وعد 🥀 ( روايات ليبية )

حلقة 8🥀 " ما وراء الحقيقة "

رواية #وعد 🥀..................حلقة 8
للكاتب #أحمد_عبدالله
" ما وراء الحقيقة  "
.
📍 في القصر
نهلة : اااااااااااااننننننننننننسسسسسسسسسسسسسسس
( الحوش كله انهز بصوت )
نجوي : ديما و هيا بصوتها
ياسر : يا ربي حتي النوم محروم منه
اميرة : اختك هادي تبي تقتلنا بصوتها
.
طلعت تجري
الياس : وين ماشية
نهلة : ماشية ندور علي امه الحيوان
................................................/
📍 وعد
وعد : تفضل انس تبي شي
انس : الحق اني جاي نبي نطلع انا و انتي نتعشوا البرا
وعد : و اللهي ما خاطري شكرا
انس : لا ارجوك بلاش كلمة لا ، اقسم بالله تعبت باش وصلت لهني
وعد : 🥺 خلاص خلاص حاضر ، استنا شوي و جاية ، تبي تشرب شي
انس : لالا بري البسي بسرعة
وعد : 🥺💔 حاضر
( مشت وعد )
( تلفت انس للطاولة و شاف تليفون )
انس :👁👁 ايفون و لونه اخضر
✨ يتذكر ✨
انس : شن فيه ان شاء الله خير
الياس : لالا خير
انس : شني
الياس : اختارلي تليفون من التليفونات هادي
انس : لمني ليك
الياس : لا
انس : ليا
الياس : لا
انس : 😳
الياس : خود و انت ساكت
انس : خود هذا احدت ايفون نازل
الياس : تمام
( خدي التليفون و طلع من المحل )
انس : لمني هذا التليفون
الياس : لمتعة الفروسية
انس : 😍 اها قول هكي ، ليش ما عندهاش تليفون
الياس : ما عندهاش قتلي رح تشري بس قلت خلي ناخده اني
.
انس : 🤭
( هذا التليفون يلي شراه خالي )
.............
📍القصر
( كلهم شادين نهلة و هيا معصبة )
ياسر ؛ قعمزي و اهفتي بالله عليك
نهلة : يلي قاهرني كيف طلع من الروشن ، لالا هذا خلاص معش نقدره ، كله منك ان يا تيس
الياس : شن دخلي
نجوي : خلاص يا نهلة ، توا يروح
نهلة : اني قاعدة و مستنياته و انهاره احرف اسود مغبر ما فيه ضي
معتز : و راس امك خلينا نرقدوا عندنا خدمة في روسنا
نهلة : بروا ارقدوا من شادكم من وصل فيكم شن خصكم فيا ، اني و ولدي ، كل واحد يركب لداره و ينخمد ،
اميرة : تصبحوا علي خير 😒
ياسر : اقعدي باتي جنب الباب
نهلة : بروا مرقد عمي ، اما الحيوان مستنياته ، انهره احرف
..............
📍 وعد
( خشيت لبست و طلعت )
وعد : لبست هي كان بتمشي
انس : هي ، هاتي ايدك
وعد : 👁👁 شني
انس : خيرك هاتي ايدك
وعد : ( اعطيته ايدي شدها و طلعنا )💔
...
