وعد 🥀 ( روايات ليبية )

حلقة 6🥀 " حب لا يجوز "

رواية #وعد 🥀................حلقة 6
للكاتب #أحمد_عبدالله
" حب لا يجوز "
.
( طلعت من الحوش و لازم نتاكد هل الرقم صح او غلط )
( وصلت للتاكسي ركبت )
وعد : سامحني خوي عطلت عليك
التاكسي : لالا عادي
وعد : قتلك خوي ممكن تليفونك شوي اذا ممكن
التاكسي : تفضلي
وعد : شكرا
( شديت التليفون و كتبت الرقم و اتصلت )
ليلي : الو
وعد : الو ليلي معاي
ليلي : تفضلي مني
وعد : اني وعد
ليلي : 👁👁🔥 مني
وعد : وعد وعد
ليلي : من وعد
وعد ؛ انا الحالة يلي ساعدها دكتور احمد و نبي نقابلك في اقرب وقت
ليلي : تفضلي قولي شن تبي
وعد : نتلاقوا غدوا في مطعم ماركس ، نتمني اني نشوفك الساعة 10
ليلي : 👁👁
وعد : ( سكرت )
( لازم يلي خربته نصلحه حتي لو بيزعل مني احمد )
( عطيت التليفون للسواق )
.
📍 في المستشفي
مريم : ( خشيت للمستشفي )
حسين : السلام عليكم
مريم : و عليكم تفضل حسين
حسين : مريم كنت نبي نسالك
مريم : تفضل
حسين : كلمتي دكتور احمد سألتيه علي وعد او لا
مريم : وليش بنكلمه
حسين : ماهو نعرف ان بينكم صداقة
مريم : لالا ما كلمتاش ، اسفة لازم نمشي دوامي انتهي
حسين : 👁👁 تفضلي
( طلع طول لنوال في المكتب ) ( طق الباب )
نوال : مني
حسين : اني يا هانم
نوال : خش يا حسين
حسين : عندي ليك خبر
نوال : شني
حسين : وعد موجودة
نوال : اكيد موجودة مش ميتة يعني ،
حسين : عرفت حاجة مهمة عليا
نوال : تخيل ما خاطريش نعرفها ، فوتها كرهت موضوعها
حسين : مريم
نوال : 👁👁 من مريم
حسين : ممرضة عنبر 6
نوال : خيرها
حسين : سمعتها تكلم في وعد
نوال : به شن قصدك
حسين : قصدي ان ممكن هيا يلي مهربتها
نوال :👁👁🔥
.....
📍 الساعة 10 الصبح
( نضت لبست و خديت شنطي و نزلت من الشقة )
( و اني طالعة من الشقة لقيت انس طالع ماشي للجامعة )
انس : 😍👋🏻
وعد : 🥺👋🏻
( ركب في سيارته و اني قعدت واقفة نستني في تاكسي )
( درس )
انس : صباح الخير
وعد : صباح النور
انس : فيه قمر يطلع الصبح
وعد : 🥺
انس : انوصلك لو حابة و منها نتعرف عليك
وعد : 🥺 لالا شكرا جايني خوي و بعدين ما نبيش نعطلك عندك جامعة
انس : لالا عادي بس لو جايك خوك تمام ، لازم نشوفك تاني يا ، انتي حقي شن اسمك
وعد : وعد اسمي وعد
انس : عاشة الاسامي يا وعد ، انا اسمي انس
وعد : خلاص قتلك حنشوفك مرة تانية ، تأخرت علي مدرستك
انس : 😂 تمام ، سلام
وعد : 💔
( وقف تاكسي 🚕 ركبت و قتله علي المطعم و خايفة انها ما تجيش )
(وصلت نزلت للمطعم )
( خشيت و قعمزت )
( و طلبت قهوة و فجاء نشوف في وحدة وقفت قدام الطاولة )
( رفعت عيني لقيتها وحدة جميلة جدا )
ليلي : وعد صح انا ليلي
وعد : 😍 ليلي اهلا بيك تفضلي قعمزي
( قعمزت )
وعد : تعرفي من لما وصلت و اني نفكر في حاجة وحدة
ليلي : شني
وعد : كيف رح تعرفيني و كيف رح نعرفك و للاسف انا ما عنديش تليفون
ليلي : لا انا نعرفك
وعد : كيف عرفتي شكلي
ليلي : لقيته في الاوراق ، تفضلي استاذة وعد ليش طلبتي تشوفيني
