#ذكريات طفلة

البارت التاسع عشر

حرب : الحمدالله انتي شلونج

نبض : اني هسه تمام صرت حسيت مو حرب القديم يرد عليه برود ومامتلهف اليه ضليت كاعده يمه وحاضنته موخرت من حضنه بعدين صاحوو لان زلم كاعده راح رحت ع  رقيه سألته شلون لكوه

رقيه : من خلال العشاير ومعارفنه الكوه

نبض : اهاا ي همزين رحت ع خالتي اشوفه لكيته كاعده بوسته وسلمت عليه

ام حرب : يمه وينج شلونج انتي

نبض : الحمدالله خاله اني تمام

ام سعد : لا هله بيج شو رجعتي

نبض : رجلي رجع ورجعت غصبا ع مايسوه والمايسوه

ام سعد : ولا تحجي بكل صلافه عين

نبض : خليني مرتاحه لان ماريد اخرب فرحتي  ضليت انتضر ناس تطلع لزكو دزيت رساله سامر (كم واحد بقه بديوان) ( رد قندره) ( وينك مطي) رد ( بت المطي شبيج)
نبض :( كم واحد بقه بديوان) رد ( بقو بس كم واحد جلبه عفتيني ورحتي) رديت ( واني بحالك طلعهم اطرهم مشتاقتله) رد ( ولي من خلقتي لا اكفر بيج) ذبيت جهاز سوو عشه صبيت وياهم اجا للمطبخ ابتسمتله اجا يمي

حرب : مشتاقتلج

نبض: واني مشتاقتلك كومه ماضن مشتاقلي بكد مااني مشتاقتلك

حرب : فديت يروحي

نبض : صاحوو عليه راح تعشو وحرب كلش تعب سامر راد يروح ماقبلو اله يبات فرغ البيت حرب صعد وصاحلي اني كيفت صعدت للغرفه لكيته كاعد ع جربايه! ها حبيبي

حرب : طلعيلي ملابسي اريد ابدل

نبض : ماشي رحت ع كنتور طلعتله ملابس هاك حبيبي كوم بد
حرب : تسلمين

نبض : رده كولش بارد كام بدل نزع ملابسه انصدمت عطت هاي شنو

حرب : اسف اسف ديري وجهج لتباعين

نبض : حبيبي هاي شنو هل جروح جسمه كله جروح وكل جرح غميج تعال اكعد يمي اكيد دياذنه

حرب : عوفيني لتتقربين عليه

نبض : ماسويلك شي يعمري خلي اضمدهن الك حته بعد مياذنه

حرب : كتلج لتتقربي

نبض : تراجعت رجعت المكاني عرفت متاذي هواي وتعبان وبعده بصدمه بدل وجااا كعد يمي

حرب : مشتاقلج كومه اريد انام بحضنج

نبض : وني ميته عليك مو بس مشتاقتلك جريته الحضني نومته

حرب : كومي طفي ضوه.

نبض : كمت طفيت ضوه ورجعت حضنته ونمنه كعدت ع صوت ونه باوعت حرب ماكو اسمع بس صوت بجي وعياط كمت شغلت ضوه حرب كاعد بلكاع وحط راسه بين رجليه ويبجي حرب يعمري شبيك

حرب : وخرو عني لتاذوني وخرو عني

نبض : حرب هاي اني نبض حبيبتك اشش اهداء