انس : تفضلي اركبي
وعد : شكرا
( طلعت السيارة )
انس : قتلك وعد ، انتي مصاحبة حد
وعد : شني
انس : مصاحبة حد تعرفي حد يسكن في المنطقة
وعد ؛ لالا ليش
انس : لا بس نسأل
وعد : اها
( وصلنا و نزلنا )
( شد ايدي تاني 👁👁 )
انس : 😊
وعد : 😊💔
( خشينا و قعمزنا )
انس : شن رايك في المكان الحلو هذا
وعد : 🥺 الله محلاه
انس : هذا افضل مكان عندي ،
وعد : السماء و النجوم كلها باينة
انس : المكان هذا ما نجيبش فيه الا الناس يلي نحبهم زيك انتي و زي امي
وعد : 👁👁💔 امك
انس : ايه جبتها ليه مرتين
وعد: 👁👁💔 الله ، تجيب في امك اهني
انس ؛ ايه في عيد الام
وعد : احكيلي علي  امك يا انس
انس : شن تبي تعرفي
وعد : احكي ، هل انت تحبها
انس : هو اني نحبها بس امي شوية قاسية عليا ، ممكن لان خايفة عليا ، بس هذا ما يمنعش اني كنت نتمني ان اني تكون حنونة اكتر ،
وعد : 🥺 كيف يعني
انس : يعني انها تكون عطوفة عليا زي كل الامهات ، لما نبكي تسمح دمعتي لما نطيح تقيمني ، تعرفي مرة درت عملية كل الصغار معاهم امهم ، الا انا ، بس عادي في كل الاحوال نحبها
توا لما تشوفيها تعرفي شن قتلك
وعد : 👁👁 تخيل امك ما طلعتش امك
انس : 😂 احسن ، مرات امي تطلع وحدة حلوة ، بس زي ما قتلك في النهاية نحبها لانها يلي جابتني
وعد : 🥺 ( قعدت نشوفله و نبتسم و خاطري نقوله ، خاطري نشوف ردة فعله ، خاطري ننهي هلكذبة )
انس : انهي موضوع امي توا ، ممكن نسالك سوال يا وعد
وعد : اسال طبعا
انس : التليفون هذا من جابهولك ، قولي وعد عادي
وعد : هذا
انس : ايه
وعد :اني جبته ، بس مش عارفة خيره مش زي التليفونات التانية و فيه تفاحة من تالي باين عليه حاجة سكة
انس : هذا ايفون
وعد : شن ايفون
انس : حي ما تعرفيش الايفون ، هذا نوع التليفون ، انتي وين عايشة
وعد : ما عرفتش ندير شي ،
انس : هاتيه
وعد : ليش
انس : نسجل رقمي
وعد : لا لا قولهولي
( خفت يشوف رقم اميرة و الياس )
انس : 👁👁 حاضر
( كتبت الرقم )
انس : شوفي النجوم في الجهة هذيكا
وعد : 👁👁 الله
انس : تلفتي
وعد : شن هذا
انس : هدية
وعد : ايه يلي هيا شني
انس : هدية ليك
( فتحت الصندوق لقيتها ساعة )
وعد : ساعة ، شكرا
انس : ان شاء الله عجباتك
وعد : و شن المناسبة
انس : هكي ، من غير مناسبة
وعد : علي العموم شكرا ، شن رايك نعطيك هدية
انس : بلحقا
وعد : ايه بلحقا
( تلفتت ،)
وعد : ممكن تنحي السلسلة من رقبتي
انس : حاضر
( نحاها و تلفتت )
وعد : هاذم تلاتة حروف اسمي ، رح نعطيك حرف ال د ،
انس : اعطيهملي كلها ليش د بس
وعد : عشان حتكملها في يوم من الايام
انس : يعني كل يوم تعطي حرف
وعد : حتعرف ، شده و خليه عندك و حافظ عليه
( فرحتي كبيرة لما يكون انس معاي و جنبي ، كان خاطري ، نشده و نبكي و نقوله ، مش عارفة شن نهاية القصة هادي )
...........
📍 في حوش احمد
ليلي : حبيبي
احمد : نعم
ليلي : شن رايك نعزم غدوا وعد
احمد : وعد
ليلي : ايه خيرك ، وعزمها ، ارتحت ليها البنت هادي
احمد : تمام حنكلمها
ليلي : ايه ما تنساش
احمد : حاضر
.
( تمت التدهويرة و ركبت السيارة و وصلني الحوش )
انس : شن رايك في التدهويرة
وعد : تجنن ، لانها معاك انت
انس : 😍
وعد : تجنن لانك انت فيها ، ربي يحفظك يا انس
( و حطيت ايدي علي وجهه )
وعد : ما تنساش الحرف ، حافظ عليه
انس ؛ حاضر تصبحي علي الف خير
وعد : و انت من اهله ✋🏻
انس : ✋🏻
.........
