ضمائر نائمه
لمسابقة روايات بقلم كاتبة
الحلقه 2
اصيل: مش عارف من وين نبدا الحق
جوري: احكي وقفتلي قلبي
اصيل: في شي لازم تعرفيه
جوري: اصيل احكي وقفتلي قلبي
اصيل: بيحكي بس قاطعه صوت هاتف جوري
جوري: الو ماما
فايزه :وينك يابنتي من بكري مشغوله عليك
جوري: اني مع اصيل
فايزه: جديات تحكي عطيني انكلمه استاحشته
جوري: تمام وعطت الهاتف لي اصيل
اصيل: ايوه
فايزه :الو يامعفن لاتقول عندي عمه نسال عليها لاشي
اصيل: والله ماني ناسيك لاكن الضروف ياعمتي
فايزه: شن حالك وحال امك والعيله
اصيل: تمام حمد لله في نعمه
فايزه: حمد لله بلهي عليك روح بي جوري بنمشي لي بيت الجيران الحوش فاضي
اصيل: تمام اتوصي ع شي
فايزه: سلامتك وصكرت الخط
اصيل: هيا نوضي انوصلك
جوري: مش بتحكيلي موضوع
اصيل: يوم تاني غير نوضي
جوري: تمام وناضت
عند رغد
حنان: ليك وحشه واللهي
رغد: سلمك حبيبتي
حنان: شن جوك وشن جو العيله انشالله بخير
رغد: تمام حمد لله وانتي
حنان: ماشيه
صفاء: واحنا مش مالين عينك انتي وياها
حنان: انتي معزتك خاصه صفصف ياعلم الله
صفاء: سلمك ياربي يخليك ليا انشالله
حنان: وليااا
رغد: رضيتي توا يا زعوله
صفاء: تقريبا
الكل: 😂😂😂😂❤
نوال: بنات بنقوللكم شي
رغد: احكي
نوال: بكرا خطوبتي
حنان: الف مبروك كنك متقولي خزي عليكي
نوال: حبيت انديرهالكم مفاجئه
صفاء: واحلي مفاجئه الف مبروك اوخيتي
نوال: الله يبارك فيك
رغد: مبروك نونااا
نوال: الله يبارك والعقابل عندك انشالله
رغد: احمعين انشالله
عند الياس
الياس :تمام يعني الصفقه الاسبوع الجاي
عمر: انشالله بتسافر انت ومعاك شخص من الشركه
الياس: تمام بس بنسوق معاي اصيل
عمر: امم باهي حتي اصيل اكويس
الياس: تمام انشالله
احمد: السلام عليكم
عمر: وعليكم السلام
الياس: ناض بدون ولاكلمه
احمد: خير انشالله متبيش اترد
الياس: كمل طريقه ومتكلمش
احمد: تي خير فيتك انتا
الياس: بهزوه ..هه خيرا وقاعد تسال فيه عليك حاله وخلاص
احمد: انت خيرك شن مشكلتك بزبط
الياس: لما ادير قدر لي امك انتا ومرتك انكلمك...وطلع
احمد: ظرب الطوله برجله وطلع
عمر: ربك يهدي من خلق
سعاد: جت تجري شن فيه
عمر: اسالي اولادك ....ومشي
اماسي: اكيد ع موضوع مني
-----------------------
جوري: شكرا تعبتك معاي
اصيل: تعبك راحه
جوري: هيا تفضل
اصيل: لالا مستعجل مره اخره
جوري : غير هيا
اصيل: مره تانيه توا مستعجل
جوري: تمام هيا سلام
اصيل: سلام ومشي
جوري: دخلت البيت قعدت اتحوس
اصيل: الو وينك يا صقر نتصل بيك مشغول
الياس: انكلم في واحد صاحبي
اصيل: به وين انتا توا
الياس: ماشي للقهوه
اصيل: خلاص هاني جايك
الياس: تمام وصكر الخط
--------------------------
خديجه: يابنت كلمي اختك شوفيها وين
ايمان: مش مكلمه حد
خديجه :يابنت اسمعي الكلام وكلميها
ايمان: وقفت ..مش مكلمه حد كلمه هي
خديجه: تعالي اضربيني
ايمان: بتتكلم جت رغد
رغد: خيركم شن فيه
ايمان: اسالي امك
رغد: شن فيه وانتي ديما نفس السيناريو درهتي كبدي
