفه عليكي
كارما : وراكي راجل يا بنتي
ياسمين (بتوتر ): كارما هقولك حاجه بخصوص كريم
كارما : في ايه قولي
ياسمين : كريم بدأ يشرب
كارما ورؤي (بصوا بصدمه ): ايه
ياسمين : كلمته امبارح رد صاحبه اللي قاعد معه وقالي من ساعه م عرف انك هتتخطبي
كارما (ببكاء): انا السبب انا لازم اروح دلوقت اوقفه
دخل جاسر : انتي بتقولي ايه
كارما(بهستريه): كريم هيضيع بسببي وانا قاعده هنا وهخطب الزفت دا
جاسر : اهدي كل حاجه هتنتهي انهارده
كارما : مين قال كدا انت قولت يومين او اكتر يكون هو ادمر يعني
جاسر (بعصبيه ):* كارما اسكتي بقا انا عارف بقول ايه اجهزي وحاولي تبيني انك عاديه علشان محدش يحس ولما تلقوني مشيت افرحوا اكتر علشان الحقيقه هتكون بانت
ياسمين (بقلق): جاسر هتروح فين متخلنيش اقلق
جاسر (بحنيه): متخافيش عليا مش هروح ف مكان خطير
رؤي (وهي تحاول تغير المود): تيررررر شجره واتنين لمون
كارما(بضحك ):* اه ههههه
جاسر : يلا البسي اتشيكي كدا علشان الخطه تنجح اكتر
كارما : هبقا موزه
جاسر : هههه قولتلك مفيش حاجه بتليق عليكي
كارما : وهي تضربه ): اصماالله عليك
ياسمين : ماله ياختي مش شايفه قمر ازاي ولا عنيه
جاسر: مراتي بقا الله عليكي يا فخر العرب
كارما : طب امشي ياض
مشي جاسر وقعدوا البنات يجهزوا كارما كانت الساعه (٤)