( رجع انس للحوش )
( فتح الباب . لقي نهلة راقدة علي الصالون )
( خش ، باس راسها و ركب )
.
📍 الصبح بكري
( الكل ناض و جت الشغالة بتنوض نهلة )
جيجي : مدام مدام
نهلة : ها
جيجي : تعالي فوق في دارك ،
نهلة : و اني وين
جيجي : في الصالة مدام
نهلة : يح بيني ، و الساعة كم
جيجي : الساعة 9 مدام
نهلة : الحمد الله بكري ، المهم ما شافتنيش اميرة
جيجي : مدام اميرة نزلت قبل شوي و شافاتك
نهلة : 😒 . حقا جي انس
جيجي : من الليل مدام
نهلة : ( ناضت تجري 🏃🏻‍♀️)
.
📍 وعد
( و اني راقدة نسمع في صوت الباب ، نضت لقيتها اميرة )
وعد: 👁👁
( فتحت الباب )
وعد : اهلا حبيبتي
اميرة : اهلا بيك ، اسفة علي الازعاج علي الصبح
وعد : لا طبعا خشي حبيبة
اميرة : شكرا ،
وعد : لكن كيف عرفتي الشقة
اميرة :سألت ، و بعدين العمارة كلها فيها 3 شقق و قالولي ان فيه مراة ساكنة هني
وعد : اها ،
اميرة : شقتك حلوة يا ولاء
وعد : شكرا حبيبة قلبي ، قعمزي خمسة دقايق ، و جاية ، الحوش حوشك
( خشيت ، غيرت و طلعت )
وعد : استني نديروا قهوة و نتكيفوا
اميرة : تمام
( درت قهوة و جيتها )
وعد : تفضلي ، سامحيني ما عنديش حلويات ما جبتش
اميرة : لالا عادي
وعد : من لما شفتك و اني حاسة ان فيك شي ، حاسة انك مش مرتاحة
اميرة : ايه و الله 🥺
وعد : احكي حبيبتي ، اعتبريني اختك ، او صاحبتك
اميرة : قداش بنحكيلك يا ولاء
وعد : و شن عندنا نديروا ، القهوة و موجودة و الوقت و ما عنداش اكتر منه نسمع فيه
......
📍 في القصر
( خشت داره لقاته راقد )
نهلة : ( بدت تضرب في رجله ، )
انس : ها ها
نهلة : ها ها صار ، وين كنت امس
انس : اني راقد راقد
نهلة : نكلم فيك وين كنت امس
انس : مشوار
نهلة : مشوار ، ( بصوت عالي ) اااااااااانننننننننسسسسسسس
انس : 🤯
نهلة ؛ شفت جيت بلادب ما فيش جيت بصوت العالي فقت ، وين كنت نسال فيك وين كنت
( ناض و هو غالبه النوم )
انس  : كنت طالع ، مع صحابي و جيت
نهلة : باهي اني توا بنسكت ، نوض غير و البس وتعالي صحابك بيلعبوا خيل ، هيا
( و هيا طالعة لقاته رجع رقد )
نهلة : اااااااااااااانننننننننننسسسسسسسسسسسسس
انس : وراك وراك
( نزلت لقت نجوي مقعمزة هيا و الياس )
نهلةً: صباح النور
الياس : صباح العياط
نهلة : شفتيه وله ، كلمي ولدك خيرله
( قعمزت )
نهلة : امانا وين ياسر و معتز
نجوي : مشو للشركة
نهلة : و طبعا اميرة هانم مهناش
نجوي : ايه لكن المرة هادي غير ، سيارتها البرا
نهلة  : بالك حد جاها ، ما شاء الله علي الرجالة يلي تحكم ، و بعدين هيا في اي شهر
نجوي : بالك الرابع
الياس : الحمد الله ( وكيف بينوض)
نهلة : وين ان شاء الله خير ،
الياس :بنمشي للشركة و للفروسية
نهلة : اقعد ، و العب مع انس ، حتي نتفرجوا عليكم
الياس : لالا مرة تانية
( ومشي )
نجوي : فكنا من المشاكل يا الياس
............