خديجه: شافت لي بناتها بنظرة حزينه وفي نفس الوقت كانت نظراتها تترجا في بناتها يصحوو من غفلتهم هادي
ومشت بدون ولاكلمه
في الظهر
سعاد : اطيب في لغدي
مني: شن حالك يا عزوز النحس
سعاد: اتقطع في الخضره وبدون ولاكلمه
مني: كنها عزوز النحس شكلها عقلت
اماسي: جت تجري وضربت مني كف
مني: تضربيني اني يامعفنه
اماسي: يلي مش عجباتك بتكسرلك راسك انشالله
مني: ههه قصدك انتي بتكسري راسي
الياس:جي معصب .. امشي اقلبي وجهك لي حوشك
مني: قصدك اتلز فيا
الياس: افهميها كيف متبي
مني: شبحت في الياس وطلعت
الياس: تي واللهي الي واخدها ماهو راجل
سعاد: عيب عليك مهما كان هدا خوك
الياس: مش خويااا تي حتي امه يلي امه مش محترمها خليني ساكت وخلاص
سعاد: ربي يهديه شن بنقول
-------------------------------------
فايزه: غدوه بنمشي بيت خويا تمشي معاي
جوري: ياريت واللهي نبي نغير جو
فايزه: تمام
جوري: ماما بنقولك
فايزه: ها احكي
جوري: بلهي عليك ماما نبي نمشي نشري لبسات لطلعات معنديش
فايزه: بري من شدك
جوري: بفرحه ..شكرا شكرا يااحلي ام
فايزه: هه وقت المصلحه بس
جوري: لا مش لدرجه هادي 😂❤️
فايزه: باه امشي
جوري: منوره مامي ودخلت دارها
-------------------
رغد: ايمان ايمان يا مصيبه
ايمان: شن تبي
رغد: ابعتيلي رصيد
ايمان: معنديش
رغد: ديما امصكرتيها
ايمان: معنديش من وين بنخلقه
رغد : باهي فهمنا
ايمان : نننننن ومشت
رغد: ماما ماما
خديجه: نعم
رغد: نبي خمسه جنيه بنشري كرت
خديجه: وقت المصلحه امك
رغد: بتعطيني او لا
خديجه: مش عاطيه
رغد: باهي خليها في بالك
خديجه: تحشمي ع وجهك
رغد: خليتها الحشمه ليك وضربت الباب برجلها ومشت
---------------------------
في الليل
اماسي: جديات بابا
عمر: اي من امتا انبصر انا
اماسي :ربي يحفظك ليااا
عمر: انشالله
سعاد : شكلك نسيتيني
اماسي: انتي مكانك محفوظ في قليبي ياغاليه
سعاد: ربي يرضا عليك دنيا واخره
اماسي: اجمعين انشالله
الياس: جاء..اوو شكلك امديرن لمه عائليه بدوني
اماسي: من امتاا يفوتك شي انتا
الكل: 😂😂
عمر: الياس امشي للمكتب جيب الملف تبع الصفقه
الياس: تمام وين نلقاه
عمر: بين الملفات
الياس: تمام
---------------------
جوري: شوفي هادي
فايزه: محلاهااا
جوري: مزال مريتي شي شوفي هادم
فايزه: كلمهم يهبلووو
جوري: تسلميلي مامي حبيبتي
فايزه: ربي يعطيك الصحه ويحفظك لياا
جوري: وليااا يا احلي ام في الدنيا
فايزه: واحلي بنوته في الدنيا هي تعالي ساعديني في لعشي
جوري: حاضر من عيوني انلم الملابس ونلحقك
فايزه: تم وطلعت
-----------------------------------
الياس: دخل المكتب وقعد يدور في الملفات بس انتبه لي ملف غريب اول مره يشوفه فتحه وهنا كانت الصدمه
الياس: نزل يجري والملف في يده
سعاد: كنك شن فيه
الياس: باتي وين
سعاد: في الدار
الياس: مشي يجري فتح بابا الدار بقوه
عمر: كنك يا ولد
الياس: ........
يتبع ....................
KAMU SEDANG MEMBACA
ضمائر نائمه
Misteri / Thrillerهادي الروايه ليا طبعا كان شرط المسابقه منكتبوش الاسم