وعد : اني حاسة ان فيه شي بينك و بين احمد و عارفة انه بسببي
ليلي : 👁👁 و ليش عارفة انه بسببك ، شن فيه شي
وعد : 😊 نبيك تعرفي شي ، حبيبة قلبي ، و تحطيه في دماغك طول الوقت ، هو اني مستحيل مستحيل مستحيل نحب حد قلبه عند حد تاني و مستحيل نحب احمد ، احمد هذا ساعدني ، مساعدة اخ لاخته ، نقدني ، طلعني عشان ناخد حق بوي و راجلي و ولدي ،يا هانم يلي واقفة قدامك توا ، وحدة حقها عند حد تاني . اتهموني اني مريضة نفسية ، خدو ولدي . خدو حقي ، و الحمد الله لان زوجك شخص محترم ، ساعدني و اتبت اني غير مريضة ، و لا مش بس هكي ، اعطاني فلوس مع اني مع احترامي ليك نشري طرابلس كلها ، لكن للاسف حقي مش فايدي
ليلي : 👁👁
وعد :رد بالك تضيعي راجلك علي خاطري ، لاني مستحيل ندير شر في يلي دار فيا خير ، و الشر الكبير اني نخرب العيلة يلي بناها
ليلي : انتي ما تحبيشي ، بس شن ضمنك انه ما يحبكش
وعد : كيف يعني
ليلي : احمد يحبك يا وعد ، كاتب عليك كلام لو تقريه حتعرفي ، هو ساعدك علي خاطر يحبك
وعد ( انصدمت ) : حتي كان اني ما نحباش و هذه الاهم ، حتى لو يحبني ، انا لا ، اعطي فيا الثقة و حتشوفي
ليلي : 🥺
وعد : عندك علم خاطري نشوفك من زمان هلبا و حكالي عليك هلبا احمد ، قالي انك حلوة ، بس ما كنتش متوقعة للدرجة هادي
ليلي : ❤️
وعد : حي خدانا الكلام و نسيت شن تطلبي
ليلي : قهوة
وعد : تعرفي ليا ساعة طالبة ، بالك نسوني
.
🔥 في القصر 🔥
الياس : صباح الخير
نهلة : صباح النور
نجوي : صباح النور
نهلة : جوك كويس ما شاء الله
الياس : ايه الحمد الله ،
نجوي : شن صارلك من الخدمة في الخدمة
الياس : اممممممممم
نهلة : البطال بطال
الياس : قاعد نفكر ، يا جيجي ديري قهوة
نهلة : 👁👁 قهوة و انس طلب قهوة قبل ما يطلع ، ما تقولش كنتوا تشربوا
الياس : لالا قهوة عادي
نهلة : الله يرزيني فيك يا رب باش نرتاح
الياس : 😌
نهلة : ( ناضت و ركبت ) يا عيلة جلاس
نجوي : ديما بمشاكلك
الياس : اني طالع بايد، خلاص يا جيجي راسي تعدل
نجوي : يحب المشاكل
معتز : صباح الخير
نجوي : صباح النور ناض اليوم متاخر
معتز : ايه و الله تعبان شوي
نجوي : خيرك حبيبي
معتز : ما خيرني شي
نجوي : اكيد اميرة
معتز : اميرة اميرة اميرة سكري الموضوع بالله عليك ، اني قلتلها اطلعي ، خلاص معش نبي نسمع حاجة
نجوي : خلاص سامحني
معتز : اني طالع
نجوي : ربي يعاونك
( طلع معتز )
نجوي : يا ناري عليك يا ولدي من الفاجرة هادي ، بس حتي انت تستاهل ، كاني مكانك راهو خديت وحدة تانية
.
وعد : ليلي زي ما وعتيني خلاص
ليلي : تمام
وعد : حبيبتي ، باين علينا حنكونوا اصدقاء.
ليلي : باذن الله
وعد : ممكن نطلب تاني منك
ليلي : تفضلي
وعد : ممكن تقوليله يرجع يساعدني ، و الله محتجاله معاي ، يساعدني 🥺 بالله عليك
ليلي : حاضر
وعد : شكرا ( شديت ايدها )
ليلي : 😍
وعد : اني نستأذن ،
ليلي : حتي انا
وعد : تمام لازم نتلاقوا مرة تانية
ليلي : لازم
وعد : ❤️
.