📍 في حوش وعد
وعد : به كملي
اميرة : و هو هذا ، حياتي كلها طلعات ، معش متحملاته ابدا و مستمرة ، علي خاطر يلي في بطني و امه و اخته راسهم من راسي
وعد : باهي انتي ما فكرتيش تحبيه
اميرة : للاسف ما قدرتش
وعد : و انتي تحبي حد تاني
اميرة : ( نزلت راسها )
وعد : معناها تحبي
اميرة : نحس في روحي غالطة بس مش عارفة 💔
وعد : 👁👁 من هوا
اميرة : معاي في الشغل
وعد : اها و كيف علاقتكم
اميرة : عادية
وعد : انتي طلعتي قصتك قصة ، انتي لازم تشوفي حل مع امه و اخته ، عشان تاخدي راحتك و تحافظي علي زوجك
اميرة : ايه و الحل شني
وعد : لا هذا خليه عليا
( فجاء طق الباب )
( نضت شفت لقيته احمد )
( فتحت الباب )
احمد : اهلين
وعد : ولاء ولاء 👁👁
احمد : اهلين ولاء
وعد : تفضل احمد تفضل
( خش )
وعد : نعرفك خوي احمد
اميرة : اهلين
احمد : اهلين بيك
اميرة : اني نستأذن
وعد: خيرك
اميرة : نجيك مرة تانية ، و مزال كلام هلبا بيناتنا
وعد : طبعا هذا
( مشيت سقدتها للباب )
اميرة ؛ الكلام هذا يا ولاء بيني و بينك
وعد : عيب منك ، كأني ما سمعت شي ، و امه و اخته هاذم لازم حل
اميرة : باي 👋🏻
وعد : باي 👋🏻
( تلفتت )
احمد : شن صار
وعد : قول شن مصارش
احمد : 👁👁🔥
.
📍 في الشركة
( خش الياس للشركة )
السكرتيرة ؛ تفضل استاذ الياس ارتاح
( خشت السكرتيرة و قالت لياسر انه خوه يستني البرا )
ياسر : دخليه
السكرتيرة ؛ حاضر
( طلعت )
السكرتيرة : تفضل استاذ الياس
( خش )
ياسر : تفضل الياس تفضل
الياس : كيف حالك ياسر
ياسر : الحمد الله
الياس : قتلك اني جايك علي موضوع و نبيك تساعدني فيه
ياسر : ايه تفضل
الياس : نبي 20 مليون
ياسر : 👁👁🔥
...........
📍 في جردينة القصر
نهلة : هيا يا ماما بيبدا السباق ، يا جيجي جيبي الحلويات
نجوي : بدي
نهلة : لالا مزال يسخنوا
نجوي : هذا من يلي معاهم
نهلة : بالك صاحبه الجديد
نجوي : ايه ، شوفي وعد محلاها
نهلة : وعد 😱🔥 وينها وينها
( ناضت تجري )
نجوي : قصدي علي الخيل اهيا
نهلة : قداش ادرهي الكبد اقسم بالله و بعدين مش قلت سموها نهلة اني ، من توا اسمها نهلة
نجوي ؛ تمام شوفي نهلة
نهلة : معش بنشوف شي
...............
