Unicode
ချစ်ရသူ၏ လက်မောင်းရင်းမှ တစ်စက်စက်ကျဆင်းလာသော သွေးစက်များမှာ သူ့ရင်ကိုဓားနှင့်မွှန်းသကဲ့သို့ပင်။ ချစ်ရသူမှာ ဒဏ်ရာရနေသော လက်တစ်ဖက်နှင့်ပင် သူ့ကိုမလွှတ်တမ်းဆွဲထားသည်။ သူကတော့ အင်မတန်နက်ရှိုင်းသော အသူတစ်ရာချောက်ကမ်းပါးစွန်းပေါ်၌ တွဲလောင်းခိုလျက်။
ဒီလောကမှာ ငါမရှိမှဖြစ်မယ်။ ငါသွားသင့်ပြီ ငါမင်းကိုတောင်းပန်ပါတယ်။
ချစ်ရသူအတွက် ရင်တွင်းစကားကိုဆိုလျက် သူနာနာကျင်ကျင်တစ်ချက်ပြုံးလိုက်သည်။ထို့နောက်......
"ဝေ့ရင်း!!........"
ချစ်ရသူ၏ သူ့နာမည်အော်ခေါ်သံကိုကြားလိုက်ရသည်။သူကတော့ပျက်စီးခြင်းသို့ ဦးတည်လျက်.....
"အဟင့်...ရွှတ်...ရွှတ်"
ကျင်းလင်တစ်ယောက် ရုံးခန်းထဲမှာ တရှုံ့ရှုံ့နှင့် ငိုနေသော ဆရာဖြစ်သူ ရှောင်းကျန့် အား တစ်ချက်ကြည့်လိုက်သည်။ ရုံးခန်းထဲမှာလဲ တစ်ရှူးတွေ ဟိုတစ်စ ဒီတစ်စ။ လက်ထဲမှာ အာလူးကြော်ထုတ်တွေကိုင်ထားသေးသည်။ လူကသာမျက်ရည်ကျနေတာ အာလူးကြော်က အစားမပျက်။ ဘေးကဖိုင်တွဲ အထပ်လိုက်ကြီးကို အဖတ်ပင်မလုပ်ဘဲ ဇာတ်ကားထိုင်ကြည့်နေသည်။
"ဆရာ..ဆရာ...ဆရာ!!!..."
"ဟာလန့်လိုက်တာကျင်းလင်ရာ"
"ဆရာတော့ ဇာတ်ကားကြည့်နေနိုင်တယ်နော်"
"ဘာဖြစ်လဲ ကြည့်တော့..."
"ဆရာ ဒီနေ့ကျွန်တော်တို့ဆီကို အဖွဲ့ခေါင်းဆောင်အသစ်လာမှာသိပြီးပြီလား။"
"သိသားပဲ"
"သူ့အကြောင်းကြားပြီးပြီလား အရမ်းနာမည်ကြီးတာနော်ဆရာ သူလိုက်တဲ့အမှုတိုင်း တရားခံမမိတာမရှိဘူးတဲ့။ ရဲမှူးကြီးတွေကတောင် ချီးကျုးတာ အသက်ကလဲငယ်ငယ်လေးရှိသေးတယ်။"
"အဲတာငါနဲ့ဆိုင်လားကွာ။"
"သူက ဌာနမှူး ဝမ်ဟိုက်ခွမ်းရဲ့ညီနော်။"
"သူ့ဘာသာဘယ်သူဖြစ်ဖြစ်ကွာ။ ငါစိတ်မဝင်စားဘူး။ ပြီးတော့အဲ့လောက်ထိ တော်နေတတ်နေရင် Beijing မှာပဲနေပါ့လား ဘာလို့ ငါတို့မြို့ ကိုပြောင်းလာရတာလဲ။"
YOU ARE READING
My Dear Enemy (Season1 Completed)
Fanfictionရှောင်းကျန့်:::"ငါမင်းထက်အသက်ကြီးတယ် ဝမ်ရိပေါ်" ဝမ်ရိပေါ်:::"ကြီးတော့ ဘာလုပ်ရမှာလဲ ကျွန်တော်က ခေါင်းဆောင် ခင်ဗျားကနောက်လိုက်ပဲ။" တွေ့လိုက်တိုင်းသတ်နေကြတဲ့ မှုခင်းဆရာဝန်ရှောင်းကျန့်နှင့် အတော်ဆုံးစုံထောက် ဝမ်ရိပေါ်၊ ရှုပ်ထွေးလှတဲ့အမှုတွေကို အတူဖြေရှင...
