في صباح اليوم التاني (عند اسر في المستشفي )*كانت معه ساره
اسر (بتنهيده): تعبت عايز امشي
ساره : بكره ان شاء الله
اسر : ماشي (سرح في رؤي وابتسم)
ساره (انتبهت ):* الله مين اللي شغلت بال اسر بيه مستحيل حد يعجبك بسهوله مين ها متخبيش عليا
اسر :(هو يبتسم ع فضولها )*: اهدي يا حجه كنت هقولك رؤي
ساره (بصدمه ):* اخت عمر صح
اسر : ايوا
ساره: خلاص كلم عمر هيوافق وهو عارفك
اسر (بحزن ):* مش هينفع اه بحبها بس مش هينفع اتجوزها
ساره : (بستغراب):* ليه يعني هي بتحب حد تاني
اسر : مش كدا صاحب بابا هيجوزني بنته علشان وصيه من بابا
ساره : اهه قولت كدا طيب اسمه ايه ممكن اعرفوا
اسر : أحمد المنشاوي
ساره (عدت الاسم وفجاه انتبهت ان هو نفس اسم والد عمر): اسر بتهزر صح(ببتسامه واسعه )
اسر : ههزر في ايه يا ساره وايه الابتسامه دي
ساره : عارف عمر اسمه عمر ايه
اسر : لا معرفش ليه يعني
ساره : اسمه عمر احمد المنشاوي ههه
اسر (بصدمه): بتهزري يعني البنت دي هي حببتي رؤي
ساره(بفرحه ): اهه هي يا باشا
اسر " : يا احلي خبر في حياتي (بفرحه كبيره )*
ساره : ايدك علي الحلاوه بقا (وهي تمد اديها )
اسر : لما اخرج يا حجه انتي ع طول كدا
ساره (بحزن مصتنع ): طول عمرك بخيل يا اسر
دخل كريم وعمر مع بعض
كريم : ايه ياعم استحليت قعدت المستشفي
اسر (بضحك ): ياعم نفسي اخرج بكره ان شاء الله
عمر : اخبارك يا معلم
اسر : تمام الحمد لله رؤي عامله ايه
عمر : كويسه بس بتسأل ليه يعني
اسر : عادي يعني بس ..
عمر : قبل ما تقول حاجه بص يا اسر هقولك الحقيقه رؤي لازم ابعدها عنك (اسر بص بستغراب)كمل عمر علشان هي معجبه بيك وشكلها بتحبك ف انا مش عايزه تتمسك بيك علشان بابا كلم ابن عمو فؤاد وهيطلع من المستشفي وهيجي يتقدم ف انا مش عايزها تتعلق بيك فاهمني يا اسر
اسر (بضحك ): انت غبي جدا
عمر :(بستغراب) : اتعدل يا اسر مالك
اسر : خلاص يا عم وانا كمان معجب بيها بس رايح أخطب كمان
ساره بصتله (بستغراب ) : اسر مش هتقوله
اسر : اهدي بس بص يا عم عمر انا ابن عمك فؤاد صاحب باباك وانت غبي جدا ملاحظتش اني في المستشفي وهو في المستشفي واني مليش أهل هو كمان
فرح عمر لأخته: بجد انا كدا اتطمنت عليها وحضنه
اسر : بس متقلهاش
عمر : ليه دي زعلانه
اسر : مفأجاه بقا ملكش دعوه
عمر : ماشي يا برنس
عند كارما كانت منه وياسمين و رؤي (اتجمعوا عند كارما ):*
رؤي (بحزن ):* خلاص انا مش عايزه أتجوز الشخص دا حتي معرفش اسمه
كارما : ياختي اتنيلي لما تشوفي شكله الاول اتكلمي
رؤي (بستغراب ):* انتي شوفتي
كارما: لا توقعات هههه
منه : بصي يا رؤي سيبك من الهبله دي اكيد باباكي مخترلك صح اكيد انتي بنته الوحيده ف مش هيرميكي لا ي حد وخلاص
رؤي : بس انا بحب اسر يا منه (اتكلمت ياسمين )
ياسمين : بصي ممكن يكون اعجاب بس وانتي اديلك ٣ ايام بس او ٤
رؤي : بس اول ما شوفته حسيت حاجه غريبه وبفكر فيه ع طول ومش عايزه ابقا مع اللي اسمه ايه دا وانا بفكر في اسر كدا هبقي خاينه
كارما(ب جديه ): بصي اللي يقدمه ربنا كله كويس هو هيجي امتي
رؤي : لما يطلع من المستشفي
كارما : يبقي اكيد معه شويه يلا نرقص يا جدعان احنا عرايس هههه
ياسمين: ايوا نسيت اقولكوا جاسر طلب ايدي وهنعمل فرح
ضحكت منه وكارما: هههههههه
ياسمين(بغضب): بتضحكوا ع ايه
منه : يا بنتي انتوا متجوزين اصلا يخربيت مخك
ياسمين : ايوا صح 🤦♀️
كارما : مفيش غيري ورؤي كمان شهر وتمشي معاكوا
منه : بس اكيد هنيجي ع طول
ياسمين: وانا هعيش معاكي يا كارما
كارما : ما جاسر ماما قالت هياخد شقه
ياسمين : لا ايه رايك هنقعد معاكوا
كارما (بفرح ): اشطااا جدا يلا هشغل اغنيه عايزين اغنيه ايه
منه : هاتي اغنيه ل عمرو دياب او تامر
كارما (بكشريه): لا هو حسن شاكوش(بنت الجيران )
وافقوا عليهم وقعدوا يرقصوا واتسلوا كتير وخلوا رؤي تبطل تفكير زعلان وقاطعهم صوت فون كارما
كارما : ايه دا رقم
منه : ردي احسن يكون حد عايزك من المستشفي
كارما(وافقت وردت): الو
المتصل : قولت اتطمن عليكي حاسك مش في بالك اصلا صح
كارما (بعصبيه ):* انت مين اصلا
المتصل : قولتلك عملك الاسود يا قمري وهاخدك يا كارما وهتبقي ليا مش ل كريم
كارما: بعصبيه : انت شكلك اتجنتت باين ايه اللي بتقوله دا
المتصل : مش عايز اطول عليكي يا قمري باي هنشوف بعض قريب وقفل
منه ورؤي و ياسمين كانوا بيسمعوا
منه (بخوف ): مين دا
كارما(بزهق): مش عارفه والله رن امبارح وانا مع كريم وحاسه انه مراقبني
ياسمين: لازم نقول ل عمر و كريم و جاسر
رؤي : وأسر
بصوا عليها وضحكوا
رؤي : بتبرير: اصل هو ظابط وممكن يجيب مكانه
كارما : (بتفكير ): ماشي نكمل القاعده الحلوه بقا
الكل : يلاااااااا
