ميمونه ....ميمونه ملحكت عليهه طلعت تركض
بقيت كاعده مأجتي بعد كام يطلع صبح يجي ليل واني خاتله بهذا البيت اشرب مي من البوري واكل ورق شجر ونبك ....شي ميصدكه العقل ولا اني كاعد اصدك الي كاعد امر بي وكل مااتذكر شسويت اكول استاهل
واكعد ابجي اشتاقيت الفلك وال بابا يوميه انام واني ابجي وروحي احسهه تريد تطلع
الحد ما جنت نايمه بين الحلم وبين الحقيقه مااعرف اسمع صوت الزنجيل ينجر كمت مخروعه ملحكت اختل واصلاً ماكو مكان اختل بي لكيت رجال دخل وويا نسوان اثنين ووراهم شايب
باوعت عليهم
اول واحد دخل من شافني فزز وحتى النسوان فزن وطلعن من الباب رأساً ......منوووو انت
رأساً بجيت ....والله ماريد ابوك شي بس ماعندي مكان اروح بي وكمت ابجي
بعدين فهمت هذا الدلال والبيت مال واحد من جماعته والشايب والنسوان جايين يشوفو
راد يبلغ عليه الدلال كمت ابجي واتوسل بالشايب
ميخلي يبلغ
والله مبايكه شي والله بس كاعده بالبيت ...وابجي واتوسل بيهم ....الحد ما كله عوفهه خل تروح البنيه
كوه عتقوني الله رحم بحالي ....طلعت جانت الدنيا صبح يجوز ب١١ ب١٠مااعرف واني مثل المخبله شكلي ملابسي شعري قذره مثل المتسوله والمتسوله ارحم
رحت كبل البيت خضر جان قريب صعدت الدرج
ماعندي غيره لازم يساعدني مثل ما خلاني اعوف اهلي
لو يموتني ويخلصني صعدت فحطانه باوعت
دكيت الباب ماكو ميفتحه
بقيت ادكه ماكو احس طاقتي خلصت كمت ادك بالباب وابجي ماكووو اثر اله
بقيت منزويه بالسطح بلكت يجي خضر بلكت يجي ماكو احس روحي راحت وطاقتي خلصت بعد اكثر
صرت مشرده بسببه وادعي علي حسبي الله عليك يا خضر الله ياخذ حقي منك كون متلكه الراحه بحياتك
الثاني يوم هو ماكو ....الحد ما أيست واني كاعده اتذكر كلامه والبزونه بصفي ....شلتهه تذكرت كلامه وحبه الي جان يضحك عليه بي وانفعاله من يكول انت مو بنيه ومن يسألني تذكري مااعرف كمت اشك بروحي كلش
بقيت يوم كامل عل سطح جان اكو باب خارجي جوه بس سركي ينفتح بسرعه وجان بس مردود كل شويه الهوا يخلي ينركع ويفززني الحد ما سمعت صوت الرجال جوه
كل شويه اسركي منوووو يفتحه الهذا الباب استغفرررر الله
اني خفت خاف يصعدون ويشوفوني حصرت روحي بالحايط الحد ما ثاني يوم كشف الكشاف
جنت انام وافرز انام وافز
الحد ما أيست خضر يمكن عايف البيت هم الحقير
نزلت ماعندي غير اروح ال فلك اختي بس مااندل اروح بدون سياره
نزلت دكيت الباب عل جيران ميعرفوني ملحكو حتى يعرفوني
طلع رجال مستغرب هيج وقت واحد يدك الباب
اني مجديه اي شي استر روحي بي
-بقه يباوعلي باستغراب
وين بيتكم
ب.........ابويه مريض وكاعدين تجاوز وماعدنه
ردت بس اطلع كروه منهه اروح بيهه البيتنا
البارت ١٧
ابدأ من البداية
