الفصل الثامن عشر
بسم الله
اللهم صلي على محمد
#قدر_فلك
#Nora-Samy
#RenOoo
عند فارس في حديقه الفله
كان فارس يجلس حزين والتوتر ظاهر عليه وبعد فتره وجد حور وفرح يتجهون إليه وعندما وصلو
حور و فرح نظرو لبعض وضحكو
فرح : ايه الصدفه دي
حور : سبحان الله وصلنا ف نفس الوقت
فارس : دون النظر اليهم اقعدي با بت انتي وهيا مش ناقص صداع
حور وهي تنظر لفرح : ودا ماله ده
فرح : انا عارفه
ثم جلسا الاثنان
فرح وهي توجه حديثها لفارس : مالك ياعم مقريف ليه ع الصبح
فارس وهو يتنهد :بقولكو ايه تعالو نروح النادي شويه انا مخنوق اوي
فرح بقلك : مالك يا فارس في ايه
حور : ايه الي مدايقك انت كنت داخل تنام كويس
فارس : تعالو بس نخرج وهحكلكو بعدين
فرح وحور : يلا بينا
ذهبوا جميعا بالسياره مع فارس إلى النادي
ودخلو وجلسوا في مكان بعيد عن الناس وطلبو عصير
فرح : مالك بأه فيك ايه ادينا جينا النادي
فارس وهو ينظر لهم ثم تنهد بحزن : فلك
حور : كانت ماما هدى حكتلي عنها انها اختك التوأم الله يرحمها
فارس ويبتلع غصه ف حلقه ويكافح دموعه من النزول: بس دايما بحس انها عايشه... أنا توأمها حاسس انها قريبه مني ومش شايفها.... دايما بحس بحزنها..من ساعة الحادثه الي حصلت وانا مش مصدق موتها ...بس بحاول اقنع نفسي بكده... انا شوفت صورتها وهي مقتوله قدامي بكدب كل الاحاسيس دي والنهارده صحيت من النوم على كابوس وحش اوي كانت فلك بتنادي عليا بس بلف حوليا ومش لقيها والصوت عمال يبعد اكتر وانا اجري وألف واصرخ بإسمها لحد مصحيت م النوم مفزوع وقلبي مقبوض اوي..
انهى كلامه ونظر إلى حور فرح التي كانو يبكون من كلامه وعندما انتهى
فرح وهي تمسح دموعها : فلك الله يرحمها يا فارس يمكن بس انت من كتر التفكير بيها دا بيحصل معاك انت توأمها يعني كنت اقرب حد ليها ادعلها يمكن كانت محتاجه الدعوه دي عشان ترتاح
حور وهي تبكي أيضا : ربنا يرحمها يارب اقرأولها الفاتحه يا جماعه يمكن ترتاح يا فارس
قرأو الفاتحه وهدأو وظلت حور وفرح يمزحون حتى يخرجو فارس من حزنه وبعد قليل من المزح والضحك بينهم ذهب فارس لكي يلعب رياضه وهم انتظروه
عندما ذهب
حور لفرح : فرح هي فلك ماتت ازاي فارس كان بيقول انها مقتوله هو بجد ولا ايه انا مش فاهمه حاجه
فرح فهي تعرف الحكايه كامله لان فارس كان حكلها وكده
فرح بحزن : أه في واحد خطفها وقتلها وبدأت تحكي لها من البدايه عن حياة فارس وفلك ومراد كما اخبرها فارس وعن يوم الحادث واختطافها والصور التي أرسلها الخاطف وهو مدبوحه والدم الذي ينتشر حولها
وانهت الكلام وكانو يبكون بشده
حور وهي تبكي : ربنا يرحمها يارب ماتت بطريقه وحشه اوي حرام عليهم ازاي الخطفوها قدرو يعملو كده ف طفله صغيره ياعيني فارس وعيلته عاشوه فتره صعبه اوي....
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
في مكتب اللوا حامد
عندما انهو المكالمه مع الرائد جاسر
اللوا : ازاي اتخطفت ووصلولها امتا
نورا : الرائد جاسر يا فندم هو الي بلغني بالمعلومات وانا كنت جايه لحضرتك عشان كده
قاطع مراد كلامهم بصوت عالي : كفايه كلام بأه...أنا دلوقتي من حقي اعرف أيه الي بيحصل وهو ينظر لنورا..وانتي ازاي رائد ودخلتي الشرطه امتا وازاى محدش يعرف......
انا مش فاهم حاجه ومين شاكر دا كمان وخاطف فلك مين وانتو ايه.....ثم صمت واستوعب ما قاله وظل يردد.....شاكر...فلك..شاكر المهدي....فلك أختي....وامسك نورا من كتفها من ااناحيتين
( اللوا حامد خرج من الغرفه ليترك لهم مساحه للتحدث)
مراد بعدم استيعاب : فلك...اختي...لسه عايشه صح....جاوبيني....اختي الي بتتكلمو عليها...
فرت الدموع من عيون نورا ونظرت للأرض فلم تجرأ على النظر إلى عيونه
جلس مراد مكانه على الأرض فلم يستوعب ما يحدث وكيف اخته مازالت عايشه وهي الأن بعيده عنه وهبطت دموعه الواحده تلو الأخرى
ونزلت نورا بجانبه وضمته لها وبعد قليل ابتعد عنها ونظر في عيونها
مراد بحزن : انت كنتي عارفه انها عايشه....ومعرفتنيش...اختي الي دايما احكيلك أد ايه هي روحي بقولك انها بنتي مش اختي احكيلك عن فراقها عننا وأد إيه اتعذبنا بعدها....وف الأخر عارفه انها عايشه ليه حرام عليكي انتي ايه
نورا بدموع : والله غصب عني كان لازم انفذ الأوامر...
