ضمائر نائمه
لمسابقة روايات بقلم كاتبة
الحلقه 1
خديجه: رغد رغد انزلي تغدي
رغد: معنديش نيه
خديجه: غير تعالي
رغد: منبيش كلمه وحده
خديجه: براحتك.... ونزلت لي الصاله
ايمان: بنطلع اني وصاحباتي
خديجه: مفيش اطلوع
ايمان: اني مخدية رايك اني قتلك بس ...وطلعت
خديجه: تحكي مع نفسهاا ...معقوله فيه بنات هكي ميحترموش امهم 💔
الكاتبة :لي الاسف فيه وفيه واجد وهادي الرواية تتكلم عن هدا الموضوع #عقوق الوالدين
خلي انعرفكم علي الابطال............
عيلة رغد....
رغد مواليد 97 تقرا طب اختها ايمان مواليد 2000
وامهم خديجه باتهم ميت ومعندهمش خوات اولاد وحالتهم الماديه عاديه جدا
عيلة الياس ....
الياس مواليد 90 واحمد مواليد 88متجوز وعنده بنت
اماسي مواليد 2000 صديقة ايمان الام سعاد والاب عمر حالتهم الماديه فوق الرياح عندهم شريكات واملاك واجد
وباقي الشخصيات تتعرفو عليهم في الروايه
---------------------------
رغد :امقعمزه ع النت وتهدرز مع صحباتها
خديجه: تربحك بنيتي تعالي ساعديني واللهي الاتعبت
رغد :بعصبيه ...باهي باهي مش وقتك تواا
خديجه: بحزن ..بارك الله فيك يابنتي يا من لحمي ودمي ياسندي
رغد: اف خيرك تدوي واجد امشي كملي شن كنتي اديري
خديجه: مشت بدون متحكي ولا كلمه
رغد: ضروري متنكد عليااا جوي
خديجه: قعمزت في الدار وتدعي ..يارب تهدي بنات يارب دلهم ع طريق الصح مهما دارولي امسامحتهم دنيا واخره راضيه عليهم ليوم الدين
ايمان: تسنيم تسنيم حي شوفي
تسنيم : بسم الله كنك
ايمان: شوفي هدا الولد ..واشرت ع اصيل
تسنيم :تعرفيه انتي ??
ايمان: اي اي نعرفه كويس
تسنيم: احكي به
في مكان تاني
سعاد: وين احمد
مني "زوجة احمد" : تحكي من راس خشمها ....وين نعرف اني
اماسي: كنك تحكي هكي ادوي كويس مع ماما احسنلك
مني: ونبي قصدك انتي بتعلمني كيف ندوي
اماسي: اي لو مش عاجبك اقلبي وجهك من بيتنا
مني: وقفت ...توا تشوفي شن يصيرلك ياعزوز النحس
اماسي: اقلبي وجهك
مني: شبحت في سعاد من فوق لتحت ومشت
اماسي: شفتيها كيف واللهي متتحشم ع وجها
سعاد :تنهدت ........حسبي الله ونعم الوكيل
الياس: تعرف يا اصيل واللهي الا حبيتها من كل قلبي ويعلم الله بنيتي لكن الضروف كانت اقوي مني تخيل مقدرت نعترفلها بحبي ليها
اصيل: انت قول يا رب وانشالله ربي يفرجها
الياس: ونعم بالله هي اتوصي ع شي
اصيل: سلامتك يا غالي بس
الياس: تسلم.... وناض ركب في السياره
اصيل: اتصل بي جوري
جوري: اهلين
اصيل: جوري بنقولك ع شي ولازم تعرفيه اليوم قبل غدوه
جوري: انشالله خير شن فيه
اصيل: امتا فينا نتلاقو
جوري: بكرا مع جو السته
اصيل: تمام نستنا فيك غدوه
جوري: تمام وصكرت
خلي انعرفكم علي جوري بنت طيوبه وحبابه مواليد 98
بس شن عالقتها بي اصيل وهل راح يكون ليها دور في الروايه ??
