الارهابي وذات النقاب

البارت ١٧

فزيت ثاني يوم عيوني توجعني قبل لا افتحهن .....بس فتحتهه حركتني الشمس بعيني غمضت وكعدت باوعت البيت قديم حتى جامه مفلش ومتروس اوراق شجر وحتى نبك بس مدري شلون شكله النبك ورجلي يابس الدم بيهه باوعت جان اكو بطل مكسور واني من وكعت دخلت برجلي كزازه جبيره .....كمت بسرعه البيت يخوف حسيته وكفت وارتجيت على الحايط .....واباوع عل بيت

كمت ابجي شسويت بروحي اني ....شسويت كمت اضرب بوجهي وابجي .....الحد ماتعبت وكعدت خليت ايدي على خدي واباوع على الحديقه جانت وصخه وارجع اباوع على البيت الجامه مفلش كمت تبعدت عن الباب ....رحت للباب الداخلي هم بي قفل كلش جبير والجام مفلش اليمه .....باوعت علي جان مطبخ فارغ
كمت افتر جنت محصوره :.... رحت اكو بوري بالحديقه صغير .....فتحته مابي ولا قطرة مي .....خابت امالي وكعدت يمه كمت ابجي
ليش ماكو مي عطشانه ومحصوره شسوي هسه اني

باوعت اكو ماطور قديم مزنجر رحت علي
فتحته .....مشتغل كمت ادخل بالبلك مال ماطور بالنقطه ....جان يشتغل .... ابتسمت ممصدكه
واباوع البوري كام يطلع صوت ضحكت جان ينطفي الماطور خابت امالي حتى ملحك يوكع المي كمت ابحوش بالواير شويه وهم انفتح باوعت المي نزل رحت ركض كلت خاف ينكطع جان كله طين

واكو بطاله مشموره تلعب النفس وصخه جبت بطل بسرعه لكيت المي صافي شربت اول شي من الحنفيه وبعدين غسلت البطل وترسته ورحت جوه الشجره قضيت حاجتي كعدت اباوع عل بوري تذكرت من جنت طفله وكعت وتعورت معقوله اتذكر هاي الاحداث من ماما وبابا يبجون بس هيه وكعه عاديه ممعقوله
وارجع واكول لا خضر اخذ الي يريدني وشمرني

بقيت ايام بهذا البيت جوه الشجره والحليط خاتله خاف احد يشوفني من البيوت الي كبال البيت وبليل اتجول بالحوش براحتي ميته جوع ولا لكمه ماكله عدا من اجوع اكل نبك وورق مال شجر من احس نفسي راح اتخربط اغسلهن واكلهن

الحد ما جنت كاعده سمعت صوت شباب واكفين قريب على البيت

-لك هذا البيت يمكن مسكون والله بي اشياء مو طبيعيه
-والثاني يجاوبه -اي ولك حتى امي سمعتهه تحجي يكولون اكو بليل اشياء تتحرك
-لا بربك الهيج درجه دمشي امشي ليروح يركبنا جني

مااعرف شمنتظره بهذا البيت بس ماعندي مكان غيره
ومطالعه منه حسيت الله خلاني ارجع علمود اكعد بي يحميني من الشارع وهمزين مهجور محد يسأل عنه

حسيت نفسي جعت ....لعبت نفسي من النبك كد مااكلته .....هم لكطتلي ورق ونبك ....وهمزين جان اكو مي بدون مااشغل الماطور ....جنت اغسل بالنبك مااحس اله حركه وصوت بزونه عبالك واحد لاحكهه
دخلت من جوه الباب سريع بقيت مكنبصه بمكاني

دخلت للبيت من الشباك ....بقيت اباوع ملحكت حتى اشوفهه لان دخلت سريع بس حسيتهه تشبه ميمونه
بس منتبهت العينهه اخذت النبك والورق ورجعت تجيت نفسي عل حايط وكعدت اكل
مطلعت ابد البزونه بس اسمع صوتهه .....الحد ما جاعت طلعت واشوفهه هسه بجيت من شفتهه حسيت نفسي شفت احد اعرفه كمت اصيحهه