ضحك مراد بسخريه : صح تنفذي الأوامر....يا شيخه ملعون دي أوامر الي تخلي اختي بعيده عني
نورا بدموع وحزن : مراد اسمعني..
قاطعه مراد وهو يبتعد ويوليها ظهره
مراد بجمود : انا مش عايز اسمع حاجه...انا دلوقتي هغصب على نفسي استحمل اشوفك لحد ملاقي اختي مالي خاطفنها ... لاكن بعد كده مش عايز اشوف وشك نهائي
نورا : مراد ارجووك....
قاطعها صوت خبط على الباب ودخول العسكري
العسكري : سيادة اللوا طالب حضرتك في قاعه الاجتماع
هزت نورا رأسها بالموافقه دون النطق وخرج العسكري
نورا : مراد مفيش وقت لازم احضر الاجتماع... وصدقني هعمل كل الي أقدر عليه عشان أنقذ فلك لو فيها موتي.....ثم قالت بنبرة رجاء ودموع : مراد أرجوك سامحني كان غصب عني
مراد وهو يوليها ظهره : انا لازم احضر الاجتماع ده الي مخطوفه دي اختي وانا لازم انقذها
نورا : مش هينفع الموضوع مش حكاية خطف وبس
مراد : دي اختي الي مخطوفه وانا مش هستني لما تضيع مني تاني انا لازم احضر الاجتماع ده وهاجي معاكو كمان في المكان الي مخطوفه فيه
ثم اكمل بسخريه : ولا الموضوع صعب عليكى يا...يا سيادة الرائد
نورا بحزن : حاضر يا مراد هخليك تحضر الاجتماع بس لازم تعرف ان دي عمليه تهريب مخدرات وسلاح يعني أكيد في اشتباك وضرب نار والعمليات دي احنا بنروحها منعرفش احنا هنرجع منها ولا لاء وانا مش هخاطر بحياتك
انقبض قلب مراد من الخوف على اخته ومحبوبته فهي مهما فعلت سيظل يحبها فصمم أكثر على حضور تلك العمليه
مراد بسخريه : اظن انتي اخر واحده ممكن حياتي تهمها وأنا هحضر العمليه يعني هحضرها
نورا : مراد..
قاطعها مراد بصوت عالي : النقاش انتهي
فانتفضت نورا ثم خرجت وهي قلقه عليه
ثم ذهبت واقنعت اللوا بحضور مراد الاجتماع ووافق......
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
عند سليم ف الشركه انهي عمله ثم وجد من يقتحم عليه المكتب ودخل فما هو إلا كتله الإزعاج سيف
سيف بصوت عالي : واااحشنيي ياا كبييييير
سليم : يبني انت ف شركه محترمه مش ف سوق اتعلم شويه وانت مفيش منك فايده كده
سيف بلامبلاه : انت بتهزهقني صح..ما علينا اتعودنا على كده المهم
سليم بسخريه وهو يضحك : المهم....دي كلمه كبيره اوي عليك انت تعرف حاجه مهمه
سيف بصوت عالي قليلا : يا بني بأه اتهد عاوزك في حاجه
سليم بحده : انت بتقول ايه ياض انت ازاي تعلي صوتك عليا
سيف : مين دا الي يتجرأ ويعلي صوته على سليم الأنصاري
سليم بسخريه : سيف الأنصاري
ضحك سيف ببلاهه : دا واحد قليل الأدب ومشافش ربع ساعه تربيه
سليم بنفاذ صبر : اخلص عايز ايه
سيف : احم...كنت يعني بقول اني خلصت الشغل الي ورايه ورايح مشوار في غاية الخطوره والأهميه
سليم : أنا عارف انك اصلا متعرفش عندك شغل إيه عشان تخلصه... بس نسيب الموضوع ده بعدين...وايه هو بأه المشوار غاية الخطوره
سيف وهو يبتسم ببلاهه : لازم تعرف يعني
سليم : أه
سيف :......كنت كلمت فرح من شويه ف التلفون وقالتلي ان هي وحور والواد فارس ف النادي فقولت أروحلهم وكده
سليم : يا أخي اتفووو عليك وعليهم ف ساعه واحده بأه هو دا الي قرفني بألك ساعه عمال ترغي عشان تروحلهم النادي..وقال إيه مشوار في غاية الخطوره
سيف : سليم أخويا وحبيبي انا عارف انك هتوافق أخرج معاهم ومش هتكسر بخاطري
ضحك سليم على أخيه : ماشي يا أخويا اخرج
سيف بفرح : روح يا شيخ إلهي يعمر بيتك ألهي أشوفك متجوز م المزه بتاعتك
سليم بحده خفيفه : سيييف
سيف : خلاص انا خارج سلام
سليم : استنى انا نازل معاك
ثم ذهبو الأثنان إلى خارج الشركه.....
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
كده انتهى البارت
#قدر_فلك
#Nora-Samy
#RenOoo
YOU ARE READING
قدر فلك
Romanceهي فلك المهدي.. فتاه جميله وبريئه عمرها 18 عام فقدت أهلها وهي صغيره ولاكن والدها الحقيقي هو من رباها وكان يكرها بشده لأنه يتذكر والدتها عندما يراها هو سليم الأنصاري... شاب في 28 من عمره هو من يتولى قيادة امبراطوريه الأنصاري هو وصديقه مراد ومن طب...
