#ذكريات طفلة

البارت الخامس عشر

ذكريات طفلة

الكاتبه : سلار

مكابر كوه اجيب الراس عالراس
واعاند دنيتي عناد المجانين
وانه شما اطيح اكل للروح لاباس
على جروحج توجي ولاتصيحين
شربني الزمان اهموم من كاس
اقسى وأمر من سم الثعابين
تجرعته بصبر ماسمعت ناس
لجن ياحيف فضحني النياشين
انه الروحي جبل يهدمها يافاس
وانه المرمر التنحد بي سجاجين
لخلي جفوني عل دمعات حراس
واكل للعين فنج بعد تبجين
اذا وصلت منيتي لكطع الانفاس
واجب من يمر شامت تضحكين
مرمر سكف روحي واصلب الساس
ولامن جام بيتي وساسي من طين
وطبع بالروح يشبه ورقه الياس
يتكاثر عطرها بفرك الايدين.

~~~~~~~~~~~~~~~

نبض : سامر رجعلي غراضي ضليت اشوف بيهن همزين جايبلي الباج وجايبلي اسلاحي جان رحت بيه التحقت بجيش كمت ماكل ولا عليهة باحد اكمل واجبي وكعد وسكت كمت اكل اهواي من اضوج اكل اهواي سامر يحاول يضحكني بس اني مالي خلك اضحك للمقابيلي بس بداخلي مدمر بليله وحده خسرت اهلي كلهم وحبيبي الي اول شخص حبيته هيج سوه بيه
مر اسبوع صرت مدمنه جكاير ( ساعه ١٢ بليل بدوام كاعده وباوع ع سمه اشرب جكاير ادموعي تجري بس اجذب ع نفسي لا مدابجي اتخايلت كل صار وياي من عمري ٧ سنوات لحد عمري ٢٤ اتصلت جهازي باوعت حرب طيته رفض مجاوبت اتصل مرا ثانيه فتحت خط

حرب : الوو نبض

نبض : هلووو

حرب : نبض انتي وين

نبض : ليش شرايد

حرب :نبض ارجعيلي اني غلطت

نبض : سديت الخط بوجه ضل يتصل مارد خليته صامت وعفته لجهاز ( بقيت شهر انزل من دوام اروح اشوف اخبار ماما بدون ميدرون ولا يشوفوني اضل وكفه يم البيت وروح لو اخبار خالي الوحيد الي يحجيني اعرف اخبارهم من عنده قليل انزل استحي اضل بيت سامر صح ممقصرين بس احس نفسي ثكيله ضليت شهر هيج ونفسيتي زفت ماختلط ابد كرهت دنيه كله جكاير متفاركتي

ساعه 1 بليل

نبض : كاعده كل عاده كملت الوجب مالتي سامر راح لزم واجب

اتصل سامر عليه، خير شكو هذا بلوجب ليش اتصل عليه فتحت خط - الوو ها سامر

سامر : نبض ممكن تجين محتاجج

نبض : صوته مخنوك عبالك واحد يريد يبجي كتله ي جايه هسه
كبل طلعت ورحت عليه! ها سامر شبيك؟

سامر : نبض حبيبتي

نبض : شبيه ولك

سامر : نبض حبيبتي اليوم زوجت

نبض :لا يربك شدتحجي انت زوجت شنو مو ع اساس دتزوجون انتو

سامر : نبض اريده احبه لج والله احبه صالي سنين احارب علموده ولمن جيت اخطبه دكولي ماحبه وراح ازوج واحد غيرك