الياس : الو انس وينك
انس : نعم خال
الياس : نبيك
انس : اني في الجامعة
الياس : نبيك في موضوع مهم
انس : تمام ، اصلا كملت المحاضرة ، هاني جايك
الياس : تعالالي في شارع المدار
انس : ليش
الياس : معش تسال هلبا تعال و رح تعرف
انس : 😳
.
نهلة : ماما ماما مااااااامممااااااااا
نجوي : قداش تعيطي
نهلة : تي تعالي
نجوي : شن خيرك . شفتي وعد مرة تانية
نهلة : تتسهوكي عليا
نجوي : لا باهي شن تبي
نهلة : ماما عندي فكرة حلوة هلبا ، خيرك من الحياة يلي بلخوف هذه
نجوي : شن
نهلة : شن رايك نسافر اني و انس ، منها يقرا برا منها
نجوي : ليش
نهلة : هكي اني نشوف فيها احسن و خلي نرتاح من قصة وعد الغبرة
نجوي : وعد راقدة من المستشفي و مرتاحة و اني تاكلي في روحك
نهلة : عندي شك ان وعد البرا
نجوي. كلمي المستشفي و رح نقولك
نهلة : كلمتها مسكر رقمها
نجوي : بري غادي و اطمني ما يصير الا الخير و نحي في بالك فكرة الهروب هادي
.
انس : الو انت وين
الياس : تعالي يمين نشبح فيك
انس : ايه ايه شفتك
الياس : هيا تعالي
( وصل انس لمكان الياس )
انس : شن فيه ان شاء الله خير
الياس : لالا خير
انس : شني
الياس : اختارلي تليفون من التليفونات هادي
انس : لمني ليك
الياس : لا
انس : ليا
الياس : لا
انس : 😳
الياس : خود و انت ساكت
انس : خود هذا احدت ايفون نازل
الياس : تمام
( خدي التليفون و طلع من المحل )
انس : لمني هذا التليفون
الياس : لمتعة الفروسية
انس : 😍 اها قول هكي ، ليش ما عندهاش تليفون
الياس : ما عندهاش قتلي رح تشري بس قلت خلي ناخده اني
انس : حتا اني اليوم شفت البنت يلي شفتها هديكا الليلة
الياس : لالا يلي شفتها اني غير الكل
انس : تقول هكي لانك ما شفتش يلي شفتها
( ركب انس في سيارته و الياس في سيارته و كل واحد طلع )
،
( كملت مشوار مرت ، و خديت تاكسي عشان يوصلني للشقة ، وصلت للشقة و نزلت من التاكسي و خشيت للعمارة )
( وصلت لباب الشقة لقيت باكوا قدام الباب )
وعد : هذا شني
الياس : تليفون
وعد : 👁👁 ( تلفتت )
الياس : هدية انك طلعتي جارتي
وعد : 👁👁 الياس
الياس : 😍 نتمني عجبك
وعد : شكرا بس اني كنت بنشري
الياس : الرسول قبل الهدية
وعد : شكرا ليك
الياس : ما فيش تفضل
وعد : لا طبعا تفضل
الياس : شقتك حلوة
وعد : شكرا ليك
الياس : انتي ساكنة بروحك
وعد : للاسف
الياس : ليش
وعد : بوي و امي تعيش انت
الياس : الله يرحمهم
وعد : امين ، نديرلك حاجة تشربها
الياس : لالا مش لازم ، اني بس حاب اني نسمع صوتك اكتر المرات الجاية
وعد : طبعا
الياس : انتي من وين طلعتيلي يا ولاء
وعد : ليش تقول هكي
الياس : اني امس كيف عرفتك و هكي امانا لو اكتر كيف
وعد : ما فهمتش
( و قعدت نبتسم و نشوفله )
الياس : يوم و حبيتك ، شهر ممكن شني ندير
وعد : ما تسبقش الاحدات يا الياس
الياس : ترا قوليها تاني
وعد : شنهيا
الياس : الياس
وعد : 😂 الياس
الياس : ❤️😍
( حب الياس لوعد كان سريع لدرجة كبيرة ، السبب هو عدم إجاد الحب في حياته ، و هذا يلي خلاه لما قابل وعد حبها ، مع الرغم انها اكبر منه بهلبا ، بس الحب يعمي )
.