📍 وعد
أحمد ؛ كيف يعني
وعد : زي ما كنت متوقعة بزبط بزبط
احمد : يعني فيه خلاف بينهم
وعد : ياريت هاذي فيها خيانة
احمد : 👁👁🔥
وعد : موضوعها موضوع هادي
احمد : هادي كل اوراق المشروع ، اقريها كويس و تعمقي فيها ، باش تعرفي شن تقولي
وعد : تمام
احمد : وعد ، اسم سلسلتك ناقص
وعد : اعطيت واحد لانس
احمد : 🔥👁👁 انتي شن درتي يا وعد
وعد : خيرك
احمد : كيف هكي و كان الياس او ناهد شافتها
وعد :🥺
احمد : خيرك يا وعد ، خيرك فيقي و ركزي يا وعد
وعد : احمد ، خلاص بالله عليك مش ناقصة
احمد : اديري في حاجات يا وعد ، و بعدين انس ليش مقابلاته
وعد : هو جي
احمد : لازم تبعدي علي انس يا وعد لازم
وعد : 💔🔥 اني طلعت علي خاطره
احمد : حتي كان ، يا وعد ، لازم تبعدي
وعد : باهي حاضر
احمد : حقا ليلي عازماتك علي العشي اليوم
وعد : اه
احمد : عازماتك و لازم تجي
وعد : حاضر
احمد : حنجي ناخدك
وعد : تمام ،
( طلع )
...........
📍 الشركة
( صوت الياس و ياسر في كل الشركة )
الياس : انت ديما هكي محبطني
ياسر : يا ياسر الشركة مفلسة و انت تقولي تبي 20 مليون
الياس : من فلسها
ياسر : جاي تقولي من فلسها و تبي ادير ميناء
الياس : ايه و بنديره و غصب علي الكل
ياسر : امانا شوف من بيدفعلك
الياس : هذا حقي و حق بوي و من حقي ناخده
ياسر : بوك مات و ما خلا شي لو مش من عمك و من بنته يلي راقدة في المستشفي راهو انت توا تخدم باش تاكل
الياس : يعني مش عاطي
ياسر : لا مش عاطي
( جي معتز للشركة و يسمع في الصوت ، مشي يجري 🏃‍♂️)
( خش عليهم )
معتز : خيركم خيركم
ياسر : تعالي شوف خوك شن يبي
معتز: انت خيرك شن تبي
الياس : نبي ندير مشروعي ، نبي فلوس
معتز : منين و حني مفلسين
الياس : انتم سبب افلاس الشركة ، دبروا
ياسر : يبي يخلطني
معتز : تعالا اخدم معانا ، ما فيش حل
الياس : يعني هكي ، متفقين عليا ، تمام تمام ، لكن توا تشوفوا توا تشوفوا
( طلع و ضرب الباب بكل قوته )
السكرتيرة : 🤭
..................................
( مقعمزة نهلة و نجوي و يتفرجوا علي الشباب كيف تلعب في الخيل )
نهلة : ماشاء الله عليه انس كيف يعلم في الخيل طالع لبويا
نجوي : بوك ما يعرفش يلعب يا نهلة
نهلة ؛ امانا لمن طالع
نجوي : وعد فارسة الخيل الاولي علي ليبيا نسيتي و عمك جلال
نهلة : 👁👁🔥 باهي اسكتي خلاص
( فجاء عتر انس من علي الخيل )
نهلة ؛ وووه عليا ، كله من سيرة المهبولة ،
نجوي ؛ 🤭
( الانفصام يلي عند نهلة لدرجة ان تتخيل ان بوها كان يلعب في الخيل و هيا كانت فارسة ، مع ان لا هي فارسة و لا بوها يلعب في الخيل ، و كأنها تتخيل انها وعد )
.
📍 عند وعد
وعد : ( لبست و كلمت احمد و طلعت نستني فيه و جي بسيارته )
وعد : السلام
احمد : هذا امتي شريتيه
وعد : مشيت بروحي شريت هلبا حاجات
احمد : طالعة حلوة
وعد : شكرا
( وصلت لحوشه و خشيت )
ليلي : وعد حبيبتي
وعد : كيف حالك
ليلي : تفضلي تفضلي
وعد : يزيد فضلك
( قعمزت )
ليلي : بنعرفك علي ولدي و بنتي
وعد : 🥺 ما شاء الله
( محلاهم يا ماشاء الله )
( ربي يحفظهملك )
ليلي : حبيبة قلبي
( قعمزنا و بدينا نهدرزوا و وتت العشي و تعشينا و بعدها رجعنا نهدرزوا )
ليلي : انتي من عيلة مني وعد
وعد : بيت المال
ليلي : متع الخيل
وعد : ايه بوي جلال بيت المال
ليلي : 🤭 ( شافت لراجلها )
وعد : خيرك
ليلي : ربي يزيدك يارب
وعد : سلمك بس طبعا تعرفي ان ولاد عمي هما يلي شادين الرزق توا
ليلي : ايه ايه عارفة ربي ينصرك عليهم
وعد : سلمك يارب
ليلي : 🤭 ( هذي مليونيرة )
............