الياس: وصل للبيت سلم ع امه وهدرز معاها شويا ودخل لدار قعمز ع السرير وقعد يتصفح في النت لحضات وقابله ايميل بعتله طلب و كمل تصفيح في النت
اماسي: طق طق طق
الياس : ادخل
اماسي: فتحت الباب ودخلت ..شن جو اوخي الغالي
الياس: حمدلله كنك شن تبي
اماسي: نبي نحكي معاك في موضوع
الياس: ادوي
عند رغد
خديجه : رغد تعالي نبيك
رغد: اف شن فيه
خديجه: غير تعالي
رغد: نزلت ومش طايقه امها لحضات تعترت طاحت انجرحت
خديجه: جت تجري ..فيك شي بنيتي
رغد: بعصبيه ...مش هدا بسببك امشي عني
خديجه: ودمعتها في عينها ....حرام عليك يابنيتي في ام ادير هكي في صغارها
رغد: اي انتي ...ووقفت ومشت بخطوات بطئه جدا وكانت تتالم واجد
خديجه: بحزن وغصه في قلبها ...ربي يهديك يابنيتي
اماسي: مش عارفه بنقولك لكن
الياس: ادوي متلعبيش باعصابي
اماسي: مرت احمد مني
الياس: ادوي خيرها
اماسي: مش محترمه ماما بكل واليوم هددتها وقالتلها يا عزوز النحس
الياس: بعصبيه......هدا كله يصير وانا راقد ع وداني اقسم بالله ماني راحمها الا امي خط احمر ...وطلع من الدار
في مكان تاني
ايمان: تاخر واجد
تسنيم : بخبث ...توا يجي
ايمان: لينا تقريبا نص ساعه هنا
تسنيم : كنك قتلك شويا وجاي
ايمان: به هاني نرجاء فيه
تسنيم : بنقولك
ايمان: احكي شنوو
تسنيم : قتلك اصيل صاحب الياس
ايمان: اي عليش شن فيه
تسنيم : به الياس هوا ولد صاحب باتك
ايمان: اي كنك تسالي شن تبي فيهم فهمني
تسنيم : لالا مافي شي
ايمان: اممم باه
تسنيم : ابتسمت ابتسامه زائفه وتحكي مع نفسهاا....توا بدا دورك ياتسنيم لازم تكملي اللعبه يلي لعبوها
ايمان: ياهوو وين شارده ليا ساعه انكلم فيك
تسنيم :اه اي معاك معاك
الياس: بعياط ..احمد احمد
احمد: تي كنك شن فيه
الياس: شن فيه امشي اسال مرتك المحترمه
احمد: تي وين تحساب روحك
الياس: تي واللهي ماك راجل كان هدا متخليش فرخه تحكم فيك تي حتي من امك مش محترمتها
احمد: بعصبيه حاول يضرب الياس كف
الياس: شد يد احمد ...تي واللهي ماك راجل... ومشي
صباح اليوم التاني
رغد: ماما ماما
خديجه: نعم شن فيه
رغد: بنطلع مع صاحباتي للمحلات بناخد شويت حاجات
خديجه: تمام بس متعطليش
رغد: حاجه تعنيني مش شورك
خديجه: ربي يهدي من خلق اني واللهي يابنتي انحبك وندعيلك ربي يهديك يلي اديري فيه مش لصالحك بكل
رغد: في نص الكلام مشت وخلت امها وكانه شي لم يكن
خديجه: تنهدت ومشت لدارها
رغد: ديما نفس السيناريو اف ...واتصلت بصديقتها حنان
رغد: الو حنونه شجوو
حنان: حمدلله تي وينك امغيبه لاتسالي لاشي
رغد: واللهي الفتره يلي فاتت كان عندي شويت ظروف
حنان: اها الحمد لله ع كل حال
رغد: قتلك شويا وجياتك اني والصبايا
حنان: مرحبتين بيكم
رغد: هيا نتلاقو سلام
حنان: سلام وصكرت
في مكان تاني
اصيل: الو جوري وينك نرجا فيك من بكري
جوري: شويا ونوصل
اصيل: تمام
جوري: بعد لحظات جت ..شجوو
اصيل: تمام وانتي
جوري: حمد لله شن الموضوع يلي بتقوللي عليه من امس واني انفكر فيه
اصيل: مش عارف من وين نبدا الحق
جوري: احكي وقفتلي قلبي
اصيل: في شي لازم تعرفيه
جوري: اصيل احكي وقفتلي قلبي
اصيل: ......................
يتبع ...........