وعد : علي العموم شكرا علي الهدية و لازم نردها بهدية
الياس : ايه صح
وعد : 😳 شن الصح
الياس : لازم تردي الهدية ، انك تطلعي معاي يوم ، او لحوشنا و تتعرفي علي اختي
وعد : 👁👁🔥 ايه ايه طبعا طبعا
الياس : سلام
وعد : سلام
( طلعت و سكرت الباب )
وعد : اففففففف ، سهلت عليا هلبا حاجات ، الولد حبني في يوم
.
📍 في حوش دكتور احمد
( طق الباب الحوش )
احمد : ( مشي يجري يفتح )
ليلي : السلام عليكم
احمد : ليلي 😍
الصغار : بابا بابا
احمد : رجعتي ليلي ، توا فهمتي كلامي
ليلي : اني رجعت لاني فهمت من وعد
احمد : وعد
ليلي ؛ هيا يلي قالتلي كل شي و فهمت منها
احمد : منين عرفتي وعد
ليلي : هيا يلي كلمتني
احمد : 😍
✨ يتذكر ✨
وعد : شن مش مشربني حاجة
احمد : شن تبي
وعد : امية لو سمحت
احمد : حاضر
وعد : 👁👁
( هو ناض و انا شديت التليفون و خديت رقم مرته )
وعد : كتبت الرقم
احمد : تفضلي هذه امية
......
ليلي : بعد ما فهمت منها ، لازم تكمل مساعدتك ليها هيا محتاجاك هلبا يا احمد
احمد :😍
( اضبط مرته و صغاره )
.
نوال : جت الحيوانة
حسين : جت
نوال : نديهالي
حسين : حاضر
( مشي حسين يجري ، ينادي في مريم )
مريم : 👁👁 شن تبي مني هذه
( خفت الحق ، و ماشية و قلبي في بطني )
.
( خشيت للمكتب )
نوال : تعالي قعمزي
مريم : تفضلي يا هانم تبي حاجة
نوال : نبي نسالك سوال و نبي اجابة واضحة و صريحة و من غير لف و دوران
مريم : 👁👁 تفضلي
نوال : انتي يلي هربتي وعد صح
مريم : كيف
حسين : بدينا في الغباء
نوال : اسكت انت ، اسمعي فكيني منه الجو هذا انتي يلي هربتي وعد او لا
مريم : لا طبعا
نوال : امانا كيف هربت
مريم : يا هانم ليش بنهربها
نوال : تهريبها باش ترضي دكتور احمد
مريم : لالا لهني و اقطع ما فيش اي شي بيني و بين دكتور احمد
نوال : باهي لنفترض ان مش انتي يلي هربتي وعد ، ليش تكلم فيك
مريم : امتا كلمتني وعد
نوال : امس
مريم : ( ضحكت و اني من داخل خايفة ) لالا هذه بنت خالتي اسمها وعد
حسين : بنت خالتك تبي مكان دكتور احمد
مريم ؛ 👁👁🔥 ماهو ماهو
نوال : ماهو شني
مريم : توا بلعقل يعني اني هربت وعد و ما قلتش لدكتور احمد و وعد تدور في مكانه
نوال : 👁👁
مريم :هادي بنت خالتي ، و تبي دكتور احمد لولدها
نوال : 👁👁
مريم : بس هو فيه حد اسمه حسين حاط وينه عليا طول الوقت و قاتله الشك
نوال : 😳 تمام اطلعي برا توا
مريم : مع السلامة
( الحمد الله يا رب صدقت يارب )
( طلعت )
....
حسين : انتي صدقتيها
نوال : باهي البنت عندها حق ، توا وعد بتهرب و مش حتعرف مكان دكتور احمد بلعقل هكي ، و بعدين انت موسوس في الموضوع هلبا و وسوستني معاك ، اهو اهلها لا تكلموا ولا شي ، بالك ماتت او حد اغتصبها و هيا طالعة ماتت و تفكينا من جرتها
حسين : اني متاكد انها وعد
نوال :برا شوف شغلك يا حسين برا
حسين : 😳 حاضر يا هانم
.
📍الساعة 9 فليل
( بعد ما روح الياس ، درت حمام و قعمزت فتحت التليفون يلي جابه و قعدت نفكر ، هل نكمل كل يلي قالي عليه دكتور احمد او نغير)
( نضت كليت و بعدها نسمع في صوت شباك الصالة يطق )
( فتحت و طبست )
( شفت انس يحدف في رشاد )
وعد : ( ابتسمت و درت حركة بأيدي بمعني شني )
انس : انزلي انزلي
وعد : استني شوي ( بصوت واطي )
انس : تمام ( بصوت واطي )
.