📍 في القصر
( خش الياس معصب لدراه و جي معتز و ياسر و خشو للمكتب معصبين )
( في دار انس )
نهلة :  يا وخيتي حالك باهي يا انس
انس : كويس كويس اااااه
نهلة : كيف تجي كويس و اااه هادي ،رجلك هادي الباين انها فك
انس : لالا
نهلة : تي شن لا
انس : اني كويس
نجوي : كيف حاله توا
نهلة : قاعد اهو يتألم
نجوي : نكلم دكتور امجد يجي
نهلة : ايه كلمي
انس : لالا
نهلة : ( ضغطت رجله )
انس : اااااااااااه
نهلة : كلميه بري
نجوي : حاضر
( طلعت نجوي من دار انس و هيا ماشية لدارها خطمت من دار معتز )
( تسمع )
اميرة :الو حبيبي ، ههههههههه
نجوي : 🤭👁👁🔥
......
نهلة : ارتاح ارتاح حبيبي ارتاح
( اتكي انس و بدي يغفل )
( فجاء تلفتت يمين شافت سلسلة بحرف ( د )
( ناضت و شدتها )
نهلة : 👁👁🔥🤭😱 لا لا لا
......
معتز : معش فيه حل الا نعطوه
ياسر : كيف نعطوه الشركة ناقصها فلوس و مزال بضعة كندا ما وصلتش
معتز : باهي شن الحل
ياسر : مافيش حل ، خليه اعلي ما في خيله يركبه
معتز : اني راكب تصبح علي خير
......
ليلي : الله يا ليلي يا محلا تهدريزك
وعد : 😂 حبيبتي
احمد : مش قتلك اني يا ليلي
وعد : اسمعي ليلي وين مكان الحمام
ليلي : الدور الارضي بعد المطبخ بي دارين
وعد : تمام
ليلي : نجي نوصلك
وعد : لالا الحوش حوشي عرفته
( مشت وعد ناحية الدروج و نزلت )
( بعد ما نزلت نست الشنطة فوق يلي فيها المعطر و المكياج )
( رجعت ركبت )
.
ليلي : انت قتلي ان فيها مصلحة بس مش لدرجة بيت المال
احمد : مش قتلك اني
ليلي : مش هما نفسهم يلي عمك يحارب في الشركة متعهم
احمد : ايه
ليلي : و اكيد هو موصيك عشان الشركة تخسر
احمد : طبعا
ليلي : يا ولد الذكية ، انت تعلب علي ملايين
....
وعد : 👁👁🤭🥺🔥💔............يتبع
بدت النهاية تقرب ، النهاية امس كتبتها ، نكتب و نبكي ،طبعا كتبتها في ورقة ، الرواية فيها رسائل هلبا ، الرواية بدت تبان فيها هلبا خيوط ، بس المهم النهاية رح تفاجئكم هلبا ، شن رح يصير في الحلقات الجاية و كيف رح تكمل وعد ، هذا كله رح تعرفوه الحلقة الجاية ، تعليقات طويلة و تفاعل قوي ، نبي رايكم ، نبي تعليقات نقراها نتحمس نكتب يلي بعدها ، ان شاء الله تكون الرواية للان عاجبتكم ، و ننتظر رايكم و تعليقاتكم ،،،،،،،،،الكاتب #أحمد_عبدالله
تصبحوا علي الف الف الف خير