( لبست دجاكة و كانت الدنيا ريح البرا و بدات اني ساكنة في مكان مزارع ، )
( نزلت لقيته يستني فيا )
انس : ساعة . اني تلجت و القهوة تلجت
وعد : جايب معاك حتي قهوة
انس : تفضلي
وعد : شكرا ، باهي تعالي فوق في الشقة الدنيا دافية
انس : لالا نبي نوريك الاسطبل متاعنا
وعد : ما فيش حد
انس : و لا حد . خيرك خايفة
وعد : ( مع اني كنت خايفة الا اني كان خاطري نشوفه من داخل و قلت اكيد ليل فا اكيد ما فيش حد )
.
وعد : الله محلاه الجو في الليل
انس : هو الجو حلو ، بس مش احلا منك
وعد : شكرا 💔
انس : خيرك ما تعرفيش تردي الكلام الحلو
وعد : 💔🥺 شن تبي نقولك
انس : اي شي من فمك يطلع حلو
وعد : 🥺💔 شكر ا
انس : تعالي نوريك الاسطبل من الداخل
وعد : هي
( خشيت للاسطبل ، قاعد كل شي في مكانه ، فيه خيول جديدة ، و فيه خيول خليتها صغيرة و لقيتها كبرت )
وعد : الله محلاه
انس : هذاكا مكاني المفضل
وعد : 😍 تحب الخيل يا انس
انس : طبعا في دمي
وعد : 💔🥺
✨ نتذكر ✨
جلال : ما تنسيش يا بنتي تعلمي انس الخيل ، خليه في دمه حب الخيل
وعد : خيرك بابا حبيبي ، انت بأذن الله حتعلمه و يتربي علي ايدك
جلال : 😌 ان شاء الله يا بنتي
.
وعد : 😢💔
انس : خيرك وعد
وعد : لالا شي الريح خش لعيوني بس
انس : هاتي نمسحهم
( حط ايده علي وجهي و مسحلي دموعي )
.
وعد : ( شفت لعيونه و كيف يشوف لفمي ، 💔 مش عارفة كان حد قطع قلبي ، كأن حد قتلني ، يعني يوم ما نطلع عشان يعرفني امه و نفرح بيه ، نلقاه يشوفلي بطريقة تانية ، 🔥💔 هذا يلي ما كنتش حاسبة حسابه )
وعد : ( نحيت ايده )
انس : خيرك
وعد : اني لازم انروح
انس : مزال تعالي نوريك وعد ، الخيل متع امي
وعد : متع مني
انس : متع امي ، هي ديما تقول هكي ، بس عمري ما شفتها ركبتها
وعد : ( حتي الخيل متعي ، خداته 💔🥺🔥 مش قادرة نوصف الحقارة )
.
وعد : لالا مرة تانية ، ( و مشيت )
انس : وعد نبي رقمك
وعد : شفرة ما عنديش و اليوم كيف خديت تليفون ،
انس : حنجيبلك غدوا شفرة
وعد : تصبح علي خير
انس : و انتي من اهله
.
( تلفت انس و رجع للحوش ، خش )
نهلة : وين كنت
انس : ما ردش
نهلة : نكلم فيك نكلم فيك يا انسسسس
نجوي : فوتيه و خشي ارقدي الناس راقدة
نهلة : 👁👁🔥
.
( خش لداره )
الياس : وين كنت و خيرك ازرق
انس : كنت معاها
الياس : توا
انس : ايه
الياس : و طالع انت و ياها في الريح هذا
انس : كان تشوفها يا خالي
( للاسف امه 💔 )
.
وعد : وصلت للشقة و ركبت الدروج ، اني وصلت لقيت الشقة بابها مفتوح
وعد : 👁👁🔥
( قربت قربت بشوية )
وعد : 😱........................يتبع
اسف طبعا علي جراءة الموضوع . بس هذه القصة ، عارف مش متعودين علي الروايات يلي فيها مواضيع هكي ، بس دائما نحاول ، في رواياتي اني اناقش مواضيع اجتماعية انسانية وفيها رسالة طبعا في النهاية ،،،
اتمني الاحدات عجبتكم ، نتمني نشوف تعليقات حلوة ، حتي كلمة وحدة ، حرام نتعب و نكتب و نبي اي كلمة حلوة و في الاخير ، نقرا " تم " اكتبوا رايكم في الرواية
و تصبحوا علي الف الف الف خير ❤️ احمد عبدالله 🥀